Pilipus INTRO1 - Manobo Western BukidnonIs Mehitenged te Surat he Para te Menge TigPilipus Is belad ni Pablo migkedinahan ne ziyà itagkes te velad te sevaha he sundaru ziyà te pirisuwan. Netuenan din he ebpenhimetayan te hadì diyà te Ruma is menge tumutuu ne elin sikandin ebpekepaabut dutun. Piru minsan pa te iyan haazà melipayen gihapun sikandin. Maan? Neleyaman ni Pablo is kebpeselamat minsan hengkey is kebpekesavuk din su midsarig sikandin te Megbevayà wey netuenan din he ibeg̵ay kandin te Megbevayà is egkinehenglanen din. Ne tenged kayi mibpevayèbayè en sikandin te Amey he Megbevayà iring te mid-ulaula zaan ni Jesus. Mid-isip ni Pablo he iyan utew impurtanti is kebpesakup ki Kristu, ked-iring te ked-isip-isip din wey tuyù din wey is utew kebpekeuvey kandin. Nelipey si Pablo su sikan is menge etew he midtudluan din diyà te inged he Pilipus mibpedayun sikandan te kedtuu zan. Ne elin daan ingkelipey zin is: geine te wazè dan sikandin melipati. Mibpeuwitan dan sikandin te tavang hein edlised sikandin diyà te pirisuwan wey midsug̵ù dan si Ipepruditu te kedasig kandin. Ne tenged te ebpedayun he kedsarig din ki Kristu wazà ebpekeeg̵en te kelipey zin. Is kebpuun ni Pablo kedterebahu ziyà te Pilipus egkevasa ta ziyà te Nengeulaula 16:11-40. |
© 2001, Wycliffe Bible Translators, Inc., All rights reserved.
Wycliffe Bible Translators, Inc.