Mark 9 - BIBLE MBAÏ 1980

¹ Jeju eld tø an: Rota m'ndï melsï kï tïga wakïsï, kïmadg ku îgt'n ndïn la ye, a oin al mbã kad oon kõþe lo Luwah kamtã, kõþe lo Luwah'n ndï ðe kï tøg.

Pierr, Jak, kï Jã oon Jeju kam kunjt kïðangereng

² Go ndøt kïkïbojidet Jeju un Pierr kï Jak, kï Jã nat sen, aw sed dø mbalt kï ngal puwuwu. Nõbe, i nat kï ngéndoog lon koon. Takumdt roa tel kïðang.

³ Kubg loa ndulon nyüt nyüt, ndaan ngung kï tøi takøl. De kï døningt kï asï ða kub kad nda titbe goto.

⁴ Ngéndoog lo Jeju kï mïta'n non oon Eli kï Moij, teen høi ða dan ta kï Jeju.

⁵ Pierr un tan elïn Jeju an: Ngej, i nya kïmaj kad kï ndï nëbe. Ad kï ða kuj mïta kïkïða kïtatøi, kïmad kïta Moij kïmad tø kïta Eli.

⁶ Kïtø Pierr ger nya'n ndï el al, þool tøla søkïrr nat kï ndeg ngéndoog.

⁷ Kilndii ðe ut død mbukï. Ndi ta mad tee ko kam kilndiit nõ el an: În ðan, i ngonïm kï ngetar lom, i nelïn mbisï oon ne dø ta loa.

⁸ Na ngéndoog loa nulïn lo gugïn død, na oon de mad kïðang al na Jeju kïkïðanbe la i sed ye.

⁹ Na lon ndï ðisïn dø mbalt ye, Jeju ndad mber kï tøgïn kad elïn de mad nyan oon kï kumd nõ al, mbã kad Ngon de þai ku ngékoit tã.

¹⁰ Ngéndoog loa høn ta 'nten sem kamdt, na kudt în kïþeg ndïjen na ta anan: Þai lo koit ye, kama i ði a?

¹¹ Kamla ndïjen Jeju anan: Kïtøði ngéndang maktubg elïn anan kete tã kad Krist ðe ye, ngekelta kï ta Luwaht Eli a ðe kamtã.

¹² Jeju eld an: Ðuba, Eli a ðe kete kad ðago nyag tube ad asïna kamtã. Na kïtøði ndangïn kam maktubt kïjaþat da ne dø Ngon de'n þet a ngah kõ ngãi, deg a oona nyat mad al tø a?

¹³ Na m'ndï m'elsï; Eli ðe woi, na deg ðan sia nya kï kamd ndig, tit'n ndangïn ne kam maktubt kïjaþat dan ne døa.

Jeju yoot ngon'n ndil kïyerr i kamat øga kelta

¹⁴ Lon tel ðen ro ngéndoogt'n nyand gog ye, oon bakad koosïdeg gugïn død. Na juipg kï ngéndang maktub ða majïn na ta ngãi sed ngéndoog lo Jeju.

¹⁵ Na lon bakad koosïdeg oon Jeju ye, ta yaad biw. Tajigt deg ãin ngød lan taa, ðana lapia.

¹⁶ Jeju ndïje ngéndoog lon an. I ða i majïn na ta dø ðit a?

¹⁷ De mad ku koosïdegt tur an: Ngendooj, m'ðe kï ngonïm kïdïngã, ndil kïmajal i kamat, døø ngangãa ða, øga dø kelta.

¹⁸ Lokïðen awt a ne, ndil kïyerr'n non a kïla laa þap; ad taa þa hulum njukï njukï, ngoor ngang'n mormor, roa ngang kongkong. M'ndïje ngéndoog loi kad ørrïn ndil kïyerr'n non kamat kø, na asïn kør al.

¹⁹ Jeju eld an: În ngékadkamsï Luwah al, kaglo asï bãi þet m'am ndï nat sesï a? Kaglo bãi hã m'am ndïdøt sesï a? I ðen kï ngon'n non so adïn m'ooa.

²⁰ Ðe'n kï ngon'n non roat. Lon ndil kïmajal oo Jeju ye, tur ngon murmur kï tøgïn, ad so ber ndurr gundigundi, na hulum taa þa njukï njukï.

²¹ Jeju ndïje bøw ngon an: Kaglo asï bãi hã nya 'nten ðan nya a? Bøw ngon tura an: Lon în ngon kïðoi þaitø.

²² Ndil kïyerr'n non kï njanatbe a øsï laa kam horrt, ke kam mant kad oi kø. Îla asï ða nya mad a ne, oo kumtondo loj na i ða sej.

²³ Jeju tura an: Kïtøði i elïn an: Îla asï a ne. Nyag tube i root ro det kï ngekadkamïn Luwah.

