Dakɔr deg 28 - Maktub Ta Kumkajir

Kadkari kɨlahorrt kɨndɔgndɔg

¹ Bɨraɓe el Moij an: I ndamber Israelag na eld an:

² Oon maj kad admɨn kadkari lom kɨdɔ kàda, i kadkari lom, i kadkari nyasa lom kɨ lahort, i sé kɨkootmbĩ kɨ nelɨm.

³ A eld an: Oon kadkari kɨlahorrt'n a adɨn Bɨraɓe laten: Ndɔ kɨɗen a i lan ngan batg joo kɨ ɓal kɨɗa kɨkanj nya mad ɗad, kadkari kɨlahorrt kɨndɔgndɔg kɨkanj nya ta.

⁴ Ngon bat kɨɗa a i lan kɨsĩ, na kɨmad a i lan lokɨsɔle,

⁵ na kadkari nduj taa ne, a i kɨlo nduj mɨta kɨ toletlet kɨlɔi kɨ yib litɨr kɨɗa kɨ nusɨ.

⁶ I kadkari kɨlahorrt kɨndɔgndɔg tit'n lan ne dɔ mbalbo Sinait. I kadkari kɨlahorrt, i sé kɨkootmbĩ kɨ nel Bɨraɓe.

⁷ A ad kadkari man nduu, litɨr kɨɗa kɨ nusɨ kɨta ngon bat kɨkɨɗa kam lot kɨjaɓat nõ Bɨraɓet.

⁸ A i lan ngon bat kɨkõjoo lokɨsɔle nat kɨ kadkari nduj kɨ kadkari man nduu, tit kɨ kadkari kɨ sĩ. I kadkari kɨlahorrt, i sé kɨkootmbĩ, kɨ nel Bɨraɓe.

Kadkarig kɨta ndɔ taakò

⁹ Ndɔ taakòt a i lan ngan batg joo kɨ ɓal kɨɗa kɨkanj nya mad ɗad, kɨ kadkari nduj kɨlo kɨbojidet kɨtoletlet kɨlɔi kɨ yib, kɨ kadkari man nduu,

¹⁰ 'Nten i kadkari kɨlahorrt kɨta ndɔ taakò kɨɗen nat kɨ kadkari kɨlahorrt kɨndɔgndɔg kɨ kadkari man nduu loa.

¹¹ Ndɔ kij nahgt losɨ a i lan kadkari kɨlahorrt kad Bɨraɓe, bɔw mangg joo kɨ bal bat kɨɗa kɨ ngan batg kɨ ɓal kɨɗa tanãimɨta kɨkanj nya mad ɗad

¹² kɨ kadkari nduj kɨtoletlet kɨlo gaj mɨta ku kɨkɨlaht kɨ lɔi kɨ yib kɨta bɔw mang kɨɗen, kɨ kadkari nduj kɨtoletlet kɨlo gaj joo ku kɨkɨlaht kɨlɔi kɨ yib kɨta bal bat'n non,

¹³ kɨ kadkari nduj kɨtoletlet kɨlo mɨta kɨlɔi kɨ yib kɨta ngon bat kɨɗen. I kadkari kɨlahorrt, i sé kɨkootmbĩ, i kadkari kɨlahorrt kɨta Bɨraɓe.

¹⁴ Kadkari man nduu lod a i litɨr kasɨnduu mɨta kɨta bɔw mang kɨɗa kɨ litɨr joo kɨta bal bat kɨɗa, kɨ litɨr kɨɗa kɨ nusɨ kɨta ngon bat kɨɗa. 'Nten i kadkari kɨlahorrt kɨta ndɔ kɨdasa lo kij nah kɨɗen kɨ nahg tube kɨ kam ɓalt.

¹⁵ A lan bal bĩã kɨɗa kadkarit kɨtɔ majal kɨ ɗa adɨn Bɨraɓe, a lan kadkari'n non nat kɨ kadkari kɨ lahort kɨndɔgndɔg kɨ kadkari man nduu loa.

Ɗà nah bɨna kɨkanj berrkasɨ

¹⁶ Nah kɨdasa kɨ ndɔ kɨkõkɨlah gidaisɔɔ lo nah'n non i ɗa nah Pakɨ lo Bɨraɓe.

¹⁷ Ndɔ kɨkõkɨlah gidaimi lo nah'n non a i ndɔ ɗa nah a i san bɨna kɨkanj berrkasɨ asɨ ndɔ tanãimɨta.

¹⁸ Ndɔ kɨdasa a i ndɔ kawna kɨjaɓat, a i ɗan kɨla kɨngang kamt al bat.

¹⁹ A i lan kadkari kɨlahorrt bɔw mangg joo kɨ bal bat kɨɗa kɨ ngan batg kɨ ɓal kɨɗa asɨn tanãimɨta kɨkanj nya mad ɗad, a i kadkari kɨ lahort kɨta Bɨraɓe,

²⁰ kɨ kadkari nduj kɨtoletlet kɨlɔi kɨ yib, kɨlo jikɨɗa kɨta bɔw mang kɨɗa kɨ gaj kɨlo kɨbojidet kɨta bal bat kɨɗa,

²¹ kɨlo mɨta kɨta ngon bat kɨɗen.

²² A i lan bal bĩã kɨɗa kadkari kɨtɔ majal kɨ ɗa kɨta kut dɔ majal kɨ ɗa losɨ.

²³ A i lan kadkarig'n non nat kɨ kadkari kɨlahorrt kɨsĩ, ad i kadkari kɨlahorrt kɨndɔgndɔg.

²⁴ A i land ndɔ kɨɗen mbã ndɔ tanãimɨta, i nyasa kadkari kɨlahorrt, i sé kɨkootmbĩ kɨ nel Bɨraɓe. A i lan kadkarig'n non nat kɨ kadkari kɨlahorrt kɨndɔgndɔg kɨ kadkari nyakãi loa.

²⁵ Ndɔ kɨkõtanãimɨta a i ndɔ kawna kɨjaɓat, a i ɗan kɨla kɨngang kamt al bat.

Ɗà nah Pentekot

²⁶ Ndɔ ja kand nyako kɨdasa lon i lan kadkari nyako kɨkij kam ɗa nah ndɔgt kɨtanãimɨta, a i ndɔ kawna kɨjaɓat, a i ɗan kɨla kɨngang kamt al bat.

²⁷ A i lan kadkari kɨlahorrt, i sé kɨkootmbĩ kɨ nel Bɨraɓe, ad i bɔw mangg joo kɨ bal bat kɨɗa kɨ ngan batg kɨ ɓal kɨɗa asɨn tanãimɨta,

²⁸ nat kɨ kadkari nduj kɨtoletlet kɨlɔi kɨ yib kɨlo jikɨɗa kɨta bɔw mang kɨɗen, kɨ kɨlo kɨbojidet kɨta bal bat,

²⁹ kɨ kɨlo mɨta kɨta ngon bat kɨɗen,

³⁰ kɨ bal bĩã kɨɗa kadkari kutdɔ majal losɨ.

³¹ A adɨn kadkarig'n non nat kɨ kadkari kɨlahorrt kɨndɔgndɔg kɨ kadkari nduj loa kɨ kadkari nyakãi lod. Oon maj kad dãg'n non ĩn kɨkanj nya mad ɗad.