Dakɔr deg 4 - BIBLE MBAÏ 1980

Kïla lo Kehatiag

¹ Bïraþe elta kï Moij kï Aarõ an:

² I tïdan kør Kehatiag ku Lebiagt kïgo girrnoojdgt kï kïgo girrkoojdgt,

³ i lan girra dø degt kï þal dømïta mbã þal dømi, tube'n asïn ta kïlaþer'n non kam kujkub ndødnat.

⁴ Oo, kïlaþer lo Kehatiag kam kujkub ndødnat laten: Kïla koogo nyag kïkam lot kïjaþat kïtaitøi.

⁵ Lon ndø asï kad þain lot'n non ye, Aarõ kï nganïn a and ørrïn kubganglo utïn ne dø sund najkïma.

⁶ Gog got a lan ndar hang utïn ne døa, na a lan palkub kïkil musïmusï døt, na lan kagg kïngal kad sundt.

⁷ Kïtø 'nten a lan palkub kï kil musïmusï dø table nda bïnãt na a ndahn tasag døt kï nganbaig kï galg kï kopg kïta kadkari nyakãi, kïkü kø na bïnã kïndanõt a i døt kïndøgndøg.

⁸ A lan palkub kïkïre pirir dø nyagt 'nten na a døn kï ndar hang kamla lan kagg kïngal kad tablet.

⁹ A unïn palkub kïkil musïmusï utïn ne dø kag nda lambag loa kï døgorag, kï bai køi buhorrag, kï ku yiba, kï nyag tube kïta ðan go lambag.

¹⁰ A ndahna nat kï nya ðakïlag tube kam ndar hangt na a ndahn dø nyatonyat.

¹¹ A utïn dø dïngïr nar ørr kï palkub kïkil musïmusï, a dulon kï ndar ang kamla lan kagg kïngal kad dïngïrt.

¹² A oin nyaðakïlag tube'n ndï ðan ne kïla kam lot kïjaþat, a ünd kam pal kubt kïkil musïmusï, a dulo kï ndar hang kamla lan dø kagtonyat,

¹³ A øin buhorr kïdø dingïrt kø, na lan palkub kïkïðe worwor døt.

¹⁴ A ndahn nya ðakïlag tube'n ndï ðan ne kïlaþer døt, ad i ngan jo ndah horrg, kï nyakøsï dã, kï pelg, kï tasag, kï nyaðakïlag tube lo dïngïr, na a lan ndar hang døt na lan kagg kïngal kad dïngïrt.

¹⁵ Lon Aarõ kï nganïn tïgan kïlla kutdø lo kïjaþat kï nyaðakïlag tube kïkam lot kïjaþat, na døkàd asï kad awïn, got Kehatiag a ðen kad unïn, na a ødïn nyag kïja þat nõ al, na þeta oin. 'Nten la i kïlla lo Kehatiag kam kujkub ndødnat.

Kïla lo Eleajar

¹⁶ Eleajar ngon Aarõ ngejanyamosï a oo go yib kïta lamba kï nõkag kïkootmbî kï kadkari nduj kïndøgndøg kï yib kurdøt. A oo go kujkub londï kï nyag tube kïkamt kï lo kïjaþat kï nyaðakïlag tube.

¹⁷ Bïraþe elta kï Moij kï Aarõ an:

¹⁸ Ot nyan kad tølïn girrkooj Kehatiag kø ku Lebiagt,

¹⁹ na i ðan sed titbe kïtakad ndï kï død dõ na oin al lon a ndøtïn kï ro nyagt kïjaþat kïtaitøi. Ad Aarõ kï ngana ðen, øjïnd kïla lod kïða kïða tube kï nya'n a ton,

²⁰ na Kehatiag a andïn kad oon nyag kïjaþat nõ al, ke kad oon pit, na þeta oin.

Kïla lo Gersoniag

²¹ Bïraþe elta kï Moij an:

²² I tïda kør Gersoniag tø kïgo girrkoojdt kï kïgo girrnoojdt.

²³ I tïda kørd, i la girra dø degt kï þal dømïta mbã þal dømi, tube'n asïn ta kïlaþer kam kujkub ndødnat.

²⁴ 'Nten la kïlaþer lo girrkooj Gersoniag, kïlaþer lod kï nyag'n a ton.

