Hudas INTRO1 - Manobo Western BukidnonIs Mehitenged te Surat ni Hudas Is Hudas he midsurat kayi, kenà iyan sikan is Hudas he mibpalad ki Jesus. Dutun he timpu mahabet he menge etew is migngezanan kayi he ngazan. Is nehuna he isip ni Hudas, iyan is ebaal sikandin te surat he pinaag̵i zutun egkepurung egkesavut is kedlibriya te Megbevayà te etew. Iyan, nahalin haazà su egketulung din egkeisip sikan is men-aakal he menge etew he midtampu te menge tumutuu su wey meketuu is menge tumutuu te penurù dan. Gelbuwen sikandan he menge etew ne wazè dan en bulug handek te Megbevayà, kekenà, edsumpeliten dan sikandin. Meremerik is menge vaal zan ne ed-iniyaten dan is duma te ked-iring kandan. Umba mibpetizeenan ni Hudas is duma zin he menge tumutuu te kedlikey kandan. Ne kinahanglan tevangi zan is menge zuma zan su wey meheg̵et is kedtuu zan ne kenè dan ebpeketuu te penurù he ebpekezezaat kandan. |
© 2001, Wycliffe Bible Translators, Inc., All rights reserved.
Wycliffe Bible Translators, Inc.