Tabekacane 36 - Ngudradreadrekadhane Ka Sisiu 魯凱語聖經

Mwabaibalrithi ki Isau

¹ Kikai nipacasane pilebe amani ku lamwabaibalrithi ki Isau; ku Isau ku taingeane ku naganeini sia Idume.

² Ku Isau siataelrelre ki tapia ka swa Kanange; marudrange mwa ki Ada ka lalake ki Ilune ka swa Hite, agane ki Zibeunge ka swa Hivi ka lalake ki Anahe ka sia Uhulibama,

³ lalake ki Isemaele ka agi ki Nebaiuthe ka Basemathe.

⁴ Ku Ada twalalake ki Ilripaze; ku Basemathe twalalake ki Reuele;

⁵ ku Uhulibama twalalake ki Yeuse, Yalame si Kura. Kikai lalalake ki Isau yadrepele ka kiatulalake ikai Kanange.

⁶ Ku Isau wailuku ki taelrelreini si labaibaini, lalalake, si laumawmaseini makanaelre, si lalwange lakiu si malraini ikai Kanange patuelre ku tacekecekelane, katwase ki agini ka Yakubu, papia talidrumane.

⁷ Asi lwiyane kikai taidrusa ka daane yai makalra turamuru ku lwange kiu si tacekecekelane lini, la kai makakelretenga ikai kwini taikaiyane lini kwi kadaengane, kai wadulrunga taelre,

⁸ ku Isau la katwase kidaili kwini, papia talikai lregelrege ka Idume ikaikai kwini. Ku Isau mialri ka sia Idume.

⁹ Kikai lebe amani ku cucungulane ki swa Idume ka lamwabaibalrithi ki Isau:

^10-13 Ku taelrelre ki Isau ka Ada twalalake ku vaeva ku sawvalai, sia Ilripaze. Ku Ilipaze pasangwa lrima tulalake ku lasawvalavalai, amani kai Temange, Umare, Zepu, Gatame si Kenaze. Ku labaibai ki Ilripaze ka Timena twalalake ku vaeva ku sawvalai, sia Amaleke. Ku taelrelre ki Isau ka Basemathe twalalake ku vaeva ku sawvalai, sia Reuele. Ku Reuele pasangwa supate ku sawvalai, amani kai Nahathe, Zera, Sama si Miza.

¹⁴ Ku taelrelre ki Isau ka Uhulibama agane ki Zibeunge lalake ki Anahe; kwi alisu twalalake ku lalake ki Isau pasangu tulru ku sawvalai, amani kai Yeuse, Yalame, Kura.

¹⁵ Kikai lebe yai lamwabaibalrithi ki Isau ka lazuku. Ku takataakanga ka lalake ki Isau ka Ilripaze yai ku cucungulane ki swa Temange, swa Umare, swa Zepu, swa Kenaze,

¹⁶ swa Kura, swa Gatame si swa Amaleke ka lazuku. Kikai belenge kikai lazuku amani ku lamwabaibalrithi ki Ada ka taelrelre ki Isau.

¹⁷ Kai lalake ki Isau ka Reuele yai cucungulane ki swa Nahathe, swa Zera, swa Sama si swa Miza ka lazuku. Kikai belenge kikai lazuku amani ku lamwabaibalrithi ki Basemathe ka taelrelre ki Isau.

¹⁸ Kai swa Yeuse, swa Yalame, swa Kura ka lazuku amani ku lamwabaibalrithi ki Uhulibama ka lalake ki Anahe ka taelrelre ki Isau.

¹⁹ Ala kilakikai lazuku yadrepele ka lamwabaibalrithi ki Isau. Ku Isau ku taingeane ku naganeini sia Idume.

Lamwabaibalrithi ki Seire

^20-21 Ku cucungulane ki swa talikai Idume ka sakwa ikai kwini yai swa Huri ka cucungulane makanaelre ki Seire. Kwi lalasu yai amani kai Lutange, Subale, Zibeunge, Anahe, Disunge, Izere si Disange.

²² Kai Lutange cucungulane ki taidrusane ka zuku ka swa Huri si swa Hemange. Kai Lutange yakai ku agini ku sia Timena.

²³ Kai Subale cucungulane kai ki lazuku ka swa Alevange, swa Manahathe, swa Ibale, swa Sepu si swa Uname.

²⁴ Kai Zibeunge tadrusa ka sawvalai ku lalakeini, amani kai Aiya si Anahe. (Kwidra sakacaili sa ikai calragulragu lapulapu ki ruba ki tamaini, la kidringai ku maculu ka berai, amani kikai Anahe.)

^25-26 Ku Anahe tama ki Disunge; kai Disunge amani ku cucungulane ki swa Hemedange, swa Isebane, swa Itherane si swa Kerane. Kai Anahe yakai ku tangea ku ababai ku lalakeini sia Uhulibama.

²⁷ Kai Izere amani ku cucungulane ki lazuku ki swa Bilehane, swa Zavange si swa Akange.

²⁸ Kai Disange amani ku cucungulane ki swa Uze si swa Arange ka taidrusa ka zuku.

^29-30 Kikai lebe amani ku yakai tali Idume ka lazuku ki swa Huri: swa Lutange, swa Subale, swa Zibeunge, swa Anahe, swa Disunge, swa Izere si swa Disange.

Latalialalai ki swa Idume

^31-39 Sa kakadrwana ku talialalai ki swa Iseraylri, kikai lebe kai latalialalai mauabalribalrithi rathudu ki swa Idume: Biure ka lalake ki Bila, twacekele ka Dinaba Yubabe ka lalake ki Zera ka swa Buzera Husame ka swa talikai Temange Hadare ka lalake ki Bedade, twacekele ka Avite (Kai lasu yakai ka Muabe pamalebe ki swa Midiange) Swa Masereka ka Samela Saule ka swakai kadravane Rehebuthe Baale Hanange ka lalake ki Akebure Hadade, twacekele Pau (ku taelrelreini ka Mehetabele lalake ki Materede ka agane ki Mezahabe.)

^40-43 Kai Isau cucungulane ki swa Timena, swa Aleva, swa Yethethe, swa Uhulibama, swa Ila, swa Pinunge, swa Kenaze, swa Temange, swa Mibezare, swa Magedile si swa Irame ka lazuku ki swa Idume. Kikai lazuku ku taikaikaiyane lini singiakai ki nagane ki zuku lini sunagane.