Itangô 7 - Bibili 1927 (Omyene)

¹ Gw’amèṉizi Môsès gô nôge nagô y’ikuku, azagi yô, avanga yô ôrunda ta ni yom̃a yôdu ya yô, ta ni mbôra yi jirô intyagô ni yom̃a yôdu ya yô; azagi yô avanga yô ôrunda.

² Gambèṉè ivangiṉi y’Israèl, inkum̃u s’inagô s’ireri saô, si r’ivangiṉi y’imbuṽe, n’irangisi y’aṉaga w’arangyô.

³ Aṽagi waô intyagô saô g’ôzô wi Yeôva intyôṉe ôrôṽa pangô pa n’indwaṉô n’igôm̃i ny’inyare mbaṉi, ntyôṉe mori gôr’ivangiṉi mbaṉi ni nyare mori gôr’ôvanginy’edu; n’aveṉi waô sô swaswo ni nagô y’ikuku.

⁴ N’agambi Yeôva gôre Môsès, awulya inè:

⁵ Wonge ya yiṉo avila gô sô, ko yô dôṽyô gô janja gô ñanja y’idataṉa; ô be pa yô gôre Leviti, gôr’ôm’edu ga nt’are ṽilô yè.

⁶ N’awongi Môsès intyôṉe n’inyare, ava sô gôre Leviti.

⁷ Aveṉi ntyôṉe mbaṉi ni nyare nay gôr’awaṉ’aṉôm̃e wi Gèrson, ga nt’are ṽilô yaô.

⁸ Aveṉi ntyôṉe nay ni nyare eṉanay gôr’awaṉ’aṉôm̃e wi Merari, ga nt’are ṽilô yaô, gô kèndyô ne Itamar, y’ômwaṉ’ôṉôm̃e w’Aarône yi miṉisè.

⁹ Ndô e pa pa du sô gôr’aṉôm̃e wi Keat, konde nè ṽilô yaô y’arweṉi gô twaṉe yom̃a y’ôrunda gw’iṽegi yaô.

¹⁰ Ivangiṉi w’aveṉi ntyagô yaô gô pange mbôra yi jirô intyagô ôrunda gô ntyugu y’azagyô yô; ivangiṉi w’aveṉi ntyagô yaô swaswo ni mbôra yi jirô intyagô.

¹¹ N’awulyi Yeôva gôre Môsès inè: ivangiṉi yi be bya ôm̃ori ôm̃ori, ôm’edu gô ntyugu yè, gô pe ntyagô yaô gô pange mbôra yi jirô intyagô ôrunda.

¹² Ayè y’ayiri ntyagô yè gô ntyugu nônga ne Naason, y’ômwaṉ’ôṉôm̃e w’Aminadab, gô mbuṽe yi Yuda.

¹³ Aveṉi gô ntyagô yè desi yi sika ya pupu pisô pa g’ôdôdô nkam̃a y’isikèl n’agôm̃i m’isikèl ararô, ntyèngè yi sika ya pupu y’agôm̃i m’isikèl ôrwageṉô, ga nt’are sikèl yi mbôra y’ôrunda, yôdu ṽaṉi ralye ni farinya mbya bindô pa n’agali, gô ntyagô yi mpagaga.

¹⁴ Imogi nyi sika ya teṉateṉa ny’igôm̃i ny’isikèl, ralye ni ya yi nkangô;

¹⁵ ômwaṉa wi nyam̃a ôm̃ori, idombè iṉôm̃e im̃ori, n’ômwaṉa w’idombè w’ômpum̃’ôm̃ori gô ntyagô yi pezô;

¹⁶ mbôṉi nôm̃e mori, gô ntyagô y’ôraṽô wi mpungu y’ibe;

¹⁷ na gô ntyagô y’akeṽa inyar’iṉôm̃e mbaṉi, adombè aṉôm̃e ataṉè, imbôṉ’iṉôm̃e ôtaṉè, awaṉa w’adombè ataṉè w’ômpum̃’ôm̃ori. Yiṉo ne ntyagô yi Nason, y’ômwaṉ’ôṉôm̃e w’Aminadab.

