Dakɔr deg 24 - BIBLE MBAÏ 1980

¹ Lon Balam oo nel Bïraþe kad njang dø Israel ye, aw sah nyakøj lo ngéða yog tit kï maði al, na tel takumïn sumba dø dïlalo sew.

² Balam un kumïn kïdõ oo Israelag høn londï kïgo girrkoojdt, na Ndil Luwah ðe døat,

³ ad el terrta lon an: Ta lo Balam ngon Beor, Ta lo de'n kuma tee,

⁴ Ta lo de'n oo dø tag lo Luwah, de'n oo nya lo Ngetøgtube kam ndilt. De'n øsï døn ber na kuma tee,

⁵ Kujkubg loi in kïmaj, Israel, londï maj ngãi Israel.

⁶ Ton tit hoollog kï awïn sãi, tit kï ndøøg kïkad baht, tit kï kag aloes'n Bïraþe høa, tit kï kag sedïrg kïkad mant.

⁷ Man ðoosï jo man lo Israel mbã ü kø. Koh Israel a bïla ngãibe. A høn londï kad man'gt kïdangdang, Ngar loa a i kïbo tøi Agag, Kõþe loa a i kïtai kïdõ.

⁸ Luwah tee sia kø Ejipt't, Tøga i tit tøg gàj døg be, Israel a sa girrdeg'n in madngétaa, A teet kïngad, a urrd kï kïrãg lon.

⁹ Ud gat, to ber tit tubo. Kõ tubo kï to þi, nõ a tøsï ndoola a? Majkurrr kï dø det'n njang døi. Kï ndøl i dø det'n ndøli.

Balak þawong kï Balam

¹⁰ Balak þawong kï Balam ad nda jin na el Balam an: M'kuni kad i ndøl madngétamg, na oo i njang død nja mïta oi.

¹¹ Ãi tajigla kï þe loi. Kete m'øj kad m'la køsïgon døit, na Bïraþe øgi dø ngah køsïgon.

¹² Balam tur Balak an: M'el ngombangkïlag'n i lad kï romt ta kï titbe?

¹³ Balak a adïm kuj lon kï ðoosï kï nar arjã kï ør kaa ne, m'a m'asï ða nya kïmaj, ke kïmajal m'tøin dø ta lo Bïraþe al. M'a m'el nya'n Bïraþe a el.

¹⁴ Tajigla m'a m'tel kï ro degt lom. I ðe na m'a m'eld nya'n þet deg'n ðan a ðan kï deg loi kaglo kïdøboit.

¹⁵ Balam el terrta lon an: Ta lo Balam ngon Beor, Ta lo de'n kuma tee.

¹⁶ Ta lo de'n oo dø tag lo Luwah, De kï ngeger køjtaðag lo Ngetøitøi, De'n oo nya lo Ngetøgtube kam ndilt, De'n øsï døn ber na kuma tee.

¹⁷ Ã m'ooa na i tajigla al, M'nøla na i nderrbe al þaitø. Kïmë mad tee ko ro Jakobt, kagkõþe mad þai kokïro Israelt, A dud Moab rumrum. A nuj girrdeg ngetõðøø'n ðan.

¹⁸ A taa Edom nyakagþent, A taa Seir, madngétan, Israel a øj tøgïn.

¹⁹ De'n tee kokïro Jakobt la a õþe, A tuj ndeg deg kïnãi kam þebogt.

²⁰ Balam oo Amalek na el terrta lon an: Amalek i kïdasa ku girrdegt kïdangdang Na ndø mad a nujïna kø.

²¹ Balam oo Keniag na el terrta lon an: Londi ngàng ngang tit kuj yel kïdø mbalt.

²² A nujïn Kenia'n non kø, Lon Asiri a aw sei þert.

²³ Balam el terrta lon an: Hai, nõ a ndï kï døn dõ lon Luwah ða titbe a?

²⁴ Toog a ðen ko Kitim, a dan kum Asiri kï Heber ndo, gog got a nujïnd kø.

²⁵ Kamla Balam þai aw, tel kï þe lon. Balak tø un ðob lon.