Dakɔr deg 29 - Maktub Ta Kumkajir

Ɗà nah kun tow

¹ Nah kɨkõtanãmɨta kɨ ndɔ kɨdasa lo nah'n non ye, a i ndɔ kawna kɨjaɓat, a i ɗan kɨla kɨngang kamt al bat. A i ndɔ kɨta kun tow.

² A i lan bɔw mang kɨɗa kɨ bal bat kɨɗa kɨ ngan batg kɨ ɓal kɨɗa asɨn tanãimɨta kɨkanj nya mad ɗad kadkarit kɨlahorr, I sé kɨkootmbĩ kɨ nel Bɨraɓe,

³ kɨ kadkari nduj kɨtoletlet kɨlɔi kɨ yib kɨlo jikɨɗa kɨta bɔw mang, kɨ gaj joo ku kɨkɨlaht kɨta bal bat,

⁴ kɨ kɨlo mɨta kɨta ngon bat kɨɗen ku ngan batgt kɨtanãimɨta,

⁵ nat kɨ bal bĩã kɨɗa kadkari kutdɔ majal losɨ.

⁶ A i lan kadkarig'n non nat kɨ kadkari kɨlahorrt kɨ kadkari nduj lo kij nah kɨɗen, kɨ kadkari kɨ lahort kɨndɔgndɔg, kɨ kadkari nduj loa, kɨ kadkari nyakãig lod kɨgo mberkɨndat lod. Ĩn kadkarig kɨlahorrt, ĩn sé kɨkootmbĩ kɨ nel Bɨraɓe.

Kadkari kɨta ndɔ badɔ

⁷ Ndɔ kɨkɨlah lo nah kɨkõtanãimɨta ye, a i ndɔ kawna kɨjaɓat, a ɔgɨn rosɨ nyasa, na a i ɗan kɨla kamt al bat.

⁸ A i lan kadkari kɨlahorrt, sé kɨkootmbĩ kɨ nel Bɨraɓe, ad i bɔw mang kɨɗa, bal bat kɨɗa kɨ ngan batg kɨ ɓal kɨɗa asɨn tanãimɨta kɨkanj nya mad ɗad,

⁹ nat kɨ kadkari nduj kɨtoletlet kɨlɔi kɨ yib kɨlo mɨta kɨta bɔw mang, kɨ kɨlo kɨbojidet kɨta bal bat,

¹⁰ kɨ kɨlo mɨta kɨta bat kɨɗen ku ngan batgt kɨtanãimɨta,

¹¹ na bal bĩã kɨɗa kadkari kɨtɔ majal nat kɨ kadkari kutdɔ majal kɨ kadkari kɨlahorrt kɨndɔgndɔg kɨ kadkari nduj loa kɨ kadkari nyakãig lod.

Kadkarig kɨta nah kujkamg

¹² Ndɔ kɨkɨlah gidaimi lo nah kɨkõtanãimɨta a i ndɔ kawna kɨjaɓat, a i ɗan kɨla kɨngang kamt al bat. A i ɗa nah lo Bɨraɓe ndɔ tanãimɨta.

¹³ A i lan kadkari kɨlahorrt, kadkari kɨ tɨnga horro, i sé kɨkootmbĩ kɨ nel Bɨraɓe, ad i bɔw mangg kɨlah gidaimɨta kɨ bal batg joo, kɨ ngan batg kɨ bal kɨɗa asɨn kɨlah gidaisɔɔ kɨkanj nya mad ɗad,

¹⁴ kɨ kadkari nduj kɨtoletlet kɨlɔi kɨ yib kɨlo jikɨɗa kɨta bɔw mang kɨɗen ku bɔw manggt kɨkɨlah gidaimɨta, kɨlo kɨbojidet kɨta bal bat kɨɗen ku bal batgt kɨjoo,

¹⁵ kɨ kilo mɨta kɨta ngon bat kɨɗen ku ngan batgt kɨkɨlah gidaisɔɔ,

¹⁶ na bal bat kɨɗa kadkari kɨtɔ majal kɨ kadkari kɨlahorrt kɨndɔgndɔg kɨ kadkari nduj loa kɨ kadkari nyakãig lod.

¹⁷ Ndɔt kɨkõjoo a i la kadkari bɔw mangg kɨlah gidaijoo, bal batg joo kɨ ngan batg kɨ ɓal kɨɗa asɨn kɨlah gidaisɔɔ kɨkanj nya mad ɗad,

¹⁸ nat kɨ kadkari nduj kɨ kadkari nyakãig kɨta bɔw mangg, kɨ bal batg kɨ ngan batg kɨgo kɔrdt, kɨgo mberkɨndat,

¹⁹ kɨ bal bĩã kɨɗa kadkari kɨtɔ majal nat kɨ kadkari kɨlahorrt kɨndɔgndɔg kɨ kadkari nduj loa kɨ kadkari nyakãig lod.

