Dakɔr deg 22 - BIBLE MBAÏ 1980

Ta lo Þalaam

¹ Israel þai, aw hølondï kam dïlalot kï Moab gid bah Jurrdët kï sumba Jeriko sew.

² Þalak ngon Sipor oo nyag tube kï Israelag ðan kï Amoraig,

³ na deg kï Moab þoolïn ngãibe kïta deg'n non kïta in koosïg, ad kamd gang man kïta Israelag.

⁴ Moabiag elïn kïbog kï Madiã anan: Koosï deg'n ðan a san nyag tube kï gugïn døjt tit'n mang a sa'n mu kïmbool kam ndøøt be. Titbe Þalak ngon Sipor in i ngar kï Moab kaglot'non

⁵ la ngombangkïlag ro Þalamt ngon Beorbet kï Petor ta baht kam døningt lo Amabiag kuna ela an: Oo deg teen ko Ejipt't taan døning pelpel na høn londï sumba nom sew.

⁶ Tajigla m'køi kad i ðe ndøl deg'n ðan adïm kïta în kï tøg tøimïn. Þoola, m'a m'teetd ðøø, na m'tuþad døningt, Kïtø m'ger de'n i njang døa a ne, i kï njangdø na de'n i ndøla a ne, i kïndøl ho.

⁷ Kïbog lo Moabiag kï kïbog lo Madiãg awïn kï nar ndõtee jidt, teen ro Þalaamt, elïna ta lo Balak.

⁸ Balam turd an: I ton la ndø la'n ðan, na m'a m'tursï ta'n Bïraþe a elïm. Kïbog lo Moab þin ro Balamt.

⁹ Luwah ðe ro Balamt ela an: Deg'n þin roit nõ ye, în deg kïtitbãi a?

¹⁰ Balam tur Luwah an: Balak ngon Sipor, ngar kï Moabt la lad kï romt kad elïmin anan:

¹¹ Oo deg'n ðan teen ko Ejipt't taan døning pelpel. I ðe ndøld, maja m'a m'asï ðøød m'tuþad.

¹² Luwah el Balam an: A aw nat kï deg'n ðan al bat, a i ndøl deg kïnu nõ al ho kïta în kïnjangdø.

¹³ Balam þai kïsî el kïbog lo Balak an: I telïn kïdøningt losï gog kïta Bïraþe ndig kad m'aw nat sesï al.

¹⁴ Mbaiþeg lo Moab þai telïn kï ro Balakt gog, elïna anan: Balam mbet ðe sej.

¹⁵ Balak la mbaiþe madg gog þaitø kï kørd toi ngekïkete na în deg kï deg øsïn gond tøi ngékïkete ho.

¹⁶ Teen ro Balamt elïna anan: Titbe kel Balak ngon Sipor. Ot kad nya mad øgi ðob ðe romt

¹⁷ kïta m'a m'ad i ngah køsïgon ngãibe, na m'a m'ða nya kïðen'n i elïm. M'køi kï i ðe i ndøl deg'n ðan adïm.

¹⁸ Balam turta ngekïlag lo Balak an: Ke Balak a adïm kuj lon kï ðoosï kï nar arjã kï ør kaa ne, m'asï ða nya mad kïtë ke kïbo m'tøin dø ta lo Bïraþe Luwah lom al.

¹⁹ Tajigla m'køsï kad i ton nëbe ndø la kad m'ger ta'n Bïraþe a elïm þaitø.

²⁰ Luwah ðe ro Balamt ndø ela an: Îla deg'n ndïn ðe kunin a ne, i þai aw nat sed, na nya'n m'a m'eli nõ tã la a i ða.

²¹ Loti kïsî Balam þai dõ, nda sird gid korrot lon, na aw nat kï mbaiþeg lo Moab.

²² Wong lo Luwah kïtalsøkïrr þai kïta kawïn aw sed, na malaika lo Bïraþe ða ðobo kïta kuta ta ðob. Balam i dø korrot lon, na ngékïlaþerg loa joo in nat sia.

²³ Korro oo malaika lo Bïraþe'n ða dø ðobt, ørr kiyaðøø jint. Korro tø, nya ðob na ud mut. Balam nda korro kï n'tel sia kï ðobo.

²⁴ Kamla malaika lo Bïraþe duba dø ðobt mbïna ndøø nduugt, ndogbørr ða køtko joo.

²⁵ Korro oo malaika lo Bïraþe, na ire ron kad børrt ad børr ui nja Balam. Balam nda korro þaitø.

²⁶ Malaika lo Bïraþe tøi kïkete duba lot mad kï mbëgrë be, lo tøi kokõ ke ko gel goto.

²⁷ Korro oo malaika lo Bïraþe, na so kïber girr Balamt. Wong tøl Balam søkïr ad nda korro kï kagtøsï lon.

²⁸ Kamla Bïraþe tee ta korro ad elta Balam an: M'ða ði sei hã i ndamïn nja mïta titbe a?

²⁹ Balam el korro an: Kïtø i þood sem. Ni kiya i jimt a ne, m'a m'tøli tajigla.

³⁰ Korro el Balam an: Mî korro loi i ndï alïm kï kaglo tube mbã þone ale? Kete m'ða sei titbe a? Balam tura an: A a.

³¹ Kamla Bïraþe tee kum Balam ada oo malaika lo Bïraþe'n ða dø ðobt, ørr kiya ðøø jint, na Balam la døn ber, so kïta kumïn.

³² Malaika lo Bïraþe ela an: Kïtøði i ndan korro loi nja mïta titbe a? Mî la m'ðe kïta kuti ta ðob ye, kïta i un ðob nujkø kï to nomt.

³³ Korro oom, na tø ud mut nja mïta nomt. Ni tø ðob nomt al a ne, ni m'tøli kø, na m'nyàa kumkajir.

³⁴ Balam el malaika lo Bïraþe an: M'ða majal kïta m'ger kad i ða ðobo nomt al. Tajigla îla m'ða nya kï neli al a ne, m'a m'tel m'aw þe gog.

³⁵ Malaika lo Bïraþe el Balam an: Aw kï deg'n ðan na, a elta'n m'a m'eli nõ tã. Balam aw nat kï mbaiþeg lo Balak.

³⁶ Lon Balak oo høi Balam kad ðe oi ye, aw kï n'la taa ad aw mbã kï þebot lo Moab'n i ta bah Arnõnt døboi ðobnin døningt.

³⁷ Balak el Balam an: M'la ngombangkïlag roit kad kunïn ale? Kïtøði i ðe romt al a? Oo a an m'asï ða kadi køsïgon al e?

³⁸ Balam el Balak an: Oo, m'ðe roit; Tajigla'n m'ðe roit oi ye, m'asï keli ta mad kïðang al. Na ta'n m'a m'eltaa a i ta'n Luwah nda tamt kad m'eli tã.

³⁹ Balam aw nat kï Balak na teen Kirjat Husot.

⁴⁰ Balak la kadkari mangg kï batg, na lan kï ro Balamt kï mbaiþeg'n în nat sia.

Balam njang dø Israel

⁴¹ Loti kïsî Balak un Balam aw sia Bamot Baal, ko nu la Balam oo nusï londï Israelag.