Dakɔr deg 32 - BIBLE MBAÏ 1980

Rubeniag kï Gadiag køtïn døning Galaad kad ndïnt

¹ Rubeniag kï Gadiag awïn kï þut nyakulg ngãibe na oon ad døning Jaejer kï døning Galaad i lo kïmaj kïta nyakulg.

² Kamla Gadiag kï Rubeniag awïn ro Moijt kï Eleajar ngejanyamosï kï kïbog lo ngékawna, elïnd anan:

³ Atarot, Dibon, Jaejer, Nimra, Hesbon, Eleale, Seban, Nebo kï Beon

⁴ în døningg'n Bïraþe teetd ðøø nõ ngékawnat lo Israel, i lo kïmaj kïta nyakulg, na þerg loi în ngékulnyag.

⁵ Elïn anan: Îla kï ngah maj takumit a ne, ad døning'n ðan þerg loi nyakagþet, na ot gang sej bah Jurrdë.

⁶ Moij tur Gadiag kï Rubeniag an: Ngankõsïg a awïn ðøøt na i ndigïn kad i ndïn ne be e?

⁷ Kïtøði i ndigïn kad ro Israelag oi siw dø kaw kam døningt'n Bïraþe ad'd a?

⁸ Bøwsïg ðan titbe lon m'lad Kades Barnëa kad oon døning.

⁹ Awïn mbã hoollot kï Eskol, na lon oon lo oi ye, ðan ad ro Israelag oi siw dø kand kam døningt'n Bïraþe ad'd.

¹⁰ Bïraþe þawong kïtalsøkïr ndøt'n non ad nda yo an:

¹¹ deg'n þain Ejipt'tn þald asï døjoo ke tøi a oon døning'n m'ndan yo kï m'ad Abraham kï Isaak kï Jakob al, kïta ndulon gom kï kam kïro al.

¹² Kaleb ngon Jepune, de kï girr Keniat, kï Jojue ngon Nun, îgïn non koon la ndulon go Bïraþe kï kam kïro ye.

¹³ Na Bïraþe þawong kï tïngabil dø Israelagt ad ndomïn kam dïlalot þal døsøø mbã deg kï ngéðamajalg'n non nujïn takum Bïraþet tube.

¹⁴ Na oon i þai ørrïn got bøwsïg'n în þut deg kï ngéðamajal, kad i tøsïn ne wong lo Bïraþe i ndun kïdø Israelt þaitø.

¹⁵ Kïtø îla i tøn goat a ne, a nyasï kam dïlalot na a i nujïn deg'n ðan tube.

¹⁶ Ndøtïn nderrbe kï ro Moijt anan: J'a kï nda kïngag nëbe kïta þut nyakulg loj, kï ða þebog kïta nganjg,

¹⁷ kamla jî, j'a kï ða roj kï nyaðøøg, kad j'ørr Israelag ta ðob mbã kï tee sed døningt lod, na nganjg a ndïn þebogt kïngang kïta ngéndï døningt nõ.

¹⁸ J'a kï tel kï kujgt loj gog al mbã kad dekïðen ku Israelagt ngah nyanduba lon,

¹⁹ kïta jî, j'a kï ngah nyanduba nat sed gid bah Jurrdët nu al, ke kïnõt, kïta jin kï ngah nyanduba loj gid bah Jurrdë ko kïloþakàdt.

²⁰ Moij eld an: Îla i ðan nya 'nten, îla i ðan rosï kï nyakatg kïta ðøø nõ Bïraþet,

²¹ îla deg tube kï dansït'n øin nyakatg gangïn bah Jurrdë nõ Bïraþet mbã kad tuþan madngétaa kø nõat,

²² na îla døning i girr tøgt lo Bïraþe kete, gog got i telïn, kamla a în kïkanj ta nõ Bïraþet kï nõ Israelt, na døning'n ðan a i nyakagþe losï kïnõ Bïraþet.

²³ Na îla i ðan titbe al a ne, i ðan majal i ndoorïn ne Bïraþe. Rota a i gerïn maj, majal losï a so døsït.

²⁴ I ðan þebog kïta ngansïg, i ndan kïngag kïta nyakulg losï na i ðan nya'n unïn ne køsï.

²⁵ Gadiag kï Rubeniag turïn Moij anan: Þerg loi a ðan nya'n ngej nda mbera.

²⁶ Nganjg kï nëjg kï þut nyakulg loj kïbog kï kïdug tube a nãin kam þebogt kï Galaad,

²⁷ na þerg loi tube a øin nyakatg, a awïn ðøø nõ Bïraþet tit'n ngej ndan mbera.

²⁸ Titbe Moij ndamber Eleajar ngejanyamosï kï Jojue ngon Nun kï bïrabøwg kïdø girrkoojt lo Israel dan dø Gadiag kï Rubeniag,

²⁹ na Moij eld an: Îla Gadiag kï Rubeniag gangïn bah Jurrdë nat sesï, dekïðen ða ron kï nyaðøøg kad ðøøn nõ Bïraþet, lon døning i girr tøgsït a ne, a adïnd døning Galaad nyakagþet.

³⁰ Na îla gangïn bah kï nyakatg nat sesï al a ne, a ngahn nyakagþe kusït kam døning Kanaat koon.

³¹ Gadiag kï Rubeniag turïn anan: J'a kï ða nya'n Bïraþe el þerg loi.

³² J'a kï gang bah kï nyakatg nõ Bïraþet kï døning Kanaat, na j'a kï ngah nyanduba loj gid bah Jurrdët ko kïnë.

³³ Moij ad Gadiag kï Rubeniag kï nusï girr Manase ngon Jojep kõþe lo Sihõ ngar lo Amoriag, kï kõþe lo Og ngar kï Basan, ad'd døning nat kï þebog loa kï døningg lod, ad i þebog tube kï døningt.

³⁴ Gadiag ðan þebo Dibon, Atarot, Aroer,

³⁵ Abrot, Sopan, Jaejer, Jogbeha,

³⁶ Bet Nimra kï Bet Harã, þebog kïngang, na ndan kïngag kïta þut nyakulg.

³⁷ Rubeniag ðan þebo Hesbon, Eleale, Kirjataim,

³⁸ Nebo kï Baal Meon (mbelïn tød) kï Sibma na ndan tø þebog'n ðan.

³⁹ Girrnooj Makir ngon Manase aw ðøø dø Galaadt, taan døning'n non na tuþan Amoriag ngendït kete.

⁴⁰ Moij ad Galaad Makir ngon Manase kad ndït.

⁴¹ Jair ngon Manase aw ðøø kï ngan þeg lod, taad na ndah tød ngan þeg lo Jair.

⁴² Nobak aw ta Kenat nat kï ngan þeg kï gugïn dø na ndah tøa Nobak kïgo tønt.