Itangô 2 - Bibili 1927 (Omyene)

¹ N’agambi Yeôva gôre Môsès na gôr’Aarône, awulya inè:

² Israèl wi be samb’ôlakô ôm’edu pyèrè ni ntyangi yèmè, ni lingilyô y’inagô s’ireri saô; wi be samb’ôlakô swaswo ni ñanja y’idataṉa na vingôvingô yô.

³ Ôlakô wi Yuda ni ntyangi yè, n’imbèli sè, wi be dwaṉa gô nkôṽa yi tongwa ni nkômbe; ôvangiṉi w’awaṉ’aṉôm̃e wi Yuda, Naason, y’ômwaṉ’ôṉôm̃e w’Aminadab, e be samb’ôlakô vovo;

⁴ ni mbèli yè y’avegag’agôm̃i m’intozèny ôrwageṉô ni ntozèny nay, ni nkam̃a s’aṉôm̃e ôrôṽa, ga nt’arangyô waô.

⁵ Mbuṽe yi Yisakar yi be samb’ôlakô g’ôzamba wi Yuda; ôvangiṉi w’awaṉ’aṉôm̃e wi Yisakar ne Natanaèl, y’ômwaṉ’ôṉôm̃e wi Suar,

⁶ ni mbèli yè y’avegagi agôm̃i m’intozèny ataṉè ni ntozèny nay ni nkam̃a s’aṉôm̃e nay, ga nt’arangyô waô.

⁷ Avila vovo mbuṽe yi Zabulôn, ôvangiṉi w’awaṉ’aṉôm̃e wi Zabulôn ne Elyab, y’ômwaṉ’ôṉôm̃e w’Elon,

⁸ ni mbèli yè y’avegag’agôm̃i m’intozèny ataṉè ni ntozèny ôrwageṉô ni nkam̃a s’aṉôm̃e nay, ga nt’arangyô waô.

⁹ Waôdu w’arangyô g’ôlakô wi Yuda w’avegagi nkam̃a y’intozèny n’agôm̃i m’intozèny eṉanay ni ntozèny ôrôṽa ni nkam̃a s’aṉôm̃e nay, ga nt’ar’imbèli saô. Waô be dwaṉe nkondo nônga g’ôgèndo.

¹⁰ Ôlakô wi Rubèn, ni ntyangi yè, n’imbèli sè, si be dwaṉa gô nkôṽa yi Sud. Ôvangiṉi w’awaṉ’aṉôm̃e wi Rubèn ne Elisur, y’ômwaṉ’ôṉôm̃e wi Sedeur, e be samb’ôlakô vovo.

¹¹ Ni mbèli yè y’avegag’agôm̃i m’intozèny anay ni ntozèny ôrôṽa, ni nkam̃a s’aṉôm̃e ôtaṉè ga nt’arangyô waô.

¹² Mbuṽe yi Simeôn yi be samb’ôlakô g’ôzamba wi Rubèn; ôvangiṉi w’awaṉ’aṉôm̃e wi Simeôn, ne Selumyèl, y’ômwaṉ’ôṉôm̃e wi Surisaday,

¹³ ni mbèli yè y’avegag’agôm̃i m’intozèny ataṉè, ni ntozèny eṉôgôm̃i ni nkam̃a s’aṉôm̃e ntyarô, ga nt’arangyô waô.

¹⁴ Avila vovo mbuṽe yi Gad, ôvangiṉi w’awaṉ’aṉôm̃e wi Gad, ne Elyasaf, y’ômwaṉ’ôṉôm̃e wi Reuèl,

¹⁵ ni mbèli yè y’avegag’agôm̃i m’intozèny anay ni ntozèny ôtaṉè, ni nkam̃a s’aṉôm̃e ôrôṽa, n’agôm̃i m’aṉôm̃e ataṉè.

¹⁶ Waôdu w’arangyô g’ôlakô wi Rubèn w’avegagi nkam̃a yi ntozèny ni ntozèny mori, ni nkam̃a s’aṉôm̃e nay n’agôm̃i m’aṉôm̃e ôtanè, ga nt’ar’imbèli saô. Waô be dwaṉe nkondo yi mbaṉi g’ôgèndo.

¹⁷ Avila vovo ñanja y’idataṉa yi be kènda, n’ôlakô wi Leviti wi be sambô gô garegare y’ilakô im̃ori. Wi be sônga g’ôgèndo ôzômbyô ga nt’are waô, ko samb’ilakô, ôm’edu gô nkondo yè, ga nt’are ntyangi yè.

