Dakɔr deg 19 - BIBLE MBAÏ 1980

Ta dø tugo nyagt kïyerr

¹ Bïraþe elta kï Moij kï Aarõ an:

² 'Nten la i ta lo mberkïnda'n Bïraþe nda mbera an: Elta kï Israelag kad ðen kï mand mang kïkïre kïkanj dø, kï nya mad ðaa al în un jug al þaitø.

³ A adïn Eleajar ngejanyamosï, kad ørra tee sia tïga gid londït ad deg tølïna nõat.

⁴ Eleajar ngejanyamosï a ød mosï mang kï ngon jin, tud nja tanãimïta nõ kujkub ndødnat.

⁵ De mad a lahorr dã mang takumat na a lan horr ndara kï dãa kï mosa nat kï kîa.

⁶ Ngejanyamosï a un kag sedïr kï døji kag hysop, kï kïlla kïre üd kam horrt'n ndï õ dã mang.

⁷ Kamla ngejanyamosï a tugo kub lon, a ndog man, got gog a tel and kam londït gog na a i kïyerr mbã lokïsøle.

⁸ De kï ngelahorr dã mang'n non a tugo kub lon, a ndog man na a i kïyerr mbã lokïsøle.

⁹ De kïkar mad a øi burhorr mang, a ü kø gid londït kam lot mad kïkar nyang tø. A ngomïn buhorr kïta ngékawna lo Israel kïta man karro dø majalt. I kïta kar ro dø majalt.

¹⁰ De kï ngekøi buhorr mang'n non a tugo kub lon, a i kïyerr mbã lokïsøle. 'Nten i mberkïnda kï tokïnõ kïta Israelag kï kïta mbah'n hølondït kudt.

¹¹ De'n ød nin de mad a ne, a i kïyerr ndø tanãimïta.

¹² A ar ron kï man'n non kam ndøt kïkõmïta kï kïkõtanãimïta, na a i kïkar, na îla ar ron ndøt kïkõmïta kï kïkõtanãimïta al a ne, a i kï kar al.

¹³ De'n ød nin mad, ad i dãro de kïkoi, na ar ron al a ne, yerr kï kujkub londï lo Bïraþe. De'n non a ørrïna kø ku Israelagt kïta tudïn man kar ro dø majalt døat al. I kïyerr, yerr loa i døat þaitø.

¹⁴ Mberkïnda mad laten: Lon de mad oi kam kujkubt, de'n a and kam kujkubt nõ, kï de'n i kamt, a i kïyerr ndø tanãimïta.

¹⁵ Jo kïðen'n nya kut taa i kï døø al a ne, a i kïyerr.

¹⁶ Dekïðen'n ød nin de'n tølïna kï nyakat kam mut, ke ød nin de, ke ød kïnga de, ke døþada a ne, a i kïyerr ndø tanãimïta.

¹⁷ Kïtø kar de kïyerr ye, a ødïn buhorr dã kadkari kïtø majal kïða, ün kam jot, ødïn man kïnü, mbelïn døt.

¹⁸ De mad kïkar a un mbi kag hysop, la kam mant, na a tud dø kujkubt kï nyag kïkamt tube. A tud dø degt kï ndïn loat'n non, kï dø det'n ød kïnga, ke ød de'n tølïna, ke nin, ke døþad.

¹⁹ De kïkar a tud man'n non dø det kï ar al kam ndøt kïkõmïta kï kïkõtanãimïta, na titbe ndø kïkõtanãimïta a tela kïkar. A tugo kub lon, a ndog man na lokïsøle a i kïkar nyang.

²⁰ De'n i kï kar al, na ar ron al tø a ne, a ørrïna kø ku ngékawnat na þeta yerr kï lo kïjaþat lo Bïraþe. Man kar ro dø majalt i kïtud døat al, i kïyerr.

²¹ 'Nten a i mberkïnda kï tokïnõ kïtad. De kï ngetud man kar ro dø majalt'n non a tugo kub lon na de'n a ød man kar ro dø majalt'n non a ne, a i kïyerr mbã lokïsøle.

²² Nya kïðen'n de kï kar al'n non ød a ne, a i kïyerr ho, na de'n ød nya nõ a i kïyerr mbã lokïsøle.