Hoziya INTRO1 - Livulu lya Shukulu KalungaCizivukiso Hoziya muka-kwimanena wambulwile mu mutambela wa vumwene vwa ku kunto vwa Isalele, munima ya Amose muka-kwimanena a simbu ya tuyando twakama omo kanda Samaliya iwe mu 721 BC (Omo Simbu kanda Yesu Asemuke). Hoziya wombile manene mbunge ku vinjambi va tumponya va vanu nakukulaela kwavo kuli Njambi. Hoziya womukwile kukala oku kutuvakana vulo vwendi vwa tuyando twakama kuli munakazi wakujeneka kulongwa. Omo munakazi wendi Ngomele watengulukile kupwa wakujeneka kulongwa kuli ikeye, co vanu va Njambi vasezele Shukulu Kalunga. Omwo vyuma evi, kunyanyamesa kukaija a Isalele. Oloni ku mamaneselelo cizemo ca Njambi cije kucesi kutenguluka a vanu vendi cikapwa ngeci mwalaja, co akelwisa miyati ya vanu vavangi kuli ikeye nakuvapwisa vasamba vendi ngeci mwalaja. Cizemo cije vanacana mu majwi awa ngwavo, “Vatijo njasa kukwecela, Isalele? Vatijo njasa kukumbila kuti? Mbunge yange kuyikanjitavesa kucilinga! Cizemo cange kuli yeni cinapu cakama manene (11:8).” Kulumbununa vyuma vili mu livulu Vulo vwa Hoziya na naanga yendi 1:1–3:5 Majwi aa Isalele 4:1–13:16 Lijwi lyakutenguluka na cikulaeso 14:1-9 |
The Bible in Mbunda ©The Bible Society of Zambia, 2006
Bible Society of Zambia