Dakɔr deg 26 - Maktub Ta Kumkajir

Tɨdan kɔr Israelag kɨkõjoo

¹ Bɨraɓe el Moij kɨ Eleajar ngon Aarõ ngejanyamosɨ an:

² I tɨda kɔr ngékawna lo Israel tube, deg'n ɓald asɨ dɔjoo, ke tɔi dɔjoo'n asɨn to nyakatg, kɨgo girrkooj bɔwdgt.

³ Moij kɨ Eleajar ngejanyamosɨ elɨn ta Israelag kam dɨlambogt kɨ Moab kɨ kad bah Jurdẽ sumba nõ Jeriko sew anan:

⁴ I tɨdan kɔr deg'n ɓald asɨ dɔjoo, ke tɔi dɔjoo tit'n Bɨraɓe ndan mbera Moij kɨ Israelag lon teen ne kɔ Ejipt't. Kɔrd i titbe.

⁵ Ruben, ngonderr Israel. Girrkooj Rubeniag laten: Kokɨro Henokt girrnooj Henokiag. Kokɨro Palut girrnooj Paluag.

⁶ Kokɨro Hesront girrnooj Hesroniag. Kokɨro Karmit girrnooj Karmiag.

⁷ Ĩgɨn ten la ĩn girrkooj Rubeniag na kɔrd i 43 730.

⁸ Ngon Palu kɨdɨngã i Eliab.

⁹ Ngan Eliab kɨdɨngã ĩn Nemuel, Datan kɨ Abiram. I Datan kɨ Abiram kan kunɨnd lo kawnat na gakɨn Moij kɨ Aarõ nat kɨ ɓut deg lo Kore kaglo'n taan ne ɗɔɔ Bɨraɓe.

¹⁰ Dɔning tee tan urdɨn nat kɨ Kore, na lon ɓut deg'n ɗan sed oin, lon horr õ deg ɓujoo kɨdɔmi. Ĩ nyakɔj kɨta deg.

¹¹ Na ngan Kore kɨdɨngã oin al.

¹² Girrkooj Simeõiag laten: Kokɨro Nemuelt girrnooj Nemuelag, Kokɨro Jamt girrnooj Jaminiag, Kokɨro Yakint girrnooj Yakiniag.

¹³ Kokɨro Jerakt girrnooj Jerakiag, Kokɨro Sawult girrnooj Sawliag.

¹⁴ Ĩgɨn ten la in girrkooj Simeõiag na kɔrd i 22 200.

¹⁵ Girrkooj Gadiag laten: Kokɨro Sepont girrnooj Seponiag. Kokɨro Hagit girrnooj Hagiag. Kokɨro Sunit girrnooj Suniag,

¹⁶ kokɨro Ojnit't girrnooj Ojniag. Kokɨro Erit't girrnooj Eriag.

¹⁷ Kokɨro Arodt girrnooj Arodag. Kokɨro Arlit't girrnooj Arliag.

¹⁸ Ĩgɨn ten la in girrkooj Gadiag na kɔrd i 40 500.

¹⁹ Ngan Juda kɨdɨngã in Er kɨ Onan na Er kɨ Onan oin kam dɔning Kanat.

²⁰ Girrkooj Judag laten: Kokɨro Selat't girrnooj Selaniag Kokɨro Peres girrnooj Peresiag. Kokɨro Jerat't girrnooj Jerag.

²¹ Ngan Peres kɨdɨngã laten: Kokɨro Hesront girrnooj Hesroniag. Kokɨro Hamut girrnooj Hamuliag.

²² Ĩgɨn ten la ĩn girrkooj Judag na kɔrd i 76 500.

²³ Girrkooj Isakariag laten: Kokɨro Tolat girrnooj Toliag, Kokɨro Pubat girrnooj Pubiag,

²⁴ Kokɨro Jasubt girrnooj Jasubiag. Kokɨro Simront girrnooj Simroniag.

²⁵ Ĩgɨn ten la ĩn girrkooj Isakariag na kɔrd i 64 300.

²⁶ Girrkooj Jabuloniag laten: Kokɨro Seredt girrnooj Sardiag Kokɨro Elont girrnooj Eloniag Kokɨro Yaleelt girrnooj Yaleliag.

²⁷ Ĩgɨn ten la ĩn girrkooj Jabuloniag na kɔrd i 60 500.

²⁸ Ngaka Jojep kɨgo girrkooj Manaseagt kɨ Epraimiag laten:

²⁹ Manaseag kokɨro Makirt girrnooj Makiriag. Makir ooj Galaad, kokɨro Galaadt girrnooj Galaadiag.

³⁰ Ĩgɨn ten la in Galaadiag, Kokɨro Jejert girrnooj Jejeriag. Kokɨro Helekt girrnooj Helekɨag.

³¹ Kokɨro Asrielt girrnooj Asrieliag. Kokɨro Sikemt girrnooj Sikemiag.

³² Kokɨro Semidat girrnooj Semidiag. Kokɨro Hepert girrnooj Hepriag.

³³ Selopkad ngon Heper ooj ngon kɨdɨngã al na ngan kɨdẽg koon. Tɔ ngan Selopkad kɨdẽg laten: Makla, Noa, Hogla Milka kɨ Tirsa.

³⁴ Ĩgɨn ten la ĩn girrkooj Manaseag na kɔrd i 52 700.