²⁵ A ton palkubg lo kujkub londï kï kujkub ndødna, nyakutdøa kï nyakutdø kï ndar hang'n a lan døt kï kubganglo kï tabit kujkub ndødnat,

²⁶ palkubg kï natlot kï kubganglo kï tabit natlot'n gug dø kujkub londï kï dïngïr kï kïlag lod kï nyaðakïlag tube.

²⁷ Kïlaþer tube lo Gersoniag a i girr tøgt lo Aarõ kï ngana kï nyag tube'n a ton, kï kïlaþer tube'n a ðan. A i nya nyag tube'n a ton jidt.

²⁸ 'Nten la i kïlaþer lo girrkooj Gersoniag kam kujkub ndødnat na kïlaþerr lod ta, ngekoogoa i Itamar ngon Aarõ ngejanyamosï.

Kïla lo Merariag

²⁹ A i tïda kør Merariag kïgo girrnoojdt kï kïgo girrkoojdt.

³⁰ A i tïda kørd, i la girra dø degt kï þal dømïta mbã þal dømi, tube'n asïn ta kïlaþer kam kujkub ndødnat.

³¹ Îgïn ten la în nyag'n a lan jidt kad ðan kïla lod i kad ton kïta kïlaþer lod tube kam kujkub ndødnat. Barkagg lo kujkub londï kï kagg kïngal, kï pilieg loa kï nya høag.

³² Pilierg kï gugïn dø natlo kï nyahødg kï kagg kïta dø kïla tit kï kïlag lod kï nyaðakïlag tube kï nyag kïta kïlaþer'n non tube. A i tïdan tø nyag tube kï i lan jidt kad ton.

³³ 'Nten la i kïlaþer lo girrkooj Merariag, kïlaþer lod tube kam kujkub ndødnat, ngekoogoa i Itamar ngon Aarõ ngejanyamosï.

Kïlag'n sumba kad Lebiag ðan

³⁴ Moij kï Aarõ kï kïbog lo ngékawnatïdan kør Kehatiag kïgo girrnoojdt kï kïgo girrkoojdt.

³⁵ Deg tube'n þald i dømïta mbã þal dømi, tube'n asïn ta kïlaþer kam kujkub ndødnat.

³⁶ Îgïn tïdand kïgo girrkoojdt i 2750.

³⁷ Îgïn non la în girrkooj lo Kehatiag'n tïdand, tube'n ðan kïlaþerr kam kujkub ndødnat. Moij kï Aarõ tïdan kørd kïgo tat lo Bïraþe'n nda mbera Moij.

³⁸ Gersoniag'n tïdan kørd kïgo girrkoojdt kï kïgo girrnoojdt,

³⁹ lan girra dø îgïtïn þald i dømïta mbã þal dømi, tube'n asïn ta kïlaþer kam kujkub ndødnat.

⁴⁰ Deg'n tïdan kørd kïgo girrkoojdt kï kïgo girrnoojdt în 2630.

⁴¹ Îgïn non la în girrkooj Gersoniag'n tïdand, tube'n asïn ta kïlaþer kam kujkub ndødnat. Moij kï Aarõ tïda ndï kïgo mberkïnda lo Bïraþe.

⁴² Deg kï girrkooj Merariag'n tïdand kïgo girrnoojdt kï kïgo girrkoojdt,

⁴³ lan girra dø îgïntin þald i dømïta mbã þal dømi tube'n asïn ta kïlaþer kam kujkub ndødnat,

⁴⁴ îgïn tïdan kørd kïgo girrkoojdt în 3200

⁴⁵ Îgïn non la în girrkooj Merariag'n tïdan kørd. Moij kï Aarõ tïdand kïgo tat lo Bïraþe'n nda mbera Moij.

⁴⁶ Lebiag tube'n Moij kï Aarõ kï kïbog lo Israel tïdan kørd kïgo girrkoojdt kï kïgo girrnoojdt,

⁴⁷ lan girra dø îgïtïn þald i dømïta mbã dømi, tube'n asïn ta kïlaþer kam kujkub ndødnat kï kad în ngétonyag.

⁴⁸ Tubeg'n tïdand kørd în 8580.

⁴⁹ Tïdand kïgo tat lo Bïraþe'n nda mbera Moij, na øj dekïðen kïlaþer loa kad ða kï nya kï kad tø. Tïdand kïgo tat lo Bïraþe'n nda mbera Moij.