²⁰ Ndɔt kɨkõmɨta bɔw mangg kɨlah gidaikɨɗa kɨ bal batg joo kɨ ngan batg kɨ ɓal kɨɗa asɨn kɨlah gidaisɔɔ kɨkanj nya mad ɗad,

²¹ nat kɨ kadkari nduj kɨ kadkari nyakãig kɨta bɔw mangg kɨ bal batg kɨ ngan batg kɨgo kɔrdt, kɨgo nyabelɓet,

²² kɨ bal bĩã kɨɗa kadkari kɨtɔ majal kɨ kadkari kɨlahorrt kɨndɔgndɔg kɨ kadkari nduj loa kɨ kadkari nyakãi loa.

²³ Ndɔt kɨkõsɔɔ bɔw mangg kɨlah kɨ bal batg joo kɨ ngan batg kɨ ɓal kɨɗa asɨn kɨlah gidaisɔɔ kɨkanj nya mad ɗad

²⁴ nat kɨ kadkari nduj kɨ kadkari nyakãig kɨta bɔw mangg kɨ bal batg kɨ ngan batg kɨgo kɔrdt, kɨgo mberkɨndat,

²⁵ kɨ bal bĩã kɨɗa kadkari kɨtɔ majal kɨ kadkari kɨlahorrt kɨndɔgndɔg kɨ kadkari nduj loa kɨ kadkari nyakãi loa.

²⁶ Ndɔt kɨkõmi bɔw mangg jikɨɗa kɨ bal batg joo kɨ ngan batg kɨ ɓal kɨɗa asɨn kɨlah gidaisɔɔ kɨkanj nya mad ɗad,

²⁷ nat kɨ kadkari nduj kɨ kadkari nyakãig kɨta bɔw mangg kɨ bal batg kɨ ngan batg kɨgo kɔrdt, kɨgo mberkɨnda,

²⁸ kɨ bal bĩã kɨɗa kadkari kɨtɔ majal kɨ kadkari kɨlahorrt kɨndɔgndɔg kɨ kadkari nduj loa kɨ kadkari nyakãi loa.

²⁹ Ndɔt kɨkõkɨbojidet bɔw mangg jijoo kɨ bal batg joo kɨ ngan batg kɨ ɓal kɨɗa asɨn kɨlah gidaisɔɔ kɨkanj nya mad ɗad,

³⁰ nat kɨ kadkari nduj kɨ kadkari nyakãig kɨta bɔw mangg kɨ bal batg kɨ ngan batg kɨgo kɔrdt, kɨgo mberkɨndat,

³¹ kɨ bal bĩã kɨɗa kadkari kɨtɔ majal kɨ kadkari kɨlahorrt kɨndɔgndɔg kɨ kadkari nduj loa kɨ kadkari nyakãig loa.

³² Ndɔt kɨkõtanãimɨta bɔw mangg tanãimɨta kɨ bal batg joo kɨ ngan batg kɨ ɓal kɨɗa asɨn kɨlah gidaisɔɔ kɨkanj nya mad ɗad,

³³ nat kɨ kadkari nduj kɨ kadkari nyakãig kɨta bɔw mangg kɨ bal batg kɨ ngan batg kɨgo kɔrdt, kɨgo mberkɨndat,

³⁴ kɨ bal bĩã kɨɗa kadkari kɨtɔ majal kɨ kadkari kɨlahorrt kɨndɔgndɔg, kɨ kadkari nduj loa kɨ kadkari nyakãi loa.

³⁵ Ndɔ kɨkõjijoo a i ndɔ kawna kɨbobe, a i ɗan kɨla kɨngang kamt al bat.

³⁶ A i la kadkari kɨlahorrt, kadkari kɨ tɨnga horro, i sé kɨkootmbĩ kɨ nel Bɨraɓe. Ad i bɔw mang kɨɗa kɨ bal bat kɨɗa kɨ ngan batg kɨ ɓal kɨɗa asɨn tanãimɨta kɨkanj nya mad ɗad,

³⁷ nat kɨ kadkari nduj kɨ kadkari nyakãig kɨta bɔw mang, kɨ bal bat kɨ ngan batg kɨgo kɔrdt, kɨgo mberkɨndat,

³⁸ kɨ bal bĩã kɨɗa kadkari kɨtɔ majal kɨ kadkari kɨlahorrt kɨndɔgndɔg kɨ kadkari nduj loa kɨ kadkari nyakãi loa.

³⁹ Ĩgɨn ten la in kadkarig kɨ a i land adɨn Bɨraɓe ndɔ ɗa nahgt losɨ nat kɨ kadkarig losɨ kɨ lahort kɨ kadkari ndujg losɨ kɨ kadkari nyakãig losɨ kɨ kadkarig kamndig kɨta tɔlɨn kon kunkɔg losɨ kɨ kadkarig kɨ kad kamsɔllom.