Dakɔr deg 7 - Maktub Ta Kumkajir

Kadkarig lo bɨradɔ Israelag

¹ Lon Moij tɔlkon kɨla kujkub londɨ oi ye wura kɨ yib na ndaa kɔtkokɨɗa nat kɨ nyaɗakɨlaag tube. Ɗà titbe kɨ dɨngɨr kɨ nyaɗakɨlaag tube tɔ, urd kɨ yib, na ndahd kɔtkokɨɗa.

² Ngan mbaiɓeg lo Israel, bɨradɔ ngékɨɓeg lo bɔwdg, ngékɔrrnõd adɨn kadkarig lod. Ĩn la ĩn ngékɔrrnõd, ĩgɨn ɔrrɨn nõ deg'n tɨdan kɔrd.

³ Mbaiɓeg'n non ɗen kɨ kadkarig lod nõ Bɨraɓet pusɨ kɨbojidet kɨ kut dɔd kɨ bɔw mangg kɨlah gidaijoo, pusɨ kɨɗa kɨta mbaiɓeg jo, mang kɨɗa kɨta dekɨɗen, na land kadkari nõ kujkub londɨt.

⁴ Bɨraɓe elta kɨ Moij an:

⁵ I ta nyag'n non jidt kɨtakad ɗan ne kɨlaɓer lo kujkub ndɔdna, i ad Lebiag dekɨɗen kɨgo kɨlaɓert loa.

⁶ Titbe Moij ta pusɨg kɨ mangg jidt ad Lebiag.

⁷ Ad Gersoniag pusɨ joo kɨ mangg sɔɔ kɨgo kɨlaɓert lod.

⁸ Ad Merariag pusɨ sɔɔ kɨ mangg jijoo kɨgo kɨlaɓert lod na Itamar ngon Aarõ ngejanyamosɨ i ngékoogod.

⁹ Na ad Kehatiag nya mad al kɨta kɨlaɓer lod i koo go nyag kɨjaɓat ĩn a ton do bɔgdt.

¹⁰ Mbaiɓeg ɗen kɨ kadkarig lod kɨta ndahn dɨngɨr kɔtkokɨɗa dɔ ndɔt'n wurɨn na ne kɨ yib. Mbaiɓeg lan kadkari lod nõ dɨngɨrt.

¹¹ Bɨraɓe el Moij an: Kɨ mbaiɓeg lan kadkari lod, ndɔ kɨɗen kɨkɨɗa kudt, kɨta nda dɨngɨr kɔtkokɨɗa.

¹² De'n ɗe kɨ kadkari lon ndot kɨ dasabang i Nahasɨon ngon Aminadab kɨ girr Juda.

¹³ Kadkari loa i tasa nar arjã kɨ kɔia asɨ nar ɓu kɨdɔmɨta kɨ bai nar arjã kɨ kɔia asɨ nar dɔtanãimɨta, kɨgo nart kɨ kam lot kɨjaɓat, ĩn tujoo ɗoosɨn kɨ kadkari nduj kɨtoletlet kɨ lɔi kɨ yib,

¹⁴ kop nar ɔr kɨɗa kɨ kɔia asɨ nar kɨlah kɨ ɗoosɨ kɨ yib kɨkootmbĩ.

¹⁵ Bɔw mang kɨɗa, bal bat kɨɗa, kɨ kõ bat kɨɗa, kɨ ɓald i kɨɗa kɨta kadkari kɨlahorrt,

¹⁶ ɓal bĩã kɨɗa kadkari kɨtɔ majal kɨ ɗa.

¹⁷ Titbe tɔ mangg joo kɨ bal batg mi kɨ bal bĩãg mi kɨ ngan batg mi kɨ ɗan ɓal kɨɗa kɨta kadkari kɨ kad kamsɔllom. 'Nten la i kadkari lo Nahasɨon ngon Aminadab ye.

¹⁸ Ndɔ kɨkõjoo Netanel ngon Suar, mbaiɓe lo Isakar ɗe kɨ kadkari lon.