¹⁸ Gô ntyugu yi mbaṉi, Natanaèl, y’ômwaṉ’ôṉôm̃e wi Suar, y’ôvangiṉi w’Isakar, ayiri ntyagô yè.

¹⁹ Aveṉi gô ntyagô yè desi yi sika ya pupu pisô pa g’ôdôdô nkam̃a y’isikèl n’agôm̃i m’isikèl ararô, ntyèngè yi sika ya pupu y’agôm̃i m’isikèl ôrwageṉô, ga nt’are sikèl yi mbôra y’ôrunda, yôdu ṽaṉi ralye ni farinya mbya bindô pa n’agali, gô ntyagô yi mpagaga.

²⁰ Imogi nyi sika ya teṉateṉa ny’igôm̃i ny’isikèl, ralye ni ya yi nkangô,

²¹ ômwaṉa wi nyam̃a ôm̃ori, idombè iṉôm̃e im̃ori, n’ômwaṉa w’idombè w’ômpum̃’ôm̃ori, gô ntyagô yi pezô;

²² mbôṉi nôm̃e mori, gô ntyagô y’ôraṽô wi mpungu y’ibe,

²³ na gô ntyagô y’akeṽa, inyar’iṉôm̃e mbaṉi adombè aṉôm̃e ataṉè, mbôṉi nôm̃e ôtaṉè, awaṉa w’adombè ataṉè w’ômpum̃’ôm̃ori. Yiṉo ne ntyagô yi Natanaèl, y’ômwaṉ’ôṉôm̃e wi Suar.

²⁴ Gô ntyugu yi ntyarô, ôvangiṉi w’awaṉ’aṉôm̃e wi Zabulôn, Elyab, y’ômwaṉ’ôṉôm̃e w’Elon,

²⁵ aveṉi gô ntyagô yè desi yi sika ya pupu pisô pa g’ôdôdô nkam̃a y’isikèl n’agôm̃i m’isikèl ararô, ntyèngè yi sika ya pupu y’agôm̃i m’isikèl ôrwageṉô ga nt’are sikèl yi mbôra y’ôrunda, yôdu ṽaṉi ralye ni farinya mbya bindô pa n’agali, gô ntyagô y’inya;

²⁶ imogi nyi sika ya teṉateṉa ny’igôm̃i ny’isikèl, ralye ni ya yi nkangô;

²⁷ ômwaṉa wi nyam̃a ôm̃ori, idombè iṉôm̃e im̃ori, n’ômwaṉa w’idombè w’ômpum̃’ôm̃ori, gô ntyagô yi pezô,

²⁸ mbôṉi nôm̃e mori, gô ntyagô y’ôraṽô wi mpungu y’ibe;

²⁹ na gô ntyagô y’akeṽa, inyare iṉôm̃e mbaṉi, adombè aṉôm̃e ataṉè, imbôṉi nôm̃e ôtaṉè, awaṉa w’adombè ataṉè w’ômpum̃’ôm̃ori. Yiṉo ne ntyagô y’Elyab y’ômwaṉ’ôṉôm̃e w’Elon.

³⁰ Gô ntyugu yi ntyarô, ôvangiṉi w’awaṉ’aṉôm̃e wi Rubèn, Elusur, y’ômwaṉ’ôṉôm̃e wi Sedeur,

³¹ aveṉi gô ntyagô yè desi yi sika ya pupu pisô pa g’ôdôdô nkam̃a y’isikèl n’agôm̃i m’isikèl ararô, ntyèngè yi sika ya pupu y’agôm̃i m’isikèl ôrwageṉô, ga nt’are sikèl yi mbôra y’ôrunda, yôdu ṽaṉi ralye ni farinya mbya bindô pa n’agali gô ntyagô yi mpagaga,

³² imogi nyi sika ya teṉateṉa ny’igôm̃i ny’isikèl, ralye ni ya yi nkangô,

³³ ômwaṉa wi nyam̃a ôm̃ori, idombè iṉôm̃e im̃ori, n’ômwaṉa w’idombè w’ômpum̃’ôm̃ori, gô ntyagô yi pezô,

