Ester 5 - Maktub Ta Kumkajir

Ester ɗa mburnam kɨta ngar kɨ Haman

¹ Ndɔ kɨkõmɨta Ester la kub ngar kɨdẽ ront na aw ɗa natlot kɨkeme kam kujt lo ngar sumba nan kɨ londɨ ngar sew. Ngar ndɨ dɔ pong ngart kam kujkõɓet lon sumbana kɨ tabit kand kam kujt sew.

² Lon ngar oo Ester ngar kɨdẽ ɗa dõ nat lot ye, Ester ngah maj takumat na ngar la kagkõɓe kɨ ɗa kɨ nar ɔr kɨ hɔ jint kɨdɔat. Ester ndɔt nderbe, ɔd ta kag kõɓe.

³ Ngar ela an: I ge ɗi Ester ngar kɨdẽ? I ndɨje ɗi a? Ke neni i ndɨje nusɨ kõɓe kaa a adin.

⁴ Ester tur an: Ĩla ngar oo maj a ne, kɨ ngar ɗe ɓone nat kɨ Haman lo mburnamt kɨ m'ɗa kɨta ngar.

⁵ Kamla ngar el an: Adɨn Haman ɗe kanangbe kad kɨ ɗa nya'n Ester ndig. Titbe tɔ ngar kɨ Haman awɨn lo mburnamt'n Ester ɗa.

⁶ Lon ndɨ ãin kasɨnduu ye, ngar ndɨje Ester an: Nya'n i ndig, a adin nya'n non. I ndig ɗi a? Ke i nusɨ kõɓe kaa, a i ngah.

⁷ Ester tur an: Oo, nyakɔ lom kɨ nyandɨg lom laten:

⁸ Ĩla m'ngaa maj takum ngart, na ĩla nel ngar kad adɨm nyakɔ lom na tɔlkon ndig lom a ne, kɨ ngar ɗe gog ɓaitɔ nat kɨ Haman lo mburnamt'n m'a m'ɗa m'ad'd na loti la m'a m'turta ngar tit'n elɨn ye.

Haman ɗa kag kɨta tɔl Mardoke

⁹ Ndɔt'n non Haman tee tɨga kɨ ronel kɨ kamnda na lon oo Mardoke ta ndogt lo ngar ɓai dõ al, na roa ndad nõat al tɔ ye, wong ɗoosɨ kama dɔ Mardoket.

¹⁰ Ke i titbe kaa ne Haman hɔ kamɨn ngang, aw ɓe na la kɨla go namɨngt kɨ nẽn Jeres.

¹¹ Haman eld ta dɔ nyamajgt lon kɨbobo, da kɔr nganɨn kɨdɨngã kɨ nyag tube'n ngar ɗa sen kad'n telɨn kɨbo, kɨ ɗob'n ngar tɔia'n ad tel kɨbo dɔ mbaiɓegt kɨ ɓerg lo ngar.

¹² Haman el tɔ an: Rota, mĩ kɨ kɨɗambe la Ester ngar kɨdẽ kunɨm kad m'aw nat kɨ ngar lo mburnamt'n ɗa, na tel kunɨm ɓaitɔ nat kɨ ngar ɓe lon loti.

¹³ Na nyag'n non tube ɗan sem nya mad al bat lon m'ndɨ m'oo Mardoke kɨ Juip'n non ta ndogt lo ngar.

¹⁴ Kamla nẽa Jeres kɨ namag tube elɨna anan: Ad ɗan kag kɨ ngala kɨ dõ i metɨr dɔjoo gidaimi na loti kɨsĩ, i el ngar kad gan Mardoke dɔt. Ta ne, aw kɨ ronel lo mburnamt nat kɨ ngar ye. Ta 'nten nel Haman ad udɨn kag'n non.