Itangô 26 - Bibili 1927 (Omyene)

¹ Gw’amaṉ’evunga ziṉo, Yeôva awulyi gôre Môsès na gôr’Eleazar, y’ômwaṉ’ôṉôm̃e w’Aarône, yi miṉisè, inè:

² Rangaṉi mandô yôdu y’Israèl, avila g’ôṉèro w’agôm̃i m’impum̃’ambaṉi na vyagaṉô na vovo ga nt’ar’inagô s’ireri saô, avila gôr’Israèl waôdu wi re ni ngulu yi kènda gw’igoṽi.

³ N’agambi Môsès n’Eleazar, yi miṉisè, gôre waô gw’idèdè yi Môab, pyèrè ni Yoridan, swaswo ni Yerikô.

⁴ Awulyi waô inè: Wi ga rangô avila g’ôṉèro w’agôm̃i m’impum̃’ambaṉi na vyagaṉô na vovo ga nt’azômbyi Yeôva gôre Môsès na gôr’Israèl, gw’agogwi waô avila gw’Egipt.

⁵ Rubèn, njalyè y’Israèl. Awaṉ’aṉôm̃e wi Rubèn: Mbuṽe ya mongi Enok, yi pila gôr’Enok; mbuṽe ya mongi Palu, yi pila gôre Palu;

⁶ Mbuṽe ya mongi Esron, yi pila gôr’Esron; mbuṽe ya mongi Karmi, yi pila gôre Karmi.

⁷ Siṉo ne imbuṽe sa mongi Rubèn: waô w’arangyô w’avegag’agôm̃i m’intozèny anay ni ntozèny ntyarô ni nkam̃a ôrwageṉô n’agôm̃i ararô.

⁸ Ômwaṉ’ôṉôm̃e wi Palu ne Elyab.

⁹ Awaṉ’aṉôm̃e w’Elyab ne Nemuèl, Datan n’Abiram; wiṉo ne Datam mè n’Abiram mè w’avegagi gôre waô w’alatizi mandô, na w’agum̃aṉi gô sire Môsès n’Aarône, gô nkumba yi Kôre, gw’ipavi saô gô sire Yeôva.

¹⁰ N’aṉunguṉi ntye ôgwaṉi wè, am̃èṉa waô ni Kôre ta, gw’ayuwi waô w’avegagi dataṉa pa, ni nt’avez’ôgôṉi inkam̃a s’aṉôm̃e mbaṉi n’agôm̃i m’aṉôm̃e ataṉè: n’arweṉi waô elingilyô gôr’iṉongo.

¹¹ Vangaṉe yeṉo, awaṉ’aṉôm̃e wi Kôre wi pa juwa.

¹² Awaṉ’aṉôm̃e wi Simeôn ga nt’ar’imbuṽe saô: mbuṽe ya mongi Nemuèl, yi pila gôre Nemuèl; mbuṽe ya mongi Yamin, yi pila gôre Yamin; mbuṽe ya mongi Yakin, yi pila gôre Yakin;

¹³ mbuṽe ya mongi Zerak, yi pila gôre Zerak; mbuṽe ya mongi Saul, yi pila gôre Saul.

¹⁴ Siṉo ne imbuṽe sa mongi Simeôn: agôm̃i m’intozèny ambaṉi ni ntozèny mbaṉi ni nkam̃a mbaṉi.

¹⁵ Awaṉ’aṉôm̃e wi Gad, ga nt’ar’imbuṽe saô: mbuṽe ya mongi Sefon, yi pila gôre Sefon; mbuṽe ya mongi Agi, yi pila gôr’Agi: mbuṽe ya mongi Suni, yi pila gôre Suni;

¹⁶ mbuṽe ya mongi Ozni, yi pila gôr’Ozni; mbuṽe ya mongi Eri, yi pila gôr’Eri;

¹⁷ mbuṽe ya mongi Arod, yi pila gôr’Arod; mbuṽe ya mongi Areeli, yi pila gôr’Areeli.

¹⁸ Siṉo ne imbuṽe s’awaṉ’aṉôm̃e wi Gad, ga nt’arangyô sô: agôm̃i m’intozèny anay ni nkam̃’ôtaṉè.

¹⁹ Awaṉ’aṉôm̃e wi Yuda: Èr n’Ônan; ndô Èr n’Ônan w’ayuwi gô Kanaan.

²⁰ Vôna awaṉ’aṉôm̃e wi Yuda ga nt’ar’imbuṽe saô; mbuṽe ya mongi Sela, yi pila gôre Sela; mbuṽe ya mongi Perès, yi pila gôre Perès; mbuṽe ya mongi Zerak, yi pila gôre Zerak.

²¹ Awaṉ’aṉôm̃e wi Perès w’avegagi: mbuṽe ya mongi Esron, yi pila gôr’Esron; mbuṽe ya mongi Amul, yi pila gôr’Amul.

²² Siṉo ne imbuṽe si Yuda, ga nt’arangyô sô: agôm̃i m’intozèny ôrwageṉô ni ntozèny ôrôṽa ni nkam̃’ôtaṉè.