³⁴ mbôṉi nôm̃e mori, gô ntyagô y’ôraṽô wi mpungu y’ibe;

³⁵ na gô ntyagô y’akeṽa, inyare iṉôm̃e mbaṉi adombè aṉôm̃e ataṉè, imbôṉi nôm̃e ôtaṉè, awaṉa w’adombè ataṉè w’ômpum̃’ôm̃ori. Yiṉo ne ntyagô y’Elisur, y’ômwaṉ’ôṉôm̃e wi Sedeur.

³⁶ Gô ntyugu y’ôtaṉè, ôvangiṉi w’awaṉ’aṉôm̃e wi Simeôn, Selumyèl, y’ômwaṉ’ôṉôm̃e wi Surisaday,

³⁷ aveṉi gô ntyagô yè desi yi sika ya pupu pisô pa g’ôdôdô nkam̃a y’isikèl n’agôm̃i m’isikèl ararô, ntyèngè yi sika ya pupu y’agôm̃i m’isikèl ôrwageṉô, ga nt’are sikèl yi mbôra y’ôrunda, yôdu ṽaṉi ralye ni farinya mbya bindô pa n’agali gô ntyagô yi mpagaga;

³⁸ imogi nyi sika ya teṉateṉa ny’igôm̃i ny’isikèl ralye ni ya yi nkangô;

³⁹ ômwaṉa wi nyam̃a ôm̃ori, idombè iṉôm̃e im̃ori, n’ômwaṉa w’idombè w’ômpum̃’ôm̃ori, gô ntyagô yi pezô;

⁴⁰ mbôṉi nôm̃e mori, gô ntyagô y’ôraṽô wi mpungu y’ibe;

⁴¹ na gô ntyagô y’akeṽa, nyare iṉôm̃e mbaṉi, adombè aṉôm̃e ataṉè, mbôṉi nôm̃e ôtaṉè, awaṉa w’adombè ataṉè w’ômpum̃’ôm̃ori. Yiṉo ne ntyagô yi Selumyèl, y’ômwaṉ’ôṉôm̃e wi Surisaday.

⁴² Gô ntyugu y’ôrôṽa, ôvangiṉi w’awaṉ’aṉôm̃e wi Gad, Elyasaf, y’ômwaṉ’ôṉôm̃e Deuèl,

⁴³ aveṉi gô ntyagô yè desi yi sika ya pupu pisô pa g’ôdôdô nkam̃a y’isikèl n’agôm̃i m’isikèl ararô; ntyèngè yi sika ya pupu y’agôm̃i m’isikèl ôrwageṉô, ga nt’are sikèl yi mbôra y’ôrunda, yôdu ṽaṉi ralye ni farinya mbya bindô pa n’agali gô ntyagô yi mpagaga;

⁴⁴ imogi nyi sika ya teṉateṉa ny’igôm̃i ny’isikèl, ralye ni ya yi nkaṉgô;

⁴⁵ ômwaṉa wi nyam̃a ôm̃ori, idombè iṉôm̃e im̃ori n’ômwaṉa w’idombè w’ômpum̃’ôm̃ori gô ntyagô yi pezô;

⁴⁶ mbôṉi nôm̃e mori gô ntyagô y’ôraṽô wi mpungu y’ibe;

⁴⁷ na gô ntyagô y’akeṽa, inyare iṉôm̃e mbaṉi, adombè aṉôm̃e ataṉè, mbôṉi nôm̃e ôtaṉè, awaṉa w’adombè ataṉè w’ômpum̃’ôm̃ori. Yiṉo ne ntyagô y’Elyasaf, y’ômwaṉ’ôṉôm̃e wi Deuèl.

