म्हसीका
थ्व पौ पावलं थःम्हं यूरोपय् दक्वसिबय् न्हापां स्वना थकूगु रोमी साम्राज्यया माकेडोनियाया मण्डलीयात च्वःगु खः। पावलं थ्व पौ थःत झ्यालखानाय् कुनातःबलय् च्वःगु खः। अबलय् गुलिं गुलिं विश्वासीतय्सं वयात मभिंकाः खँ ल्हानाच्वंगु व फिलिप्पीइ च्वंगु मण्डलीइ फताहा गुरुतय्सं वयाः मखुगु मखुगु खँ स्यनाः दुःख बियाच्वंगु खः। थथे दुःखकष्ट फयेमाःसां पावलं येशू ख्रीष्टयात क्वात्तुक विश्वास यानाः लय्ताया च्वनेमाःगु खँ न्ह्यथनातःगु दु।
पावलं थ्व पौ फिलिप्पीइ च्वंपिं विश्वासीतय्सं थःत माःबलय् ग्वाहालि छ्वयाहःगुलिं इमित सुभाय् बियाः च्वयातःगु खः। पावलं थःत व इमित दुःखकष्ट जूसां साहस व भरोसा कायेमाः धकाः अर्ती बियातःगु दु। थ्व पौलय् थःगु जक भिं स्वयाः तःधंछुना मजुसे ख्रीष्ट थें क्वमिलु जुइमाः धयागु खँ नं न्ह्यथनातःगु दु। थ्व न्हूगु जीवन व्यवस्था मानय् यानाः दुगु मखु, बरु ख्रीष्टलिसे छप्पँ जूगुलिं परमेश्वरं बियादीगु वरदान खः धकाः नं ध्वाथुइकातःगु दु। थुकी परमेश्वरं ख्रीष्टलिसे छप्पँ जुइपिन्त बियादीगु आनन्द व शान्तियागु खँ नं न्ह्यथनातःगु दु।
थ्व पौलय् विश्वासीतय्गु चालचलनय् खनेदयेमाःगु खँ, गथे लय्ताया जुइगु, भरोसा तयेगु, मिलय् जुइगु व सह यानाजुइगु खँय् नं बःबियातःगु दु। थ्व पौलय् फिलिप्पीइ च्वंगु मण्डलीइ च्वंपिन्त पावलं तसकं माया याः धकाः सी दु।
धलः पौ
न्ह्यखँ १:१-११
पावलयागु जुयाच्वंगु खँ १:१२-२६
ख्रीष्टयात विश्वास यानाः म्वायेगु १:२७–२:१८
तिमोथी व इपाफ्रोडिटसया बारे पावलया ग्वसाः २:१९-३०
ख्याच्वः व होश यायेगु खँ ३:१–४:९
भेटी ब्यूपिन्त सुभाय् ब्यूगु ४:१०-२०
क्वचाय्कूगु ४:२१-२३
फिलिप्पी
