Dakɔr deg 26 - BIBLE MBAÏ 1980

Tïdan kør Israelag kïkõjoo

¹ Bïraþe el Moij kï Eleajar ngon Aarõ ngejanyamosï an:

² I tïda kør ngékawna lo Israel tube, deg'n þald asï døjoo, ke tøi døjoo'n asïn to nyakatg, kïgo girrkooj bøwdgt.

³ Moij kï Eleajar ngejanyamosï elïn ta Israelag kam dïlambogt kï Moab kï kad bah Jurrdë sumba nõ Jeriko sew anan:

⁴ I tïdan kør deg'n þald asï døjoo, ke tøi døjoo tit'n Bïraþe ndan mbera Moij kï Israelag lon teen ne kø Ejipt't. Kørd i titbe.

⁵ Rubë, ngonderr Israel. Girrkooj Rubeniag laten: Kokïro Henõkt girrnooj Henõkiag. Kokïro Palut girrnooj Paluag.

⁶ Kokïro Hesront girrnooj Hesroniag. Kokïro Karmit girrnooj Karmiag.

⁷ Îgïn ten la în girrkooj Rubeniag na kørd i 43730.

⁸ Ngon Palu kïdïngã i Eliab.

⁹ Ngan Eliab kïdïngã în Nemuel, Datan kï Abiram. I Datan kï Abiram kan kunïnd lo kawnat na gakïn Moij kï Aarõ nat kï þut deg lo Kore kaglo'n taan ne ðøø Bïraþe.

¹⁰ Døning tee tan urdïn nat kï Kore, na lon þut deg'n ðan sed oin, lon horr õ deg bujoo kïdømi. Î nyakøj kïta deg.

¹¹ Na ngan Kore kïdïngã oin al.

¹² Girrkooj Simeõiag laten: Kokïro Nemuelt girrnooj Nemuelag, Kokïro Jamt girrnõo Jaminiag, Kokïro Jakïnt girrnooj Jakïniag.

¹³ Kokïro Jerakt girrnooj Jerakiag, Kokïro Sawlt girrnooj Sawliag.

¹⁴ Îgïn ten la in girrkooj Simeõiag na kørd i 22200.

¹⁵ Girrkooj Gadiag laten: Kokïro Sepont girrnooj Seponiag. Kokïro Hagit girrnooj Hagiag. Kokïro Sunit girrnooj Suniag,

¹⁶ kokïro Ojnit't girrnooj Ojniag. Kokïro Erit't girrnooj Eriag.

¹⁷ Kokïro Arodt girrnooj Arodag. Kokïro Arlit't girrnooj Arliag.

¹⁸ Îgïn ten la in girrkooj Gadiag na kørd i 40500.

¹⁹ Ngan Juda kïdïngã in Er kï Onan na Er kï Onan oin kam døning Kanaat.

²⁰ Girrkooj Judag laten: Kokïro Selat't girrnooj Selaniag. Kokïro Peres girrnooj Peresiag. Kokïro Jerat't girrnooj Jeraag.

²¹ Ngan Peres kïdïngã laten: Kokïro Hesront girrnooj Hesroniag. Kokïro Hamut girrnooj Hamuliag.

²² Îgïn ten la în girrkooj Judag na kørd i 76500.

²³ Girrkooj Isakariag laten: Kokïro Tolat girrnooj Toliag, Kokïro Pubat girrnooj Pubiag,

²⁴ Kokïro Jasubt girrnooj Jasubiag. Kokïro Simront girrnooj Simroniag.

²⁵ Îgïn ten la în girrkooj Isakariag na kørd i 64300.

²⁶ Girrkooj Jabuloniag laten: Kokïro Seredt girrnooj Sardiag. Kokïro Elont girrnooj Eloniag. Kokïro Jaleélt girrnooj Jaleliag.

²⁷ Îgïn ten la în girrkooj Jabuloniag na kørd i 60500.

²⁸ Ngaka Jojep kïgo girrkooj Manaseagt kï Epraimiag laten:

²⁹ Manaseag kokïro Makirt girrnooj Makïriag. Makir ooj Galaad, kokïro Galaadt girrnooj Galaadiag.

³⁰ Îgïn ten la in Galaadiag, Kokïro Jejert girrnooj Jejeriag. Kokïro Helekt girrnooj Helekïag.

³¹ Kokïro Asrielt girrnooj Asrieliag. Kokïro Sikemt girrnooj Sikemiag.

³² Kokïro Semidat girrnooj Semidiag. Kokïro Hepert girrnooj Hepriag.

³³ Selopkad ngon Heper ooj ngon kïdïngã al na ngan kïdëg koon. Tø ngan Selopkad kïdëg laten: Makla, Noa, Hogla Milka kï Tirsa.

³⁴ Îgïn ten la în girrkooj Manaseag na kørd i 52700.