³⁵ Girrkooj Epraimiag laten: Kokɨro Sutelat girrnooj Sutelaiag Kokɨro Bekert girrnooj Bakriag Ko ro Tahant girrnooj Tahaniag.

³⁶ Ĩgɨn ten la in Sutelahiag: Kokɨro Erant girrnooj Eraniag.

³⁷ Ĩgɨn ten la ĩn girrkooj Epraimg na kɔrd i 32 500. Ĩgɨn ten tube la in ngaka Jojep kɨgo girrnoojdgt.

³⁸ Girrkooj Benjamiag laten: Kokɨro Belat girrnooj Baliag Kokɨro Asbelt girrnooj Asbeliag. Kokɨro Akɨrãmt girrnooj Akɨrãmiag,

³⁹ kokɨro Sepupamt girrnooj Supamiag. Kokɨro Hupamt girrnooj Hupamiag.

⁴⁰ Ngan Bela kɨdɨngã in Ard kɨ Naama. Kokɨro Ardt girrnooj Ardiag Kokɨro Naamat girrnooj Naamiag.

⁴¹ Ĩgɨn ten la ĩn girrkooj Benjamiag na kɔrd i 45 600.

⁴² Girrkooj Daniag laten: Kokɨro Sukamt girrnooj Sukamiag. Girrdeg 'nten la ĩn girrkooj lo Daniag.

⁴³ Girrkooj Sukamiag tube kɔrd i 64 400.

⁴⁴ Girrkooj Aseriag laten: Kokɨro Jimnat girrnooj Jimniag. Kokɨro Jiswit girrkooj Jisbiag Kokɨro Beriat girrkooj Beriag.

⁴⁵ Kokɨro ngan Beriat kɨdɨngã laten: Kokɨro Hebert girrkooj Hebreg Kokɨro Malkielt girrnooj Malkielag.

⁴⁶ Tɔ ngon Ajer kɨdẽ i Serah.

⁴⁷ Ĩgɨn ten la in girrkooj Aseriag na kɔrd i 53 400.

⁴⁸ Girrkooj Neptaliag laten: Kokɨro Jaseelt girrkooj Jaseliag Kokɨro Gunit girrkooj Guniag,

⁴⁹ Kokɨro Yesert girrnooj Jisriag. Kokɨro Silemt girrkooj Silemiag.

⁵⁰ Ĩgɨn ten la in girrkooj Naptaliag kɨgo girrkoojdgt na kɔrd i 45 400.

⁵¹ Titbe kɔr Israelag tube i 601 730.

⁵² Bɨraɓe el Moij an:

Keg dɔning Kanat nyakagɓet

⁵³ A kegɨn dɔning ku Israelagt kad i nyakagɓe lod kɨgo kɔrdt kɨndang.

⁵⁴ Girrkooj'n kɔrd i ngãi a ne, a ad'd gaj kɨbo na girrkooj'n kɔrd i ngãi al a ne, a ad'd gaj kɨdu. A ad girrkooj kɨɗen kɨkɨɗen kɨgo kɔrdt.

⁵⁵ A kegɨn dɔning kɨgo yukt kɨya, a ngahn nyakagɓe kɨgo tɔ girr bɨrabɔwdg.

⁵⁶ Kɨtakul yuk la a kegɨn ne dɔning'n non kudt, ĩgɨn kɔrd i ngãi kɨ ĩgɨn kɔrd i ngãi al.

Dakɔrdeg kɨkõjoo

⁵⁷ Ĩgɨn ten la ĩn Lebiag kɨ tɨdan kɔrd kɨgo girrkoojdt. Kokɨro Gersont girrkooj Gersoniag, kokɨro Kehat girrkooj Ketiag, kokɨro Merrit girrkooj Merariag.

⁵⁸ Kamdt girrkooj madg kɨ du i tit: Libnag, Heboniag, Makilag, Musiag, Koreag. Kehat ooj Amram.

⁵⁹ Tɔ nẽ Amram i Jokebed, ngon Lebi kɨdẽ'n Lebi ooja dɔning Ejipt't. Jokebed ooj Aarõ kɨ Moij kɨ Mari kõnand ad Amram.

⁶⁰ Aarõ ooj Nadab, Abihu, Eleajar kɨ Itamar.

⁶¹ Nadab kɨ Abihu oin lon unɨn ne horr kɨɗang awɨn ne nõ Bɨraɓet.

⁶² Dekɨdɨngãg tube'n tɨdan kɔrd ĩn 23 000, ĩgɨn ɗan nah kɨɗa ke tɔi. Tɨdand nat kɨ Israelag al kɨta adɨnd nyanduba ku Israelagt al.

Dɔboi dakɔrdeg

⁶³ Ĩgɨn ten la in Israelag'n Moij kɨ Eleajar ngejanyamosɨ tɨdand kam dɨla mboogt kɨ Moab kad bah Jurdẽt kɨ nõ Jeriko sew.

⁶⁴ Ku degt'n non de mad kɨ Moij kɨ Aarõ ngéjanyamosɨ tɨdana ku Israelagt lon in ne kam dɨlalot kɨ Sinai goto.

⁶⁵ Kɨtɔ Bɨraɓe elta lod kete an: A oin kam dɨlalot. Kɨkɨɗa kɨ nãi kɨ dɔn dõ goto na Kaleb ngon Jepune kɨ Jojue ngon Nun koon.