²³ Awaṉ’aṉôm̃e w’Isakar, ga nt’ar’imbuṽe saô: mbuṽe ya mongi Tôla, yi pila gôre Tôla; mbuṽe ya mongi Puva, yi pila gôre Puva;

²⁴ mbuṽe ya mongi Yasub, yi pila gôre Yasub; mbuṽe ya mongi Simron, yi pila gôre Simron.

²⁵ Siṉo ne imbuṽe s’Isakar, ga nt’arangyô sô: agôm̃i m’intozèny ôrôṽa ni ntozèny nay ni nkam̃a ntyarô.

²⁶ Awaṉ’aṉôm̃e wi Zabulôn, ga nt’ar’imbuṽe saô: mbuṽe ya mongi Serèd, yi pila gôre Serèd; mbuṽe ya mongi Elon, yi pila gôr’Elon; mbuṽe ya mongi Yaleèl, yi pila gôre Yaleèl.

²⁷ Siṉo ne imbuṽe sa mongi Zabulôn, ga nt’arangyô sô: agôm̃i m’intozèny ôrôṽa ni nkam̃’ôtaṉè.

²⁸ Awaṉ’aṉôm̃e wi Yôsèf, ga nt’ar’imbuṽe saô: Manase n’Efrayim:

²⁹ Awaṉ’aṉôm̃e wi Manase: mbuṽe ya mongi Makir, yi pila gôre Makir, (Makir ayaṉi Galaad), mbuṽe ya mongi Galaad, yi pila gôre Galaad.

³⁰ Wiṉo ne awaṉ’aṉôm̃e wi Galaad: mbuṽe ya mongi Yezèr, yi pila gôre Yezèr; mbuṽe ya mongi Elèk, yi pila gôr’Elèk;

³¹ mbuṽe ya mongi Asryèl, yi pila gôr’Asryèl; mbuṽe ya mongi Sikèm, yi pila gôre Sikèm;

³² mbuṽe ya mongi Semida, yi pila gôre Semida; mbuṽe ya mongi Efèr, yi pila gôr’Efèr;

³³ Selofsad, y’ômwaṉ’ôṉôm̃e w’Efèr, e re pegege n’awaṉ’aṉôm̃e, ndô avegagi n’awaṉ’antô. Miṉo ne ana m’awaṉ’antô wi Selofsad: Makla, Nôa, Ôgla, Milka ni Tirsa.

³⁴ Siṉo ne imbuṽe si Manase, ga nt’arangyô sô: agômi m’intozèny ataṉè ni ntozèny mbaṉi ni nkam̃a ôrwageṉô.

³⁵ Wiṉo ne awaṉ’aṉôm̃e w’Efrayim, ga nt’ar’imbuṽe saô: mbuṽe ya mongi Sutelak, yi pila gôre Sutelak; mbuṽe ya mongi Bekèr, yi pila gôre Bekèr; mbuṽe ya mongi Tasan, yi pila gôre Tasan.

³⁶ Wiṉo ne awaṉ’aṉôm̃e wi Sutelak; mbuṽe ya mongi Eran, yi pila gôr’Eran.

³⁷ Siṉo ne imbuṽe s’awaṉ’aṉôm̃e w’Efrayim, ga nt’arangyô sô: agôm̃i m’intozèny ararô ni ntozèny mbaṉi ni nkam̃’ôtaṉè. Wiṉo ne awaṉ’aṉôm̃e wi Yôsèf, ga nt’ar’imbuṽe saô.

³⁸ Awaṉ’aṉôm̃e wi Benyamin, ga nt’ar’imbuṽe saô: mbuṽe ya mongi Bela, yi pila gôre Bela; mbuṽe ya mongi Asbèl, yi pila gôr’Asbèl; mbuṽe ya mongi Asiram, yi pila gôr’Asiram;

³⁹ mbuṽe ya mongi Sufam, yi pila gôre Sufam; mbuṽe ya mongi Ufam, yi pila gôr’Ufam.

⁴⁰ Awaṉ’aṉôm̃e wi Bela ne: Ard ni Naaman. Mbuṽe ya mongi Ard, yi pila gôr’Ard; mbuṽe ya mongi Naaman, yi pila gôre Naaman.

⁴¹ Wiṉo ne awaṉ’aṉôm̃e wi Benyamin, ga nt’ar’imbuṽe saô, ga nt’arangyô sô: agôm̃i m’intozèny ataṉè ni ntozèny ataṉè ni nkam̃’ôrôṽa.

⁴² Wiṉo ne awaṉ’aṉôm̃e wi Dan, ga nt’ar’imbuṽe saô: mbuṽe ya mongi Susam, yi pila gôre Susam. Siṉo ne imbuṽe si Dan, ga nt’ar’imbuṽe saô.

⁴³ Imbuṽe sa mongi Susam sôdu, ga nt’arangyô sô: agôm̃i m’intozèny ôrôṽa ni ntozèny nay ni nkam̃a nay.

