ᐱᓕᐱᔭᓇ INTRO1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐᑕᓐ ᐊ ᐃᓯ ᐊᔨᒧᑕᒡ ᐅᑕ ᒥᓯᓇᐃᑭᓂᒡ ᑈᓪ ᑲ ᒥᓯᓇᐊᒧᐛᑦ ᑲ ᑕᑈᑎᒥᔨᒋ ᐱᓕᐸᐃᒡ ᑲ ᑕᔨᒋ᙮ ᒪᒂᒡ ᑲᒪᑯᓄᐛᓯᐅᒋᐛᐱᒡ ᒋ ᑕᐤ ᑈᓪ ᐅᔭ ᑲ ᐃᑎᓯᓇᐃᒐᑦ, ᐊᓐᑕ ᕈᒥᒡ ᐊᑯᑕ ᑲ ᑕᑦ᙮ ᐊᓐᒡ ᐃᔪᒡ ᐊᓐᑕ ᐱᓕᐸᐃᒡ ᑲ ᑕᒡ ᒋ ᐃᑎᓴᐛᐛᑯᐱᓇᓂᒡ ᐊᓂᔭ ᓇᐸᐛ ᐃᐸᑉᕋᑕᐃᑕᔅ ᑲ ᐃᓯᓂᐧᑲᓱᔨᒋ ᐊᓐᑕ ᑈᓚ ᐊ ᑕᔨᒋ ᒐᒋ ᐃᑐᑐᐛᔨᒋ ᒥᔨᐛᐅᓂᔪᐤ᙮ ᒪᒂᒡ ᒪᒃ ᐊᓐᑕ ᕈᒥᒡ ᑲ ᑕᑦ ᐃᐸᑉᕋᑕᐃᑕᔅ ᒋ ᐊᐧᑯᓱᐤ, ᐊᑯ ᓇᔅᒡ ᑲ ᐊᔨᒪᔨᑎᒥᐃᑯᒡ ᐊᓐᒡ ᑲ ᑕᑈᑕᒡ ᐊᓐᑕ ᐱᓕᐸᐃᒡ ᑲ ᑕᒡ᙮ ᐃᔅᐱ ᒪᒃ ᑲ ᒥᓄᐛᔅᐱᓇᔨᒋ, ᑈᓪ ᒥᓐ ᑲᐤ ᒋ ᒋᐛᑎᓴᐛᐤ ᐊᓐᑕ ᐱᓕᐸᐃᒡ ᒐᒋ ᐃᑐᑐᐛᔨᒋ ᐅᒥᓯᓇᐊᒪᒐᐅᓐ ᐊᓂᔭ ᐃᔪᐛ᙮ ᐊᑎ ᒪᒃ ᑲᒪᑯᓄᐛᓯᐅᒋᐛᐱᒡ ᐊᒋ ᑕᑦ ᑈᓪ ᒪᒂᒡ ᑲ ᒥᓯᓇᐊᒧᐛᑦ ᐅᔭ ᐃᔪᐛ, ᐃᔭᐱᒡ ᒋ ᓂᔅᑐᑕᑯᓂᔪᐤ ᒧᒋᒐᔨᑎᒧᐅᓂᔪᐤ ᐊ ᐊᔭᑦ᙮ ᑭᔭ ᒋ ᓂᓇᔅᑯᒪᐤ ᑈᓪ ᐅᔭ ᐃᔪᐛ ᐊ ᓴᒋᐃᑯᑦ ᑭᔭ ᒥᓯᐛ ᑕᓐ ᑲ ᐃᓯ ᐎᒋᐃᑯᑦ᙮ |
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
Wycliffe Bible Translators, Inc.