¹⁹ Kadkari loa i tasa nar arjã kɨ kɔia asɨ nar ɓu kɨdɔmɨta kɨ bai nar arjã kɨ kɔia asɨ nar dɔtanãimɨta, kɨgo nart kɨ kam lot kɨjaɓat, ĩn tujoo ɗoosɨn kɨ kadkari nduj kɨtoletlet kɨ yib

²⁰ kop nar ɔr kɨɗa kɨ kɔia asɨ nar kɨlah kɨ ɗoosɨ kɨ yib kɨkootmbĩ,

²¹ bɔw mang kɨɗa, bal bat kɨɗa, kɨ kõ bat kɨɗa kɨ ɗan ɓal kɨɗa kɨta kadkari kɨlahorrt,

²² bal bĩã kɨɗa kadkari kɨtɔ majal kɨ ɗa.

²³ Titbe tɔ mangg joo, kɨ bal batg mi, kɨ bal bĩãg mi, kɨ ngan batg mi, kɨ ɗan ɓal kɨɗa kɨta kadkari kɨ kad kamsɔllom. 'Nten la i kadkari lo Netaneel ngon Suar ye.

²⁴ Ndɔ kɨkõmɨta Eliab ngon Helon, mbaiɓe lo Jabuloniag ɗe kɨ kadkari lon,

²⁵ kadkari loa i tasa nar arjã kɨ kɔia asɨ nar bu kɨdɔmɨta kɨ bai nar arjã kɨ kɔia asɨ nar dɔtanãimɨta, kɨgo nart kɨ kam lot kɨjaɓat, ĩn tujoo ɗoosɨn kɨ kadkari nduj kɨtoletlet kɨ lɔi kɨ yib,

²⁶ kop nar ɔr kɨɗa kɨ kɔia asɨ nar kɨlah kɨ ɗoosɨ kɨ yib kɨkootmbĩ,

²⁷ bɔw mang kɨɗa, bal bat kɨɗa, kɨ kõ bat kɨɗa, kɨ ɗan ɓal kɨɗa kɨta kadkari kɨlahorrt,

²⁸ bal bĩã kɨɗa kɨta la kadkari majal kɨ ɗa.

²⁹ Titbe tɔ mangg joo, kɨ bal batg mi, kɨ bal bĩãg mi, kɨ ngan batg mi, kɨ ɗan ɓal kɨɗa kɨta kadkari kɨ kad kamsɔllom. 'Nten la i kadkari lo Eliab ngon Helon ye.

³⁰ Ndɔ kɨkõsɔɔ Elisur ngon Sedewur, mbaiɓe lo Rubeniag ɗe kɨ kadkari lon.

³¹ Kadkari loa i tasa nar arjã kɨ kɔia asɨ nar bu kɨdɔmɨta kɨ bai nar arjã kɨ kɔia asɨ nar dɔtanãimɨta, kɨgo nart kɨ kam lot kɨjaɓat, ĩn tujoo doosɨn kɨ kadkari nduj kɨtoletlet kɨ lɔi kɨ yib

³² kop nar ɔr kɨɗa kɨ kɔia i nar kɨlah kɨ ɗoosɨ kɨ yib kɨkootmbĩ,

³³ bɔw mang kɨɗa, bal bat kɨɗa, kɨ kõ bat kɨɗa, kɨ ɗa ɓal kɨɗa kɨta kadkari kɨlahorrt,

³⁴ bal bĩã kɨɗa kadkari kɨtɔ majal kɨ ɗa.

³⁵ Titbe tɔ mangg joo, kɨ bal batg mi, kɨ bal bĩãg mi, kɨ ngan batg mi, kɨ ɗan ɓal kɨɗa kɨta la kadkari kɨ kad kamsɔllom. 'Nten la i kadkari lo Elisur ngon Sedewur ye.

³⁶ Ndɔ kɨkõmi Selumiel ngon Surisadai, mbaiɓe lo Simeõiag ɗe kɨ kadkari lon.

