Dakɔr deg 13 - BIBLE MBAÏ 1980

Ngéndalog awïn Kanaa

¹ Bïraþe el Moij an:

² I la kï ngéndalog kad oon døning Kanaa în m'ad Israelag. A i la de kïða ku girrkooj bøwdt kïðen na dekïðen kudt i mbaiþe,

³ Ko dïlalot kï Parã Moij la deg kïgo mberkïnda lo Bïraþe, na deg'n non tube'n bïradøg lo Israelag.

⁴ Tød laten: Ko girr Rubë, Samua ngon Jakur,

⁵ Ko girr Simeõ, Sapat ngon Hori

⁶ Ko girr Juda, Kaleb ngon Jepune,

⁷ Ko girr Isakar, Jigal ngon Jojep,

⁸ Ko girr Epraim, Hosee ngon Nun,

⁹ Ko girr Benjamin, Palti ngon Rapu,

¹⁰ Ko girr Jabulõ, Gadel ngon Sodi,

¹¹ Ko girr Jojep, ad i ko girr Manase, Gad'd ngon Susi,

¹² Ko girr Dan, Amiel ngon Gemali,

¹³ Ko girr Aser, Setur ngon Mikael,

¹⁴ Ko girr Neptali, Naki ngon Bopsi,

¹⁵ a Ko girr Gad, Gewel ngon Makï.

¹⁶ Îgïn non la în tø deg'n Moij lad kad ndan mãi, lo kï døningt, Moij mbel tø Hosee ngon Nun, ndah Jojue.

¹⁷ Moij lad kad ndan mãi døning Kanaa, eld an: Awïn, þan tasï ko jikõt, awïn kam døning mbalt

¹⁸ kad oon ke døning'n non to titbãi, ngendït în deg kïngang ke tøgd goto, în koosïg a ke în tëbe a?

¹⁹ A i oon døning'n ndïnt, i kïmaj ke kïmajal, þebog în ndïnt în kari, ke în þebog kïngang,

²⁰ døning i kïmaj ke kïmaial, kagg ðant ke gotont Iren kamsï njirir, i ðen kï kand kag kï døningt'n non. I kaglo mbuj kand nduu kïdasa,

²¹ Awïn na ndan mãi lo gugïn dø døning'n non, mbã girra dø dïlalot kï Sin mbã Rehob dø ðob kaw Hamat.

²² Awïn ko jikõ, na teen Hebrõ lot'n Ahiman, Sesai kï Talmai, ngan Anak ndïnt, (Ndan Hebrõ bal tanãimïta kete nõ Soan kï døning Ejipt't)

²³ Teen hoollot kï Eskol na jan bïra ndu kïða ad deg lan kag tit ton ne, oin kand kag grenadie kï kand mbaiþood tø.

²⁴ Kunïn tø hoollo'n non Eskol kïta bïra ndu in Israelag jan tit.

²⁵ Telïn lo nda mãi døning go ndot kïdøsøø.

²⁶ Lon ten londït ye awïn ro Moijt kï Aarõ kï ngékawna lo Israel tube Kades kam dïlalot kï Parã, ørrïn hoi nyag adïn ngékawnatube, oojïnd kand nya kï døningt'n non tø.

²⁷ Ørrïn hoia Moij anan: Rota i døning'n mbà kï tej nüt na oo kanda laten,

²⁸ na ngendï døningt'n non în deg kïngang, þebog lod ðan ndogbørr kïngang gugïn ne dø, în kïbobo, j'oo Anakiag nu tø ho.

²⁹ Amalekag ndïn døningt nõ ko jikõ, Hetiag kï Jebusiag kï Amoriag ndïn døning mbalt na Kanaaiag ndïn kad bahbot kï kad bah Jurrdë.

³⁰ Kaleb ad deg ngenyurta do Moijt nyan tad, el an: Ad j'awïn kï taan døning'n non, jî j'a kï tetðøø.

³¹ Na deg in, n'awïn nat sia elïn anan: Jî, j'asï ðøø kï deg'n non al kïta în kïtag tøijïn.

³² Deg'n non ørrïn hoita kïmajal dø døning'n ndan mãia nõ Israelagt anan: Døning în kï ndian kamt kad kï nda mãi, a i døning'n tø koh deg ngendït. Deg tube'n j'oid în deg kïngal,

³³ j'oo sikïm deg, Anakiag, girrkooj sikïm deg, j'asï nya mad al, kïta j'oo roj tit kï betg be nõdt, ko rodt taa ne oojïn, titbe tø.