Mark 16 - BIBLE MBAÏ 1980

Jeju þai lo koit

¹ Lon ndø taakò tøi woi ye, Mari kï Magdala, Mari kï kõ Jak kï Salome ndugon nyag kï kootmbî kad'n ndomïn nîn Jeju.

² Ndø kïdasabang lo ndø kï kõ tanãimïta, kïsî ritit, dekïdëg'n non tee awïn døþadt lon kàd ndï þan.

³ Ndïjen na ta anan: Nõ a ndubir mbal'n utïn ne døþad adj a?

⁴ Na lon dekïdëg unïn kumd kï dõ ye, oon kad mbal kïbobe'n non i kï ndubir kete woi.

⁵ Andïn þe nînt, oon ngon kï basa mad ndï ber ko jikõt, kub kï roat nda ngung. Ad kam dekïdëg gang man.

⁶ Na basan'n non eld an: Ot kadïn kamsï gang man. Îla i ða i sahn Jeju kï Najaret'n hã gana dø kagdosït a ne; þai lo koit, oon lon lanat, goto nëbe.

⁷ Awïn tajigla elïn ngéndoog loa kï Pierr ho: Jeju ndï aw døning Galilet kete nõsït, nu la a oonat ye, tit'n elsïn.

⁸ Dekïdëg teen þenint, kï ngød, sun lui, kïta þool tøld søkïrr, ad rod ndad yat't, asï kelïn ta kï deg'n ndødïnd dø ðobt al.

Jeju tee høi kï ro Mari kï Magdalat

⁹ Go nyagt'n non ye, ndøt kïdasabang, kïsî ritit lon Jeju þain lo koit ye, tee høi kï ro Mari kï Magdala kan Jeju ørr ndilg kïyerr tanãimïta kamat kø kete nõ.

¹⁰ Maði aw, ørr hoita ye ngéndoog lo Jeju. Na ngéndoog loa ðan kamkil ngãi ho, non ho.

¹¹ Na lon oon Mari eld an: Jeju ndï kï døn dõ, m'ooa kï kum, ngéndoog loa taan tan eld nõ al.

Jeju tee høi kï ro ngéndoogt lon joo

¹² Go nyagt 'nten, ngéndoog lo Jeju joo a ndian dø ðobt ndï awïn kï kam ndøøt. Jeju un ro kï tadang teen høi kï rodt.

¹³ Ngendoog kïjoo'n non tel a elïn ngéndoo madg, na taan ta lod al.

Jeju tee høi kï ro ngéndoogt lon kïkïlah gidaikïða

¹⁴ Got gog þaitø, Jeju tee høi kï ro ngombangkïlagt kïkïlah gidaikïða lon ndïn ne ta nyasat. Køl sed an: I taa'n hoita þaim lo koit al ho, i adïn kamsï kongkong tø ho, kïta i ndigïn koo dø ta lo deg'n oomïn kï kumd lo þaim lo koit al.

¹⁵ Kamla Jeju eld an: Awïn kï døningt kï log tube, i lan mber Hoita Kïmaj adïn deg tube oon.

¹⁶ De'n taa ta lom a ne, i ðana baptem, de'n non a ngah kaj. Na de'n taa ta lom al a ne, takïgang i døat.

¹⁷ Na nyag 'nten la, deg kï ngétaata lom a øjïn ne tøg Luwah kï tïga wakïsï ye, kam tømt a tuþan ndil kïmajalg, a elïn ta kï taþe kïdangdang.

¹⁸ A høn lig kï jid, na lig a dond al bat, a ãin man nya mad kï tøl de, na a tøld al bat, a ndan jid dø ngérotogt, ad ngahn lapia kï kørr njereng.

Jeju aw dõ dørãt gog

¹⁹ Got'n Bïraþe elta'n non ye, unïn na kï kam dørãt, ad ndï dø jikõ Luwaht.

²⁰ Ngéndoog lo Jeju aw lan mber Hoita Kïmaj kï log tube; Bïraþe ða kïla nat sed, ad'd tøg, ad ðan ne nyakøjg kï yaya son go tat'n ngéndoog lan mbera, ad i ta kï rota.