³⁷ Kadkari loa i tasa nar arjã kɨ kɔia asɨ nar ɓu kɨdɔmɨta kɨ bai nar arjã kɨ kɔia asɨ nar dɔtanãimɨta, kɨgo nart kɨ kam lot kɨjaɓat, ĩn tujoo ɗoosɨn kɨ kadkari nduj kɨtoletlet kɨ lɔi kɨ yib,

³⁸ kop nar ɔr kɨɗa kɨ kɔia i nar kɨlah kɨ ɗoosɨ kɨ yib kɨkootmbĩ,

³⁹ bɔw mang kɨɗa, bal bat kɨɗa, kɨ kõ bat kɨɗa, kɨ ɗan ɓal kɨɗa kɨta kadkari kɨlahorrt,

⁴⁰ bal bĩã kɨɗa kadkari kɨtɔ majal kɨ ɗa.

⁴¹ Titbe tɔ mangg joo, kɨ bal batg mi, kɨ bal bĩãg mi, kɨ ngan batg mi, kɨ ɗan ɓal kɨɗa kɨta kadkari kɨ kad kamsɔllom. 'Nten la i kadkari lo Selumiel ngon Surisadai ye.

⁴² Ndɔ kɨkõkɨbojidet Eliajap ngon Dewel, mbaiɓe lo Gadiag ɗe kɨ kadkari lon.

⁴³ Kadkari loa i tasa nar arjã kɨ kɔia asɨ nar bu kɨdɔmɨta kɨ bai nar arjã kɨ kɔia asɨ nar dɔtanãimɨta, kɨgo nart kɨ kam lot kɨjaɓat, ĩn tujoo ɗoosɨn kɨ kadkari nduj kɨ toletlet kɨ lɔi kɨ yib,

⁴⁴ kop nar ɔr kɨɗa kɨ kɔia i nar kɨlah kɨ ɗoosɨ kɨ yib kɨkootmbĩ,

⁴⁵ bɔw mang kɨɗa, bal bat kɨɗa kɨ kõ bat kɨɗa kɨ ɗa ɓal kɨɗa kɨta kadkari kɨlahorrt,

⁴⁶ bal bĩã kɨɗa kadkari kɨtɔ majal kɨ ɗa.

⁴⁷ Titbe tɔ mangg joo kɨ bal batg mi kɨ bal bĩãg mi kɨ ngan batg mi kɨ ɗan ɓal kɨɗa kɨta kadkari kɨ kad kamsɔllom. 'Nten la i kadkari lo Eliajap ngon Dewel ye.

⁴⁸ Ndɔ kɨkõtanãimɨta Elisama ngon Amihud, mbaiɓe lo Epraimag ɗe kɨ kadkari lon.

⁴⁹ Kadkari loa i tasa nar arjã kɨ kɔia i nar bu kɨ do mɨta kɨ bai nar arjã kɨ kɔia asɨ nar dɔtanãimɨta, kɨgo nart kɨ kam lot kɨjaɓat, ĩn tujoo ɗoosɨn kɨ kadkari nduj kɨtoletlet kɨ lɔi kɨ yib,

⁵⁰ kop nar ɔr kɨɗa kɨ kɔia i nar kɨlah kɨ ɗoosɨ kɨ yib kɨkootmbĩ,

⁵¹ bɔw mang kɨɗa, bal bat kɨɗa kɨ kõ bat kɨɗa kɨ ɗa ɓal kɨɗa kɨta kadkari kɨlahorrt

⁵² bal bĩã kɨɗa kadkari kɨtɔ majal kɨ ɗa.

⁵³ Titbe tɔ mangg joo kɨ bal batg mi kɨ bal bĩãg mi kɨ ngan batg mi kɨ ɗan ɓal kɨɗa kɨta kadkari kɨ kad kamsɔllom. 'Nten la i kadkari lo Elisama ngon Amihud ye.

⁵⁴ Ndɔ kɨkõjijoo Gamaliel ngon Pedasur, mbaiɓe lo Manaseag ɗe kɨ kadkari lon.

⁵⁵ Kadkari loa i tasa nar arjã kɨ kɔia asɨ nar ɓu kɨdɔmɨta kɨ bai nar arjã kɨ kɔia asɨ nar dɔtanãimɨta, kɨgo nart kɨ kam lot kɨjaɓat, ĩn tujoo ɗoosɨn kɨ kadkari nduj kɨtoletlet kɨ lɔi kɨ yib.