⁴⁴ Awaṉ’aṉôm̃e w’Asèr, ga nt’ar’imbuṽe saô: mbuṽe ya mongi Yimna, yi pila gôre Yimna; mbuṽe ya mongi Yisvi, yi pila gôre Yisvi: mbuṽe ya mongi Berya, yi pila gôre Berya.

⁴⁵ Mbuṽe ya mongi Ebèr, yi pila gôr’awan’aṉôm̃e wi Berya, na w’Ebèr; mbuṽe ya mongi Malkyèl, yi pila gôre Malkyèl.

⁴⁶ Ina ny’ômwaṉ’ômwaṉtô w’Asèr ne Serak.

⁴⁷ Siṉo ne imbuṽe s’awaṉ’aṉôm̃e w’Asèr ga nt’arangyô sô: agôm̃i m’intozèny ataṉè ni ntozèny ntyarô ni nkam̃a nay.

⁴⁸ Awaṉ’aṉôm̃e wi Nèftali ga nt’ar’imbuṽe saô: mbuṽe ya mongi Yaseèl, yi pila gôre Yaseèl; mbuṽe ya mongi Guni, yi pila gôre Guni; mbuṽe ya mongi Yesèr, yi pila gôre Yesèr;

⁴⁹ mbuṽe ya mongi Silèm, yi pila gôre Silèm.

⁵⁰ Siṉo ne imbuṽe si Nèftali ga nt’ar’imbuṽe saô na ga nt’arangyô sô: agôm̃i m’intozèny anay ni ntozèny ôtaṉè ni nkam̃a nay.

⁵¹ Wiṉo ne awaṉa w’Israèl w’arangyô: inkam̃a s’intozèny ôrôṽa ni ntozèny mori ni nkam̃a ôrwageṉô n’agôm̃i ararô.

⁵² N’agambi Yeôva gôre Môsès awulya inè.

⁵³ Ntye yi be kerô gôre waô, gôre yô gô dwaṉ’ijigi saô, ga nt’are ntangô y’ana.

⁵⁴ Waô wi be dwaṉe ntangô pôlô, ô be pa waô nkôṽa mpôlômè, na waô wi be dwaṉe ntangô nyangô, ô be pa waô nkôṽa nyangômè; wi be pô ôm’edu nkôṽi yè ga nt’are ntangô yaô.

⁵⁵ Ndô ikera si ntye si be kerô ne egaṉô; wi be dèng’ijiga ga nt’ar’ana m’imbuṽe s’ireri saô.

⁵⁶ Ntye yi be kerô ne egaṉô gôre waô wi re ntangô mpôlô na gôre waô wi re ntangô nyangô.

⁵⁷ Wiṉo ne Leviti w’arangyô ga nt’ar’imbuṽe saô: mbuṽe ya mongi Gèrson, yi pila gôre Gèrson; mbuṽe ya mongi Keat, yi pila gôre Keat; mbuṽe ya mongi Merari, yi pila gôre Merari!

⁵⁸ Siṉo ne imbuṽe si Levi: mbuṽe ya mongi Libni, mbuṽe ya mongi Ebron, mbuṽe ya mongi Makli, mbuṽe ya mongi Musi, mbuṽe ya mongi Kôre. Keat ayaṉi Amram.

⁵⁹ Ina ny’ômwantô w’Amram ne Yôkebèd, y’ômwaṉ’ômwantô wi Levi gw’Egipt; n’ayaṉi yè gôre Amram: Aarône, Môsès ni Marya, ya mwô’ngi yaô ômwantô.

⁶⁰ N’ayaṉi Aarône: Nadab n’Abyu n’Eleazar n’Itamar.

⁶¹ Nadab n’Abyu w’ayuwi, gw’arwaṉi waô ôgôṉi ômwoṉa g’ôzô wi Yeôva.

⁶² Waô w’arangyô aṉôm̃e waôdu avila g’ôṉèro w’ôgwèli na vyagaṉô na vovo w’avegag’agôm̃i m’intozèny ambaṉi ni ntozèny ntyarô. Wi pa tangô gô ntangô y’awaṉa w’Israèl, konde nè wi pa pô du ijiga gô garegare y’awaṉa w’Israèl.

⁶³ Wiṉo ne awaṉa w’Israèl w’arangyô ne Môsès n’Eleazar, yi miṉisè, gw’idèdè yi Môab, pyèrè ni Yoridan, swaswo ni Yerikô.

⁶⁴ Gôre waô e re pegeg’ôma gôr’awaṉa w’Israèl wi pa tangô ne Môsès n’Aarône, yi miṉisè, gw’itôve si Sina.

⁶⁵ Konde Yeôva aliwô abulyi inè: Wi be juwa gw’itôve, ko arig’ôma gôre waô kaô Kalèb, y ômwaṉ’ôṉôm̃e wi Yefune, ni Yôsua, y’ômwaṉ’ôṉôm̃e wi Nun.