Dakɔr deg 6 - BIBLE MBAÏ 1980

Ta kï dø kunkø Najir

¹ Bïraþe elta kï Moij an:

² El ngan Israelg an: Lon dekïdïngã ke dekïdë mad un køn kï yokïnda. Ad i kunkø Najir, kad ndah ron køtkokïða kïta Bïraþe.

³ Ada oron kasïnduu ke kasï kïngang, a ãi man kïmasï'n ðan kï ndu, ke kasï kïngang al, a ãi man nduu al, a sa ndawnduu al tø, ke kïmbool, ke kïtut.

⁴ Ndøg tube'n ørrïn ron køtkokïða ad Bïraþe ye a sa kand nya mad kï tee ko ro nduut al, ke kumnduu ke ngøa.

⁵ Ndøg tube'n unïn køn kï yokïnda ye yinga a ød bisïdøa al mbã ndø tølkon kaglo'n ørrïn ron køtkokïða kïta Bïraþe. A i kïjaþat, a nya bisïdøn ad ngal.

⁶ Ndøg tube'n ørrïn ron køtkokïða kïta Bïraþe ye a tee kad nint al,

⁷ A yerr kï ron kïta nin bøwïn ke kõn, ke ngonkõn kïdïngã, ke kïdë al kïta ta ndah ro køtkokïða kïta Bïraþe i døat.

⁸ Ndøg tube'n ndah ron køtkokïða a i kïjaþat kïta Bïraþe.

⁹ Îla de mad oi tentenbe roat nderþe ad roa kïndah køtkokïða kïta Bïraþe tel kïyerr ho a ne, a ngïse dø ndø kar rot, a ngïse dø ndøt kïkõtanãimïta.

¹⁰ Ndøt kïkõjijoo a ne, a ðe kï kadkari lon derngøt joo, ke ngan derkul joo, tabit kujkub ndødnat ad ngejanyamosï

¹¹ na ngejanyamosï a la kïkïða kadkari kïtø majal kï ða na kïmad kïta kadkari kïlahorrt kïta kutïn dø majal'n ða kïta nin. Najir'n non a ndah ron køtkokïða kïta Bïraþe

¹² A tel ndah ron køtkokïða kïta Bïraþe kïta ndøg'n kunkø ton døat, na a la kõ bat kï þala i kïða kïta la kadkari kïtø majal kï ða, na ndøg kï tøin woi nõ în kïtuj kïta ndah køtkokïða loa i kïyerr.

¹³ 'Nten la i mberkïnda kïta Najir ye lon tølkon ndø ndah køtkokïða lon. A ðen sia tabit kujkub ndødnat,

¹⁴ a la kadkari lon ad Bïraþe, ad i bal bat kï þal kïða kïkanj nya mad ðaa kïta kadkari kï lahorrt kï mand bat kï bal kïða kïkanj nya mad ðaa kïta kadkari kïtø majal kï ða kï bal bat kïkanj nya mad ðaa kïta kadkari kï kad kamsøllom.

¹⁵ Kï bïnã kïløi kïkanj berrkasï keh kïða kï oina nduj kïtaletlet kïløi kï yib kï bïnã kïkanj berrkasï kï kïtud yib døt, nat kï kadkari nduj kï kadkari nyakãig lod.

¹⁶ Ngejanyamosï a ðe kï nyag'n non nõ Bïraþet, a la kadkari loa kïta kut dø majal kï kadkari loa kïlahorrt.

¹⁷ A la bal bat kadkari ad Bïraþe, i kadkari kï kad kamsøllom nat kï keh bïnã kïkanj berrkasï. Ngejanyamosï a la kadkari nduj kï kadkari nyakãi tø.

¹⁸ Kamla Najir'n non a ngïse dõ tabit kujkub ndødnat, a oi bisïdøn kï ndah køtkokïða ü horrt kï girr kadkarit kï kad kamsøllom.

¹⁹ Ngejanyamosï a un bøg bal bat kïndirr nõ kï oina kïkanj berrkasï kïða kam keht kï bïnã kïkanj berrkasï kïða, a ndah nyag'n non ji Najirt got'nhã ngïse dõ kï ndah køtkokïða.

²⁰ Ngejanyamosï a bi nyag'n non kadkari kïbi nõ Bïraþet, i nya kïjaþat kïta ngejanyamosï nat kï gu dã kïbi kïbing dã, kïkun kïdõ. Gog got Najir ngah ðob kãi kasïnduu.

²¹ 'Nten i mberkïnda kïta Najir in un køn kï yokïnda. Kadkari loa kïta Bïraþe a i kïgo kunkø Najirt loa na a ad kïðang døt þaitø kïgo tøgïnt. Kïgo kunkøt kï un kï yokïnda nõ, titbe tø a ðan kïgo mberkïnda kïta Najir.

Ngan Aarõ a njangïn dø Israelag

²² Bïraþe elta kï Moij an:

²³ El Aarõ kï ngana an: Titbe la a i njangïn ne dø Israelag, a elïnd anan:

²⁴ Kï Bïraþe njang døi na kï ngomi,

²⁵ Kï Bïraþe ad takumïn unj døit na kï øji kamkë lon,

²⁶ Kï Bïraþe tur kumïn kï roit, na kï adi kamkïsokïber.

²⁷ Titbe la a ndahn ne tøm dø Israelagt, na mî m'a m'njang død ho.