⁴⁸ Gô ntyugu y’ôrwageṉô, ôvangiṉi w’awaṉ’aṉôm̃e w’Efrayim, Elisama, y’ômwaṉ’ôṉôm̃e w’Amiyud,

⁴⁹ aveṉi gô ntyagô yè desi yi sika ya pupu pisô pa g’ôdôdô nkam̃a y’isikèl n’agôm̃i m’isikèl ararô, ntyèngè yi sika ya pupu y’agôm̃i m’isikèl ôrwageṉô, ga nt’are sikèl yi mbôra y’ôrunda yôdu ṽaṉi ralye ni farinya mbya bindô pa n’agali gô ntyagô yi mpagaga;

⁵⁰ imogi nyi sika ya teṉateṉa ny’igôm̃i ny’isikèl, ralye ni ya yi nkangô;

⁵¹ ômwaṉa wi nyam̃a ôm̃ori, idombè iṉôm̃e im̃ori, n’ômwaṉa w’idombè w’ômpum̃’ôm̃ori, gô ntyagô yi pezô;

⁵² mbôṉi nôm̃e mori, gô ntyagô y’ôraṽô wi mpungu y’ibe;

⁵³ na gô ntyagô y’akeṽa, inyare iṉôm̃e mbaṉi, adombè aṉôm̃e ataṉè, mbôṉi nôm̃e ôtaṉè, awaṉa w’adombè ataṉè w’ômpum̃’ôm̃ori. Yiṉo ne ntyagô y’Elisama, y’ômwaṉ’ôṉôm̃e w’Amiyud.

⁵⁴ Gô ntyugu y’eṉanay, ôvangiṉi w’awaṉ’aṉôm̃e wi Manase, Gamalyèl, y’ômwaṉ’ôṉôm̃e wi Pedasur,

⁵⁵ aveṉi gô ntyagô yè desi yi sika ya pupu pisô pa g’ôdôdô nkam̃a y’isikèl n’agôm̃i m’isikèl ararô, ntyèngè yi sika ya pupu y’agôm̃i m’isikèl ôrwageṉô ga nt’are sikèl yi mbôra y’ôrunda, yôdu ṽaṉi ralye ni farinya mbya bindô pa n’agali gô ntyagô yi mpagaga;

⁵⁶ imogi nyi sika ya teṉateṉa ny’igôm̃i ny’isikèl ralye ni ya yi nkangô;

⁵⁷ ômwaṉa wi nyam̃a ôm̃ori, idombè iṉôm̃e im̃ori, n’ômwaṉa w’idombè w’ômpum̃’ôm̃ori, gô ntyagô yi pezô;

⁵⁸ mbôṉi nôm̃e mori gô ntyagô y’ôraṽô wi mpungu y’ibe;

⁵⁹ na gô ntyagô y’akeṽa, inyare iṉôm̃e mbaṉi, adombè aṉôm̃e ataṉè, imbôṉi nôm̃e ôtaṉè, awaṉa w’adombè ataṉè w’ômpum̃’ôm̃ori. Yiṉo ne ntyagô yi Gamalyèl, y’ômwaṉ’ôṉôm̃e wi Pedasur.

⁶⁰ Gô ntyugu y’eṉôgôm̃i, ôvangiṉi w’awaṉ’aṉôm̃e wi Benyamin, Abidan, y’ômwaṉ’ôṉôm̃e wi Gideôni,

⁶¹ aveṉi gô ntyagô yè desi yi sika ya pupu pisô pa g’ôdôdô nkam̃a y’isikèl n’agôm̃i m’isikèl ararô, ntyèngè yi sika ya pupu y’agôm̃i m’isikèl ôrwageṉô ga nt’are sikèl yi mbôra y’ôrunda, yôdu ṽaṉi ralye ni farinya mbya bindô pa n’agali gô ntyagô yi mpagaga;

⁶² imogi nyi sika ya teṉateṉa ny’igôm̃i ny’isikèl, ralye ni ya yi nkangô;

⁶³ ômwaṉa wi nyam̃a ôm̃ori, idombè iṉôm̃e im̃ori, n’ômwaṉa w’idombè w’ômpum̃’ôm̃ori, gô ntyagô yi pezô;

⁶⁴ mbôṉi nôm̃e mori, gô ntyagô y’ôraṽô wi mpungu y’ibe;

⁶⁵ na gô ntyagô y’akeṽa, inyare iṉôm̃e mbaṉi, adombè aṉôm̃e ataṉè, mbôṉi nôm̃e ôtaṉè, awaṉa w’adombè ataṉè w’ômpum̃’ôm̃ori. Yiṉo ne ntyagô y’Abidan, y’ômwaṉ’ôṉôm̃e wi Gideôni.

