Dakɔr deg 33 - Maktub Ta Kumkajir

Lo hɔlondɨg lo Israelag go ɗob kawdt

¹ Ĩgɨn ten la ĩn lo hɔlondɨg lo Israelag lon teen ne dɔning Ejipt't kɨtɨga kɨgo ɓut ngéɗɔɔt lod, na Moij kɨ Aarõ ĩn ngékɔrrd ta ɗob.

² Moij ndàng go ndia lod kam maktubt kɨgo lo hɔlondɨgt kɨgoagoa kɨgo mberkɨndat lo Bɨraɓe. Lo hɔlondɨgt lod kɨgo ndiadt laten:

³ Ɓain Ramses kam naht kɨdasa kɨ ndɔ kɨkɨlah gidaimi lo nah'n non. Loti go nah Pakɨt Israelag teen kɨ kam kɨmisɨmisɨ takum Ejiptiagt tube,

⁴ lon Ejiptiag ɗà duwɨn ne nganderdg tube'n Bɨraɓe tɔld. Bɨraɓe gangta dɔ yogt lod tɔ.

⁵ Israelag ɓain Ramses hɔn londɨ Sukot.

⁶ Ɓain Sukot hɔn londɨ Etam'n i kad dɨlalot.

⁷ Ɓain Etam telɨn kɨ Pi Hahirot sumba nõ Baal-Sepon na hɔn londɨ nõ Migdolt.

⁸ Ɓain Pi Hahirot gangɨn bahbo kɨ kaw kam dɨlalot, ndian ndɔ mɨta kam dɨlalot kɨ Etam na hɔn londɨ Mara.

⁹ Ɓain Mara teen Elimt, lot'n non mang kɨɓa kɨlah gidaijoo kɨ kag tumburg dɔtanãimɨta ĩn tit.

¹⁰ Ɓain Elɨm hɔn londɨ kad bahbot kɨkɨre.

¹¹ Ɓain bahbot kɨkɨre hɔn londɨ kam dɨlalot kɨ Sin.

¹² Ɓain kam dɨlalot kɨ Sin hɔn londɨ Dopka.

¹³ Ɓain Dopka hɔn londɨ Alus.

¹⁴ Ɓain Alus hɔn londɨ Repidim na deg ngahn mankãi lot'n non al.

¹⁵ Ɓain Repidim hɔn londɨ kam dɨlalot kɨ Sinai.

¹⁶ Ɓain kam dɨlalot kɨ Sinai hɔn londɨ Kibrot Hataaba.

¹⁷ Ɓain Kibrot Hataaba hɔn londɨ Haserot.

¹⁸ Ɓain Haserot hɔn londɨ Ritma.

¹⁹ Ɓain Ritma hɔn londɨ Rimon Peres.

²⁰ Ɓain Rimon Peres hɔn londɨ Libna.

²¹ Ɓain Libna hɔn londɨ Risa.

²² Ɓain Risa hɔn londɨ Kehelata.

²³ Ɓain Kehelata hɔn londɨ mbalbot kɨ Saper.

²⁴ Ɓain mbalbot kɨ Saper hɔn londɨ Harada.

²⁵ Ɓain Harada hɔn londɨ Makelot.

²⁶ Ɓain Makelot hɔn londɨ Tahat.

²⁷ Ɓain Tahat hɔn londɨ Tarak.

²⁸ Ɓain Tarak hɔn londɨ Mitka.

²⁹ Ɓain Mitka hɔn londɨ Hasmona.

³⁰ Ɓain Hasmona hɔn londɨ Moserot.

³¹ Ɓain Moserot hɔn londɨ Bene Jaakan.

³² Ɓain Bene Jakan hɔn londɨ Horr Gidgad.

³³ Ɓain Horr Gidgad hɔn londɨ Jotbata.

³⁴ Ɓain Jotbata hɔn londɨ Abrona.

³⁵ Ɓain Abrona hɔn londɨ Esion Geber.

³⁶ Ɓain Esion Geber hɔn londɨ kam dɨlalot kɨ Sin, ad i Kades.

³⁷ Ɓain Kades hɔn londɨ dɔ mbalbot kɨ Horr'n i dɔ ɗobnin dɔning Edom.

³⁸ Aarõ ngejanyamosɨ al dɔ mbalbot kɨ Horr kɨgo tat lo Bɨraɓe, na oi tit kam ɓalt kɨdɔsɔɔ go tee Israelag dɔning Ejipt't kɨtɨga, kam naht kɨkõmi kɨ ndɔ kɨdasa bang lo nah'n non

³⁹ Aarõ ɗa ɓal ɓu kɨ dɔjoo gidaimɨta lon oi dɔ mbalbot kɨ Horr.

⁴⁰ Ngar Arad kɨ Kanania'n ndɨ dɔning Kanat kojikõt oo hoi Israelag ndɨ ɗen.

⁴¹ Israelag ɓain mbalbot kɨ Horr hɔn londɨ Salmona.

⁴² Ɓain Salmona hɔn londɨ Punõn.

⁴³ Ɓain Punõn hɔn londɨ Obot.

⁴⁴ Ɓain Obot hɔn londɨ Iye-Abarim'n i dɔ ɗobnin dɔning Moabt.

⁴⁵ Ɓain Iye-Abarim hɔn londɨ Dibon Gad.

⁴⁶ Ɓain Dibon Gad hɔn londɨ Almon Diblataim.

⁴⁷ Ɓain Almon Diblataim hɔn londɨ mbalbogt kɨ Abarim sumba nõ Nebo.

⁴⁸ Ɓain mbalbog kɨ Abarim hɔn londɨ kam dɨlalogt kɨ Moab kad bah Jurdẽt sumba nõ ɓebo Jeriko.

⁴⁹ Hɔn londɨ kad bah Jurdẽt ko Bet-Jesimot mbã Abel Sitim kam dɨlalogt kɨ Moab.

Ta dɔ taa dɔning Kana nyakagɓet

⁵⁰ Bɨraɓe elta kɨ Moij kam dɨlalogt kɨ Moab kad bah Jurdẽt kɨ sumba nõ kɨ Jeriko an:

⁵¹ El Israelag titbe an: Lon i gangɨn bah Jurdẽ na andɨn dɔning Kanat

⁵² a i tuɓan ngéndɨ dɔningt nõ tube nõsɨt, a i tɔn yo mbalg lod kɨtɔsɨ, kɨ ɓakumta nyag lod kɨpel, na a i tujɨn log lod kɨ dõ tube kɔ.

⁵³ A i taan dɔning'n ɗan nyakagɓet, i ndɨnt, kɨta m'adsɨ dɔning'n ɗan kad i nyakagɓe losɨ.

⁵⁴ A i kegɨn dɔning'n ɗan kɨgo girrkoojt losɨ, deg'n kɔrd i ngãi a ne, a adɨnd gaj nyanduba kɨbo, deg'n kɔrd i ngãi al a ne, a adɨnd gaj nyanduba kɨdu. Dekɨɗen a ngah kɨgo yukt, a i taan nyakagɓe kɨgo girrkoojt lo bɔwsɨg.

⁵⁵ Na ĩla i tuɓan ngendɨ dɔningt'n ɗan kɔ nõsɨt al a ne, deg'n i nyand kusɨt nõ la a telɨn kõn kɨ kɔsɨ kumsɨ, kɨ ngar kɨ rui kadsɨ, a ĩn madngétasɨ kam dɔningt'n a i ndɨnt,

⁵⁶ na m'a m'ɗa sesɨ tit'n m'ndan kammt kad m'ɗan sed ye be ho.