¹⁸ Ôlakô w’Efrayim ni ntyangi yè, n’imbèli sè, si be kènda gô nkôṽa yi kènda ni nkômbe. Ôvangiṉi w’awaṉ’aṉôm̃e w’Efrayim, ne Elisama, y’ômwaṉ’ôṉôm̃e w’Amyud, e be samb’ôlakô vovo.

¹⁹ Ni mbèli yè y’avegag’agôm̃i m’intozèny anay ni nkam̃a s’aṉôm̃e ôtaṉè ga nt’arangyô waô.

²⁰ Mbuṽe yi Manase yi be samb’ôlakô gw’izambi yè, ôvangiṉi w’awaṉ’aṉôm̃e wi Manase ne Gamalyèl, y’ômwaṉ’ôṉôm̃e wi Pedasur;

²¹ ni mbèli y’avegag’agôm̃i m’intozèny ararô ni ntozèny mbaṉi ni nkam̃a s’aṉôm̃e mbaṉi, ga nt’arangyô waô.

²² Avila vovo mbuṽe yi Benyamin, ôvangiṉi w’awaṉ’aṉôm̃e wi Benyamin, ne Abidan, y’ômwaṉ’ôṉôm̃e wi Gyôdni,

²³ ni mbèli yè y’avegag’agôm̃i m’intozèny ararô ni ntozèny ôtaṉè ni nkam̃a s’aṉôm̃e nay, ga nt’arangyô waô.

²⁴ Waôdu w’arangyô g’ôlakô w’Efrayim w’avegagi nkam̃a yi ntozèny ni ntozèny eṉanay ni nkam̃a y’aṉôm̃e mori, ga nt’ar’imbèli saô. Wi be dwaṉe nkondo yi ntyarô g’ôgèndo.

²⁵ Ôlakô wi Dan ni ntyangi yè n’imbèli sè, si be dwaṉa gô nkôṽa yi Nor. Ôvangiṉi w’awaṉ’aṉôm̃e wi Dan, ne Ayezèr, y’ômwaṉ’ôṉôm̃e w’Amisaday e be samb’ôlakô vovo,

²⁶ ni mbèli yè y’avegag’agôm̃i m’intozèny ôrôṽa ni ntozèny mbaṉi ni nkam̃a s’aṉôm̃e ôrwageṉô ga nt’arangyô waô.

²⁷ Mbuṽe y’Asèr yi be samb’ôlakô gw’izamba yi Dan, ôvangiṉi w’awaṉ’aṉôm̃e w’Asèr, ne Pagyèl, y’ômwaṉ’ôṉôm̃e w’Ôkran,

²⁸ ni mbèli yè y’avegag’agôm̃i m’intozèny anay ni ntozèny mori ni nkam̃a s’aṉôm̃e ôtaṉè, ga nt’arangyô waô.

²⁹ Avila vovo mbuṽe yi Nèftali, n’ôvangiṉi w’awaṉ’aṉôm̃e wi Nèftali ne Ayra, y’ômwaṉ’ôṉôm̃e w’Enan,

³⁰ ni mbèli yè y’avegag’agôm̃i m’intozèny ataṉè ni ntozèny ntyarô ni nkam̃a s’aṉôm̃e nay ga nt’arangyô waô.

³¹ Waôdu w’arangyô gô mbuṽe yi Dan w’avegagi nkam̃a yi ntozèny n’agôm̃i m’intozèny ataṉè ni ntozèny ôrwageṉô ni nkam̃a s’aṉôm̃e ôrôṽa. Waô be dwaṉe nkondo yi suka ni nyum̃a g’ôgèndo, ga nt’are ntyangi yaô.

³² Wiṉo ne mongi Israèl w’arangyô, ga nt’ar’inagô s’ireri saô. Waôdu w’arangyô n’azamb’ilakô ga nt’ar’imbèli saô, w’avegagi nkam̃a s’intozèny ôrôṽa ni ntozèny ntyarô ni nkam̃’ôtaṉè n’agôm̃i ataṉè.

³³ Ndô Leviti w’azông’ôzômbyô w’aveṉi Yeôva Môsès, wi pa kerô du gô tangô gôr’Israèl.

³⁴ N’Israèl w’alend’izômbyô yôdu y’aveṉi Yeôva Môsès. Yeṉo azambi waô ilakô, ga nt’ar’intyangi saô, na yeṉo kè agèndagi waô, ôm’edu gô mbuṽe yè, ga nt’are nagô y’ireri sè.