⁶⁶ Gô ntyugu y’igôm̃i, ôvangiṉi w’awaṉ’aṉôm̃e wi Dan, Ayiezèr, y’ômwaṉ’ôṉôm̃e w’Amisadai,

⁶⁷ aveṉi gô ntyagô yè desi yi sika ya pupu pisô pa g’ôdôdô nkam̃a y’isikèl n’agôm̃i m’isikèl ararô, ntyèngè y’agôm̃i m’isikèl ôrwageṉô, ga nt’are sikèl yi mbôra y’ôrunda, yôdu ṽaṉi ralye ni farinya mbya bindô pa n’agali gô ntyagô yi mpagaga;

⁶⁸ imogi nyi sika ya teṉateṉa ny’igôm̃i ny’isikèl, ralye ni ya yi nkangô;

⁶⁹ ômwaṉa wi nyam̃a ôm̃ori, idombè iṉôm̃e im̃ori n’ômwaṉa w’idombè w’ômpum̃’ôm̃ori, gô ntyagô yi pezô;

⁷⁰ mbôṉi nôm̃e mori, gô ntyagô y’ôraṽô wi mpungu y’ibe;

⁷¹ na gô ntyagô y’akeṽa, inyare iṉôm̃e mbaṉi, adombè aṉôm̃e ôtaṉè, awaṉa w’adombè ataṉè w’ômpum̃’ôm̃ori. Yiṉo ne ntyagô y’Ayiezèr, y’ômwaṉ’ôṉôm̃e w’Amisadai.

⁷² Gô ntyugu y’igôm̃i ni mori, ôvangiṉi w’awaṉ’aṉôm̃e w’Asèr, Pagyèl, y’ômwaṉ’ôṉôm̃e w’Ôkran,

⁷³ aveṉi gô ntyagô yè desi yi sika ya pupu pisô pa g’ôdôdô nkam̃a y’isikèl n’agôm̃i m’isikèl ararô, ntyèngè yi sika ya pupu y’agôm̃i m’isikèl ôrwageṉô ga nt’are sikèl yi mbôra y’ôrunda, yôdu ṽaṉi ralye ni farinya mbya bindô pa n’agali gô ntyagô yi mpagaga;

⁷⁴ imogi nyi sika ya teṉateṉa ny’igôm̃i ny’isikèl, ralye ni ya yi nkangô;

⁷⁵ ômwaṉa wi nyam̃a ôm̃ori, idombè iṉôm̃e im̃ori n’ômwaṉa w’idombè w’ômpum̃’ôm̃ori, gô ntyagô yi pezô;

⁷⁶ mbôṉi nôm̃e mori gô ntyagô y’ôraṽô wi mpungu y’ibe;

⁷⁷ na gô ntyagô y’akeṽa, inyare iṉôm̃e mbaṉi, adombè aṉôm̃e ataṉè, imbôṉi nôm̃e ôtaṉè, awaṉa w’adombè ataṉè w’ômpum̃’ôm̃ori. Yiṉo ne ntyagô yi Pagyèl, y’ômwaṉ’ôṉôm̃e w’Ôkran.