⁵⁶ Kop nar ɔr kɨɗa kɨ kɔia i nar kɨlah kɨ ɗoosɨ kɨ yib kɨkootmbĩ,

⁵⁷ bɔw mang kɨɗa, bal bat kɨɗa kɨ kõ bat kɨɗa kɨ ɗa ɓal kɨɗa kɨta kadkari kɨlahorrt,

⁵⁸ bal bĩã kɨɗa kadkari kɨtɔ majal kɨ ɗa.

⁵⁹ Titbe tɔ mangg joo kɨ bal batg mi kɨ bal bĩãg mi kɨ ngan batg mi kɨ ɗan ɓal kɨɗa kɨta kadkari kɨ kad kamsɔllom. 'Nten la i kadkari lo Gamaliel ngon Pedasur ye.

⁶⁰ Ndɔ kɨkõjikɨɗa Abidan ngon Gideoni, mbaiɓe lo Benjamiag ɗe kɨ kadkari lon.

⁶¹ Kadkari loa i tasa nar arjã kɨ kɔia i nar ɓu kɨdɔmɨta kɨ bai nar arjã kɨ kɔia i nar dɔtanãimɨta, kɨgo nart kɨ kam lot kɨjaɓat ĩn tujoo ɗoosɨn kɨ kadkari nduj kɨtoletlet kɨ lɔi kɨ yib,

⁶² kop nar ɔr kɨɗa kɨ kɔia i nar kɨlah kɨ ɗoosɨ kɨ yib kɨkootmbĩ

⁶³ bɔw mang kɨɗa, bal bat kɨɗa kɨ kõ bat kɨɗa kɨ ɗa bal kɨɗa kɨta kadkari kɨlahorrt,

⁶⁴ bal bĩã kɨɗa kadkari kɨtɔ majal kɨ ɗa.

⁶⁵ Titbe tɔ mangg joo kɨ bal batg mi kɨ bal bĩãg mi kɨ ngan batg mi kɨ ɗan ɓal kɨɗa kɨta kadkari kɨ kad kamsɔllom. 'Nten la i kadkari lo Abidan ngon Gideoni ye.

⁶⁶ Ndɔ kɨkõkɨlah Ahiejer ngon Amisadai, mbaiɓe lo Daniag ɗe kɨ kadkari lon.

⁶⁷ Kadkari loa i tasa nar arjã kɨ kɔia asɨ nar ɓu kɨdɔmɨta kɨ bai nar arjã kɨ kɔia asɨ nar dɔtanãimɨta, kɨgo nart kɨ kam lot kɨjaɓat, ĩn tujoo ɗoosɨn kɨ kadkari nduj kɨtoletlet kɨ loi yib

⁶⁸ kop nar ɔr kɨɗa kɨ kɔia asɨ nar kɨlah kɨ ɗoosɨ kɨ yib kɨkootmbĩ,

⁶⁹ bɔw mang kɨɗa, bal bat kɨɗa kɨ kõ bat kɨɗa kɨ ɗa ɓal kɨɗa kɨta kadkari kɨlahorrt,

⁷⁰ bal bĩã kɨɗa kadkari kɨtɔ majal kɨ ɗa.

⁷¹ Titbe tɔ mangg joo kɨ bal batg mi kɨ bal bĩãg mi kɨ ngan batg mi kɨ ɗan ɓal kɨɗa kɨta kadkari kɨ kad kamsɔllom. 'Nten la i kadkari lo Ahiejer ngon Amisadai ye.

⁷² Ndɔ kɨkõkɨlah gidaikɨɗa Pagiel ngon Okran, mbaiɓe lo Aseriag ɗe kɨ kadkari lon.

⁷³ Kadkari loa i tasa nar arjã kɨ kɔia i nar ɓu kɨdɔmɨta kɨ bai nar arjã kɨ kɔia i nar dɔtanãimɨta, kɨgo nart kɨ kam lot kɨjaɓat, ĩn tujoo ɗoosɨn kɨ kadkari nduj kɨtoletlet kɨ lɔi kɨ yib,

⁷⁴ kop nar ɔr kɨɗa kɨ kɔia i nar kɨlah kɨ ɗoosɨ kɨ yib kɨkootmbĩ,

⁷⁵ bɔw mang kɨɗa, bal bat kɨɗa kɨ kõ bat kɨɗa kɨ ɗa ɓal kɨɗa kɨta kadkari kɨlahorrt,

⁷⁶ bal bĩã kɨɗa kadkari kɨtɔ majal kɨ ɗa.

