Dakɔr deg 13 - Maktub Ta Kumkajir

Ngéndalog awɨn Kana

¹ Bɨraɓe el Moij an:

² I la kɨ ngéndalog kad oon dɔning Kana ĩn mad Israelag. A i la de kɨɗa ku girrkooj bɔwdt kɨɗen na dekɨɗen kudt i mbaiɓe,

³ Ko dɨlalot kɨ Parã Moij la deg kɨgo mberkɨnda lo Bɨraɓe, na deg'n non tube'n bɨradɔg lo Israelag.

⁴ Tɔd laten: Ko girr Ruben, Samua ngon Jakur,

⁵ Ko girr Simeõ, Sapat ngon Hori

⁶ Ko girr Juda, Kaleb ngon Jepune,

⁷ Ko girr Isakar, Jigal ngon Jojep,

⁸ Ko girr Epraim, Oje ngon Nun,

⁹ Ko girr Benjami, Palti ngon Rapu,

¹⁰ Ko girr Jabulon, Gadel ngon Sodi,

¹¹ Ko girr Jojep, ad i ko girr Manase, Gaddi ngon Susi,

¹² Ko girr Dan, Amiel ngon Gemali,

¹³ Ko girr Ajer, Setur ngon Mikael,

¹⁴ Ko girr Neptali, Naki ngon Bopsi,

¹⁵ a Ko girr Gad, Gewel ngon Maki.

¹⁶ Ĩgɨn non la ĩn tɔ deg'n Moij lad kad ndan m'ãi, lo kɨ dɔningt, Moij mbel tɔ Oje ngon Nun, ndah Jojue.

¹⁷ Moij lad kad ndan m'ãi dɔning Kana, eld an: Awɨn, ɓan tasɨ ko jikõt, awɨn kam dɔning mbalt

¹⁸ kad oon ke dɔning'n non to titbãi, ngendɨt ĩn deg kɨngang ke tɔgd goto, ĩn koosɨg a ke ĩn tẽbe a?

¹⁹ A i oon dɔning'n ndɨnt, i kɨmaj ke kɨmajal, ɓebog ĩn ndɨnt ĩn kari, ke ĩn ɓebog kɨngang,

²⁰ dɔning i kɨmaj ke kɨmajal, kagg ɗant ke gotont Iren kamsɨ njirir, i ɗen kɨ kand kag kɨ dɔningt'n non. I kaglo mbuj kand nduu kɨdasa,

²¹ Awɨn na ndan m'ãi lo gugɨn dɔ dɔning'n non, mbã girra dɔ dɨlalot kɨ Sin mbã Rehob dɔ ɗob kaw Hamat.

²² Awɨn ko jikõ, na teen Hebrõ lot'n Ahiman, Sesai kɨ Talmai, ngan Anak ndɨnt, (Ndan Hebrõ bal tanãimɨta kete nõ Soan kɨ dɔning Ejipt't)

²³ Teen hollot kɨ Eskol na jan bɨra ndu kɨɗa ad deg lan kag tit ton ne, oin kand kag grenadie kɨ kand mbaiɓood tɔ.

²⁴ Kunɨn tɔ hollo'n non Eskol kɨta bɨra ndu in Israelag jan tit.

²⁵ Telɨn lo nda m'ãi dɔning go ndot kɨdɔsɔɔ.

²⁶ Lon ten londɨt ye awɨn ro Moijt kɨ Aarõ kɨ ngékawna lo Israel tube Kades kam dɨlalot kɨ Parã, ɔrrɨn hoi nyag adɨn ngékawna tube, oojɨnd kand nya kɨ dɔningt'n non tɔ.

²⁷ Ɔrrɨn hoia Moij anan: Rota i dɔning'n mbà kɨ tej nũt na oo kanda laten,

²⁸ na ngendɨ dɔningt'n non ĩn deg kɨngang, ɓebog lod ɗan ndogbɔrr kɨngang gugɨn ne dɔ, ĩn kɨbobo, j'oo Anakiag nu tɔ ho.

²⁹ Amalekag ndɨn dɔningt nõ ko jikõ, Hetiag kɨ Jebusiag kɨ Amoriag ndɨn dɔning mbalt na Kananiag ndɨn kad bahbot kɨ kad bah Jurdẽ.

³⁰ Kaleb ad deg ngenyurta do Moijt nyan tad, el an: Ad j'awɨn kɨ taan dɔning'n non, jĩ j'a kɨ tetɗɔɔ.

³¹ Na deg in, n'awɨn nat sia elɨn anan: Jĩ, j'asɨ ɗɔɔ kɨ deg'n non al kɨta ĩn kɨtɔg tɔijɨn.

³² Deg'n non ɔrrɨn hoita kɨmajal dɔ dɔning'n ndan m'ãia nõ Israelagt anan: Dɔning ĩn kɨ ndian kamt kad kɨ nda m'ãi, a i dɔning'n tɔ koh deg ngendɨt. Deg tube'n j'ɔid ĩn deg kɨ ngal,

³³ j'oo sikɨm deg, Anakiag, girrkooj sikɨm deg, j'asɨ nya mad al, kɨta j'oo roj tit kɨ betg be nõdt, ko rodt taa ne oojɨn, titbe tɔ.