⁷⁸ Gô ntyugu y’igôm̃i ni mbaṉi, ôvangiṉi w’awaṉ’aṉôm̃e wi Nèftali, Ayira, y’ômwaṉ’ôṉôm̃e w’Enan,

⁷⁹ aveṉi gô ntyagô yè desi yi sika ya pupu pisô pa g’ôdôdô nkam̃a y’isikèl n’agôm̃i m’isikèl ararô, ntyèngè yi sika ya pupu y’agôm̃i m’isikèl ôrwageṉô ga nt’are sikèl yi mbôra y’ôrunda, yôdu ṽaṉi ralye ni farinya mbya bindô pa n’agali gô ntyagô yi mpagaga;

⁸⁰ imogi nyi sika ya teṉateṉa ny’igôm̃i ny’isikèl, ralye ni ya yi nkangô;

⁸¹ ômwaṉa wi nyam̃a ôm̃ori, idombè iṉôm̃e im̃ori, ômwaṉa w’idombè w’ômpum̃’ôm̃ori gô ntyagô yi pezô;

⁸² mbôṉi nôm̃e mori, gô ntyagô y’ôraṽô wi mpungu y’ibe;

⁸³ na gô ntyagô y’akeṽa, inyare iṉôm̃e mbaṉi, adombè aṉôm̃e ataṉè, imbôṉi nôm̃e ôtaṉè, awaṉa w’adombè ataṉè w’ômpum̃’ôm̃ori. Yiṉo ne ntyagô y’Ayira, y’ômwaṉ’ôṉôm̃e w’Enan.

⁸⁴ Siṉo ne impagaga s’ivangiṉi y’Israèl gô pange mbôra yi jirô intyagô ôrunda, gô ntyugu y’azagyô yô. Igôm̃i ny’idesi ni desi mbaṉi si sika ya pupu, igôm̃i ny’intyèngè ni ntyèngè mbaṉi si sika ya pupu, igôm̃i ny’amogi n’amogi ambaṉi mi sika ya teṉateṉa;

⁸⁵ desi edu yi sika ya pupu y’avisi nkam̃a y’isikèl n’agôm̃i m’isikèl ararô, ni ntyèngy’edu yi sika ya pupu y’avisi agôm̃i m’isikèl ôrwageṉô, vagô y’avangyô ni sika ya pupu, yôdu y’avegagi ntozèny s’isikèl mbaṉi n’inkam̃a s’isikèl nay, ga nt’are sikèl yi mbôra y’ôrunda;

⁸⁶ igôm̃i ny’amogi n’amogi ambaṉi mi sika ya teṉateṉa ralye ni ya yi nkangô; y’avisi imogi edu igôm̃i ny’isikèl, ga nt’are sikèl yi mbôra y’ôrunda, sika ya teṉateṉa yôdu y’amogi y’avegagi nkam̃a y’isikèl n’agôm̃i m’isikèl ambaṉi.

⁸⁷ Inyam̃a sôdu gô ntyagô yi pezô igôm̃i ny’inyare ni nyare mbaṉi, igôm̃i ny’adombè aṉôm̃e n’adombè aṉôm̃e ambaṉi, igôm̃i ny’awaṉa w’adombè n’awaṉa w’adombè aṽaṉi w’ômpum̃’ôm̃ori, ta n’intyagô si mpagaga sa pèkèpèkè.

⁸⁸ Igôm̃i ny’imbôṉi nôm̃e ni mbôṉi nôm̃e mbaṉi gô ntyagô y’ôraṽô wi mpungu y’ibe; inyam̃a sôdu gô ntyagô y’akeṽa: agôm̃i m’inyare iṉôm̃e ambaṉi ni nyare iṉôm̃e nay, agôm̃i m’adombè aṉôm̃e ôrôṽa, agôm̃i m’imbôṉi nôm̃e ôrôṽa, agôm̃i m’awaṉa w’adombè ôrôṽa w’ômpum̃’ôm̃ori. Siṉo ne impagaga gô pange mbôra yi jirô intyagô ôrunda, yô sagyô pa.

⁸⁹ Gw’ayingiṉi Môsès gô ñanja y’idataṉa gô kamba ni Yeôva, ayogyô inyôy nkambaga na yè avila gw’igôṉô ny’epônga z’egara y’avegagi dôṽyô pa gw’egara z’ampanga, gô garegare yi kerubin mbaṉi. N’agambi yè ni Yeôva.