⁷⁷ Titbe tɔ mangg joo kɨ bal batg mi kɨ bal bĩãg mi kɨ ngan batg mi kɨ ɗan ɓal kɨɗa kɨta kadkari kɨ kad kamsɔllom. 'Nten la i kadkari lo Pagiel ngon Okran ye.

⁷⁸ Ndɔ kɨkõkɨlah gidaijoo Ahira ngon Enan, mbaiɓe lo Neptaliag ɗe kɨ kadkari lon.

⁷⁹ Kadkari loa i tasa nar arjã kɨ kɔia i nar ɓu kɨdɔmɨta kɨ bai nar arjã kɨ kɔia i nar dɔtanãimɨta, kɨgo nart kɨ kam lot kɨjaɓat, ĩn tujoo ɗoosɨn kɨ kadkari nduj kɨtoletlet kɨ lɔi kɨ yib,

⁸⁰ kop nar ɔr kɨɗa kɨ kɔia i nar kɨlah kɨ ɗoosɨ kɨ yib kɨkootmbĩ,

⁸¹ bɔw mang kɨɗa bal bat kɨɗa kɨ kõ bat kɨɗa kɨ ɗa ɓal kɨɗa kɨta kadkari kɨlahorrt,

⁸² bal bĩã kɨɗa kadkari kɨtɔ majal kɨ ɗa.

⁸³ Titbe tɔ mangg joo kɨ bal batg mi kɨ bal bĩãg mi kɨ ngan batg mi kɨ ɗan ɓal kɨɗa kɨta kadkari kɨ kad kamsɔllom. 'Nten la i kadkari lo Ahira ngon Einan ye.

⁸⁴ Kam ndɔt'n wurɨn dɨngɨr kɨ yib ndahna kɔtkokɨɗa kɨta Bɨraɓe ye, mbaiɓeg lo Israel adɨn kadkarig kɨ titbe. Tasa nar arjãg kɨlah gidaijoo, bai nar arjãg kɨlah gidaijoo, kop nar ɔrg kɨlah gidaijoo,

⁸⁵ Tasa nar arjã kɨɗen kɔia i nar ɓu kɨdɔmɨta, bai nar arjã kɨɗen kɔia i nar dɔtanãimɨta nar arjã tube kɔia asɨ nar dub joo kɨ ɓusɔɔ kɨgo nart kɨ kam lot kɨjaɓat.

⁸⁶ Kop nar ɔrg kɨlah gidaijoo kɨ ɗoosɨ kɨ yib kɨkootmbĩ, kɨɗen kudt kɔia i nar kɨlah, kɨgo nart kɨ kam lot kɨjaɓat, nar ɔr tube kɔia asɨ nar ɓu kɨ dɔjoo.

⁸⁷ Kɔr dãg kɨtakadkari kɨlahorrt i mangg kɨlah gidaijoo, bal batg kɨlah gidaijoo, ngan batg kɨ ɗan ɓal kɨɗa kɨlah gidaijoo nat kɨ kadkari nduj kɨ bal bĩãg kɨlah gidaijoo kadkari kɨtɔ majal kɨ ɗa.

⁸⁸ Kɔr dang kɨta kadkari kɨ kad kamsɔllom i mangg dɔjoo gidaisɔɔ, bal batg dɔkɨbojidet, bal bĩãg dɔtanãimɨta kɨ ngan batg kɨ ɗan bal kɨɗa dɔkɨbojidet. 'Nten la i kadkari ndah dɨngɨr kɔtkokɨɗa got'n wurɨna kɨ yib.

⁸⁹ Lon Moij and kam kujkub ndɔdnat kɨta kelta kɨ Luwah ye oo dɔ ndita ko kɨ dõ dɔ nyakutdɔ sund najkɨma mbɨna serubgt kɨjoo, na Bɨraɓe el sia ta.