²⁴ Na, bøw ngon kø kï nõ kumïnt an: M'adkam Bïraþe, i ða sem, na kïta kadkam lom la i tëbe ye.

²⁵ Na lon Jeju oo bakad koosïdeg ndï ðen kï døat kï ngød ye, ndáng ndil kïmajal kï tøgïn, ela an: î ndil kï ngekøg de kelta ho, i ngekøg koo dø ta tø ho ye, m'eli kad i tee kam ngont kø. Ot kand kamat gog.

²⁶ Ndil'n non þa ko bang, tur ngon murmur kï tøgïn, kamla nda lo tee kamat. Ngon to tit oi be, ad koosïdeg elïn anan: Oi.

²⁷ Na Jeju hø ji ngon, unan kï dõ, ad ngon þai ða dõ.

²⁸ Lon Jeju tel and kuju ye, i sed ngéndoog lon koon, ngéndoog loa ndïjena anan: Kïtøði jî j'asï tuþa ndil kïmajal'n non al a?

²⁹ Jeju turd an: Ndil kï tit'n non a asï tee kam det kïtakul kelta kï Luwah tã.

Jeju elta dø koint kï þain lo koit gog tø

³⁰ Þain lot'n non, awïn ndan døning Galile gangïn. Na Jeju ndig kad de mad ger al.

³¹ El ngéndoog lon an: A lan Ngon de ji madngétaagt, a tølïna, go ndøgt kïmïta a þai lo koit.

³² Na ngéndoog loa gerïn girr ta'n non al ad þoolïn kad'n ndïjena ta døt.

Nõ i kïbo tøi a?

³³ Ðe teen Kapernawumt. Lon ndïn kam kujt ye, Jeju ndïje ngéndoog lon an: Lon în dø ðobt ye, ði a i majïn na ta døt a?

³⁴ Na ngéndoog loa, ndin tad mbo kïta majïn na ta kudt kï n'oon ke nõ i kïbo tøi a?

³⁵ Kamla Jeju ndï ber, kun ngombangkïlag lon kïkïlah gidaijoo eld an: Îla de mad ndig kad nî kïbo tøi a ne, maj kad i ngekut go deg ho, ngeðakïla kad deg tube ho.

³⁶ Taa ne, un ngon kïdu ndaa dandt, høa kï ront, na eld an:

³⁷ De'n ndï hø ngon kïdu kïðen kï ront kïtakul tar'n tarïm a ne, i mî kïþe la ndï høm kï ront ye, na de'n ndï høm kï ront a ne, i mî hã ndï høm kï ront al, na ndï hø în hã lam.

De'n ndoorj al ye, i nat sej

³⁸ Jã el Jeju an: Ngendooj. J'oo de mad ða tuþa ndilg kïmajal kam tøit. Kï ndig kad j'øga dø kïta i nat sej al.

³⁹ Jeju ela an: Ot køgïna dø kïta de'n ndï ða kïlag kï yaya kam tømt ye, asï kelta kïmajal dømt kanangbe al.

⁴⁰ Na de'n ndoorj al a ne, dea nõ i sej.

⁴¹ Rota m'ndï m'elsï kï tïga wakïsï: Îla de mad adsï mankãi kïlat kam tømt kïta în kï lo Krist a ne, dea nõ a nal nyabaji al bat.

Oon go rosï maj. Ot ðan majal

⁴² Na dekïðen ndï ga ngan kï dug, ngékadïmkamd'n ðan gigt, ad soon kam majalt a ne, i soot kad lan mbal kusï nya kïbobe køat lana ne kam bahbokat't.

⁴³ Îla jii ko kõi øsï kad i ða majal a ne, i ganga kø; i soot kad and kam kumkajirt kï jeje kï jii kï gind, tøi kad kï jii joo aw kam jahanamat ad i horr kï dum tøl.

⁴⁴ I lon kïdeg a oint al bat, horra i kï dum tøl.

⁴⁵ Îla njai tel nyagai gigt kad i so kam majalt a ne, i ganga i la kø; i soot kad and kam kumkajirt moot, tøi kad lain kï njai kïjoo kam jahanamat.

⁴⁶ Lot'n kïdeg a oin tit al bat, na horra i kï dum tøl tø.

⁴⁷ Îla kumi tel nya gai gigt tø a ne, i ørra i la kø sãi; i soot kad i and kam kõþet lo Luwah kï kumi kïða tøi kad lain kï kumi kïjoo kam horr jahanamat.

⁴⁸ Kïtø i lo kï kïdeg a oin tit al bat, horra i kï dum tøl.

⁴⁹ Kïtø dekïðen a telïna kïjaþat't kï horr, tit'n a gan ne kat dø nyajamosïkadkarit nõ be.

⁵⁰ Kat i nya kïmaj, na îla mïrã kat goto a ne, ndaa i ði a? Kï i ndïn kï kat kam rosït, i ndïn kï kamkïsokïber dø nat.