Ester 8 - BIBLE MBAÏ 1980

Kunkø kïmaj kïta juipg

¹ Ndøt'n non ngar Asuerus ad Ester ngar kïdë nyangah lo Haman madngeta Juipg. Mardoke ðe nõ ngart kïta Ester el ngar kad Mardoke i noojïn.

² Ngar ørr ngon ningaji lon'n taa ji Hamant ad Mardoke, na Ester nda Mardoke dø nyangahgt lo Haman.

³ Kamla Ester tel elta kï ngar gog þaitø na so kï njaat, køa kï nõ kumïnt kad tuj tag kïmajal lo Haman kï Agagia nõ kø kï køjtaðag loa kïdø Juipgt.

⁴ Ngar la kagkõþe kï nar l'ør kïdø Estert na Ester þai dõ ðà nõ ngart

⁵ ela an: Îla nel ngar na m'ngah maj takumat na îla nya 'nten i goðobat ro ngart, na mî nya kï nel takum ngart tø a ne, ad ndangïn maktub kad ørrïn ne ta lo Haman ngon Hamedata kï Agagia'n øj kad nujïn Juipg'n ndïn nusï døninggt tube lo ngar kø.

⁶ Kïtø titbãi m'a m'asï koo nya kïmajal'n ndï ðe dø girrdegt lom ke titbãi m'a m'asï koo noojïmg'n ndï nujïn kø a?

⁷ Ngar Asuerus el Ester ngar kïdë kï Mardoke kï Juip an: Oon, m'ad Ester nyangah lo Haman'n gana kagt kïta la jin ndoorïn Juipg.

⁸ Kïtø 'nten i ðan maktub kïta Juipg tit'n kamsï ndigïn, i ðan maktub'n non kï tø ngar døt, øsïn kase køsïdønya lo ngar døt kïta maktub kï ndangïn kï tø ngar døt, na øsïn kï kaset lo ngar, de a kørr kø al.

⁹ Ndøt'n non kunïn ngendang maktub lo ngar, kõ ndø kïdøjoo gidaimïta lo naht kïkõmïta, ad i nahsiban la ndangïn maktub kïgo tagt tube'n Mardoke nda mbera. Lan ne adïn Juipg kï Prepeg kï mbaiþeg kï ngékõþeg dø nusï døninggt, mbã girra døning. Inde mbã tee døning Etiopi, nusï døningg asï þu kï døjoo gidaitanãimïta. Ndangïn kïgo ðob ndang maktub lo nusï døning kïðen kï taþe lo girrdeg kïðen tø, na kï ro Juipgt kïgo ðob ndang maktub lod kï taþe lod.

¹⁰ Ðan maktub kï tø ngar Asuerus na øsïn kï kase køsdønya lo ngar. Lan maktub ji ngékawkïlagt kï awïn kï sïnda ndaig, kï korro rapaig, ngekãi ngød ngãi kïkooj kam lokulnyagt lo ngar.

¹¹ Kïtakul maktubg'n non la ngar nya'n ta ðob ad Juipg kï ndïn kam þebot kïðen kad kawïn na kïta ngom rod. Nya ta ðob ad'd tø kad nujïn deg'n tølïn deg, nat kï ngandg kï nëdg ad goton, kï tujïn tøg lo deg kï nusï døningt kïðen îgïn øin nyakatg kïta ðøøn sed na kï tirïn nyag lod pur.

¹² Kam ndøt kïkïðabe'n non la kï ðan nyag 'nten kam nusï døninggt tube lo ngar Asuerus, ad i ndø kïkïlah gidaimïta lo nah kïkïlah gidaijoo, ad i nah Adar.

¹³ Lan kï maktub'n non kïtakad lan ne mber kam nusï døningt kïðen, kï elïn girrdeg tube kad Juipg ðan rod woi kïta ndø'n non kïtakad ndan ngïra dø madngétadgt.

¹⁴ Ngékawkïlag alïn dø sïndag ndaigt, dø korro rapaigt lo ngar, awïn kïdõt kïgo tat lo ngar, na lan mber ta'n non kam þebot kï Sus tø.

Mardoke ngah køsïgon

¹⁵ Kamla Mardoke tee nõ ngart kï kubngar kïkil musïmusï kï kïnda ront kï jøg ngar kïbobe kïða kï l'ør kï kub lë kïsøllomlom kï kïkire worwor. Deg kï þebot kï Sus kon mbiting kï ronel.

¹⁶ Juipg ngahn ronel kïbo, ndïn kam majt kï tetðøø.

¹⁷ Kam nusï døningt kïðen kï þebo kïðen'n mberkïnda lo ngar kï ta loa teet a ne, Juipg ngahn ronel kïbo kï tetðøø, kï mburnam ndø ða naht. Ngãibe ku degt kïdøningt'n non telïn rod Juipgt kïta þoolïn Juipg ngãi.