³⁵ Girrkooj Epraimiag laten: Kokïro Sutelat girrnooj Sutelaiag. Kokïro Bekert girrnooj Bakriag. Koro Tahant girrnooj Tahaniag,

³⁶ Îgïn ten la in Sutelahiag: Kokïro Erant girrnooj Eraniag.

³⁷ Îgïn ten la în girrkooj Epraimg na kørd i 32500. Îgïn ten tube la in ngaka Jojep kïgo girrnoojdgt.

³⁸ Girrkooj Benjamiag laten: Kokïro Belat girrnooj Baliag. Kokïro Asbelt girrnooj Asbeliag. Kokïro Akïrãmt girrnooj Akïrãmiag,

³⁹ kokïro Sepupamt girrnooj Supamiag. Kokïro Hupamt girrnooj Hupamiag.

⁴⁰ Ngan Bela kïdïngã in Ard kï Naama. Kokïro Ardt girrnooj Ardiag. Kokïro Naamat girrnooj Naamiag.

⁴¹ Îgïn ten la în girrkooj Benjaminiag na kørd i 45600.

⁴² Girrkooj Daniag laten: Kokïro Sukamt girrnooj Sukamiag. Girrdeg 'nten la în girrkooj lo Daniag,

⁴³ Girrkooj Sukamiag tube kørd i 64400.

⁴⁴ Girrkooj Aseriag laten: Kokïro Jimnat girrnooj Jimniag. Kokïro Jiswit girrkooj Jisbiag. Kokïro Beriat girrkooj Beriag.

⁴⁵ Kokïro ngan Beriat kïdïngã laten: Kokïro Hebert girrkooj Hebriag. Kokïro Malkielt girknooj Malkielag.

⁴⁶ Tø ngon Aser kïdë i Serah.

⁴⁷ Îgïn ten la in girrkooj Aseriag na kørd i 53400.

⁴⁸ Girrkooj Neptaliag laten: Kokïro Jaseelt girrkooj Jaseliag. Kokïro Gunit girrkooj Guniag,

⁴⁹ Kokïro Jesert girrnooj Jisriag. Kokïro Silemt girrkooj Silemiag.

⁵⁰ Îgïn ten la in girrkooj Naptaliag kïgo girrkoojdgt na kørd i 45400.

⁵¹ Titbe kør Israelag tube i 601730.

⁵² Bïraþe el Moij an:

Keg døning Kanaat nyakagþet

⁵³ A kegïn døning ku Israelagt kad i nyakagþe lod kïgo kørdt kïndàng.

⁵⁴ Girrkooj'n kørd i ngãi a ne, a ad'd gaj kïbo na girrkooj'n kørd i ngãi al a ne, a ad'd gaj kïdu. A ad girrkooj kïðen kïkïðen kïgo kørdt.

⁵⁵ A kegïn døning kïgo yukt kïya, a ngahn nyakagþe kïgo tø girr bïrabøwdg.

⁵⁶ Kïtakul yuk la a kegïn ne døning'n non kudt, îgïn kørd i ngãi kï îgïn kørd i ngãi al.

Dakørdeg kïkõjoo

⁵⁷ Îgïn ten la în Lebiag kï tïdan kørd kïgo girrkoojdt. Kokïro Gersont girrkooj Gersoniag, kokïro Kehat girrkooj Ketiag, kokïro Merrit girrkooj Merariag.

⁵⁸ Kamdt girrkooj madg kï du i tit: Libnag, heboniag, Makilag, Musiag, koriag. Kehat ooj Amram.

⁵⁹ Tø në Amram i Jokebed, ngon Lebi kïdë'n Lebi ooja døning Ejipt't. Jokebed ooj Aarõ kï Moij kï Mari kõnand ad Amram.

⁶⁰ Aarõ ooj Nadab, Abihu, Eleajar kï Itamar.

⁶¹ Nadab kï Abihu oin lon unïn ne horr kïðang awïn ne nõ Bïraþet.

⁶² Dekïdïngãg tube'n tïdan kørd în 23000, îgïn ðan nah kïða ke tøi. Tïdand nat kï Israelag al kïta adïnd nyanduba ku Israelagt al.

Døboi dakørdeg

⁶³ Îgïn ten la in Israelag'n Moij kï Eleajar ngejanyamosï tïdand kam dïla mbogt kï Moab kad bah Jurrdët kï nõ Jeriko sew.

⁶⁴ Ku degt'n non de mad kï Moij kï Aarõ ngéjanyamosï tïdana ku Israelagt lon in ne kam dïlalot kï Sinai goto.

⁶⁵ Kïtø Bïraþe elta lod kete an: A oin kam dïlalot. Kïkïða kï nãi kï døn dõ goto na Kaleb ngon Jepune kï Jojue ngon Nun koon.