Ester 9 - BIBLE MBAÏ 1980

Juipg tølïn madngétadg

¹ Nah kï kõkïlah gidaijoo, ad i nah Adar, kï ndø kï kõkïlah gidaimïta, ndø'n non nãi nderrbe kad tølïn kon mberkïnda lo ngar. Ndøt'n non madngéta Juipg ndan kamdt kad n'a n'tetïn ðøø, na tel ngan kodang ad Juipg tetïn ðøø ngéndorrdg.

² Juipg kawïn na kam þebogt lod kï nusï døninggt tube lo ngar Asuerus kad ndan jid dø degt kï ngesah nujdt. De kï asï taa ðøø Juipg goto kïta þoolïn Juipg ngãi.

³ Mbaiþeg kï nusï døninggt, kï Prepeg, kï ngékõþeg, kï ngeðakïlag lo ngar dîn Juipg kïta þoolïn Mardoke ngãi,

⁴ kïta Mardoke tel de kïbo kam kujt lo ngar ad tøa ko ørr go nusï døningg tube na tøg Mardoke aw kïkete kete.

⁵ Juipg tølïn madngétadg tube kï kiyaðøø, ðand ad oin tube ðan nya kï kamd ndig kï ngékøsïdta.

⁶ Kam þebot kï Sus Juipg tølïn deg asï þumi,

⁷ Parsandata, kï Dalpon kï Aspata,

⁸ kï Porata kï Adalia, kï Aridata,

⁹ kï Parmasta, kï Arisai, kï Aridai kï Bajejata,

¹⁰ ngan Haman kïdïngã kïkïlah, ngon Hamedata madngeta Juipg na tølïnd, tirïn nyag lod pur al.

¹¹ Ndøt'n non ðen ro ngart kï kør deg'n tølïnd kam þebot kï Sus.

¹² Ngar el Ester ngar kïdë an: Kam þebot kï Sus Juipg tølïn deg asï þumi nat kï ngan Haman kïdïngã kïkïlah. Titbe tø tølïn deg kam ndeg nusï døninggt lo ngar? Tajigla nyakø loi i ði a? Nya'n i kø a ne, a adin. Nya ndïje loi kïðang i ði a? A i ngah.

¹³ Ester tur an: Îla ngar oo maj a ne, nya ad Juipg'n ndïn Sus ðan kïgo mberkïndat þone na ad gan nin ngan Haman kïdïngã kïkïlah dõ dø kagt loti.

¹⁴ Ngar ndamber kï ðan titbe na lan mber taa kam Sust, gan nin ngan Haman kïkïlah dõ.

¹⁵ Juipg ngendï Suset kawïn'na gog kï ndø kïkïlah gidaisøø lo nah Adar, tølïn deg þumïta kam Sust na tirïn nyag lod pur al.

¹⁶ Ndeg Juipg'n ndïn kam nusï døninggt lo ngar kawïn'na kïta ðøø dø rodt, ngahn taakò ji madngétadgt, na tølïn deg asï dub døtanãimïta gidaimi ku ngéndoordgt na tirïn nyag lod pur al.

¹⁷ Nyag 'nten ðan nya kï ndø kïkïlah gidaimïta lo nah Adar. Juipg taan kó kï ndø kïkïlah gidaisøø ad ndø'n non tel ndø mburnam kï ronel.

¹⁸ Na Juipg'n ndïn þebot kï Sus kawïn na dø ndøt kïkïlah gidaimïta kï ndø kïkïlah gidaisøø lo nah'n non, taan kó kï ndø kïkïlah gidaimi ad telïna ndø mburnam kï ronel.

¹⁹ Kïtø 'nten Juipg ngendï kam ngan þegt kï ndogbørr gotot ðan ndø kïkïlah gidaisøø lo nah Adar ad telïna ndø ronel kï mburnam, i ndø kïmaj na lan kï kadkarig adïn na.

Lan mber ða nah Purim.

²⁰ Mardoke ndang nyag 'nten lan maktub kï ro Juipgt tube'n ndïn kam nusï døninggt tube lo ngar Asuerus, ngendï nderrbe kï ngendï sãi tø.

²¹ Ndand mber kad ngomïn ndø kïkïlah gidaisøø kï ndø kïkïlah gidaimi lo nah Adar þal kï þal,

²² kïta ndøg'n non la Juipg ajïn ji madngétadgt ye. Kam naht'n non tø la kamkil lod tel ronel, ndo kï hø lod tel nya kïmaj. Ndan mber tø kad i ndø ða mburnam kï ronel kï lan kadkarig adïn na, na adïn nyag ngéndog.

²³ Juipg unïn kød kï n'ðan tit'n lan ne girra kïgo tat'n Mardoke ndàng ad'd.

²⁴ Kïtø Haman ngon Hamedata kï Agagia, madngeta Juipg tube, øj kad'n n'nujd ad i ya yuk døt, kïtakad n'tøldïn.

²⁵ Na lon ta'n non tee ro ngart, ngar ndàng maktub mberkïndag kad takøj lo Haman kïmajal'n øj ndoorïn Juipg tel so døat ad gana kagt, î kï nganïn.

²⁶ Kïtø 'nten la kunïn ne ndøg'n non Purim kïgo tø Purt, na kïta tag tube'n ndangïn kam maktubt kïgo nyagt'n oon dø tat 'nten na kïta nyag kï teen dødt

²⁷ Juipg ørrïn ndøg'n non ndan tadang kïtatød kï ngankad kï deg tube kï ndan rod nat sed kad ngomïn ndøg kïjoo'n non þal kï þal kï kaglo loa kïgo tat kïndang.

²⁸ Ndøg 'nten sumba kad gan døt na ngomïn go kï ngankat kï nganka ku girrnoojt kïðen kï nusï døningt kïðen kï þebot kïðen na ndø Purim 'nten kari na de a nyakø dan Juipgt al bat kad i nyagakamdøt kï ro ngankadt kïtakad ndøg'n non goton al.

²⁹ Kamla Ester ngar kïdë, ngon Abihail, kï Mardoke kï Juip tujoo ndàngïn kïgo tøgt kïtakad maktub kïkõjoo kï øj dø Purim to kïðubagt.

³⁰ Lan kï maktub kï ro Juipgt tube kam nusï døninggt kïþu kï døjoo gidaitanãimïta kam kõþet lo Asuerus, ndangïn ta kï ad deg kamkïsokïber kï nyaðakïro.

³¹ Ktøkad ngomïn ndø Purim kaglot loa tit'n Mardoke kï Juip kï Ester ngar kïdë ndan Juipg mber na tit'n în kïdød to unïn ta 'nten kïta rod na kïta ngakaad, ta dø køgro nyasa lod kï nõ lod.

³² Titbe la mberkïnda lo Ester kïta Purim to lo tont na ndangïn taa kam maktubt.