Dakɔr deg 34 - Maktub Ta Kumkajir

Ɗobning lo dɔning Kana

¹ Bɨraɓe el Moij an:

² I ndamber ngan Israelg eld an: Lon a andɨn dɔning Kanat a ne, (dɔning'n non a tel nyakagɓe losɨ, dɔning Kana kɨtaagbe)

³ ɗobnin dɔning losɨ ko ɓodo a mba girrɨn ta Bahbo Kat kɨloɓakàdt,

⁴ a tur ron ko ɓodo lo ɗob kaw Akrabin, na a tɔi aw Sin. A aw ko dɔɔ kɨ Kades Barnea kamla a aw mbã Hasar Adar na a tɔi kɨ Asmon.

⁵ A ɓai Asmon, tel ron mbã so baht kɨ Ejipt, na a ndulo goa mbã tee bahbokat't.

⁶ Ɗobnin dɔning losɨ ko lokudkàdt i bahbokat. 'Nten la a i ɗobnin kɨlokudkàdt ye.

⁷ 'Nten a i ɗobnin losɨ ko dɔɔ. A ɓai ko bahbokat't mbã tee mbalbot kɨ Horr.

⁸ Ko mbalbot kɨ Horr a aw mbã tee Hamat kamla a tɔi aw Sedad.

⁹ Ko nu a aw Dipron na a tɔi mbã tee Hasar Enan. 'Nten a i ɗobnin losɨ ko dɔɔ.

¹⁰ Ɗobnin losɨ ko loɓakàdt a mba girrɨn Hasar Enan aw mbã tee Sepam.

¹¹ A ɓai Skɨlom aw Ribla ko loɓakàdt lo Ain, kamla a aw mbã tee kad bahbot kɨ Kineret ko loɓakàdt.

¹² A aw mbã tee bah Jurdẽ na a ndulo goa mbã tee bahbokat't. 'Nten la a i dɔning losɨ kɨgo ɗobningt loa kɨ gug dɔ.

¹³ Moij ndamber Israelag an: 'Nten i dɔning'n a i kegɨn na kɨgo yukt'n Bɨraɓe ndamber kɨ n'ad girrdeg kɨjikɨɗa kɨ nusɨ girrdeg kɨɗa,

¹⁴ kɨta girr Rubeniag kɨ girr Gadiag ngahn nyanduba lod kɨgo girrkoojt lo bɔwdg, nusɨ girr Manase ngah nyanduba lon tɔ.

¹⁵ Girrdeg joo kɨ nusɨn non ngahn nyanduba lod gid bah Jurdẽt sumba nõ Jeriko ko loɓakàdt.

Eleajar kɨ Jojue

¹⁶ Bɨraɓe el Moij an:

¹⁷ Deg'n tɔd teen la a kegɨn dɔning kusɨt: Eleajar ngejanyamosɨ kɨ Jojue ngon Nun.

¹⁸ A unɨn mbaiɓe kɨɗa ku girrdegt kɨɗen kɨtakad kegsɨ dɔning.

¹⁹ Tɔ degag laten: Ko girr Juda, Kaleb ngon Jepune.

²⁰ Ko girr Simeõ, Samuel ngon Amihud.

²¹ Ko girr Benjami, Elidad ngon Kislon.

²² Ko girr Dan mbaiɓe i Buki ngon Jogli.

²³ Dan ngan Jojept, ko girr Manase mbaiɓe i Haniel ngon Epod.

²⁴ Ko girr Epraim mbaiɓe i Kemuel ngon Siptan.

²⁵ Ko girr Jabulon mbaiɓe i Elisapan ngon Parmak.

²⁶ Ko girr Isakar mbaiɓe i Paltiel ngon Ajan.

²⁷ Ko girr Ajer mbaiɓe i Ahihud ngon Selomi.

²⁸ Ko girr Naptali mbaiɓe i Pedahel ngon Amihud.

²⁹ Deg'n non la Bɨraɓe ndad mber kad kegɨn dɔning Kana ku Israelagt ye.