Ester 7 - BIBLE MBAÏ 1980

Gan Haman dø kagt loa

¹ Ngar kï Haman awïn lo mburnamt kuju lo Ester ngar kïdë.

² Ndø kïkõjoo lon ndï ãin kasïnduu ye, ngar tel ndïje Ester gog an: Ester ngar kïdë, nya kï kami ndig i ði a? I ndïje na a adin nya'n non. I ge ði a? Ke nusï kõþe kaa a i ngah.

³ Ester ngar kïdë tur an: Oo ngar, îla m'ngah maj takumit na îla nel ngar a ne, kï nyam kumkajir kïgo køt lom na girrdeg lom tø kïgo ndïjet lom.

⁴ Kïtø ndugojïn kø, mî kï girrdeg lom kad nuj'jin kï tøljïn kad kï goto. Ni ndugojïn kø kad jin þer kïdïngãg kï kïdëg kaa ne, neni m'a m'ndï tam mbo, na nya'n a tî kø a i kïbo tøi nya'n madngeta a ad ngar.

⁵ Ngar Asuerus elta kï Ester ngar kïdë an: Dea i nõ a? De'n øj kamïnt kï n'ða nya kï titbe i ðah a?

⁶ Ester tur an: Ngendoorj kï madngetaj i de kïmajal Haman'n ndïn. Kamla þool tøl Haman søkïr nõ ngart, kï ngar kïdë.

⁷ Ngar þai ta mburnamt kï wong, aw kam ndøøt lon kï gug dø kuj kõþe, na Haman þai, ðe kø Ester ngar kïdë kad nyan kï dø dõ kïta Haman ger þet ngar nda kamïnt kïta ða sia majal.

⁸ Lon ngar tel kam ndøøt lon kï gug dø kuj kõþe, ðe lo mburnamt ye, oo Haman so dø tïrat'n Ester ndït na ngar el an: Ði kïbe, a i ða ngetøg dø ngart kïdët takummt kam kujt lom a? Lon ta 'nten ndï tee ta ngart þaitø ye, utïn takum Haman.

⁹ Harbona, kïkïða ku kùj dekïdïngãgt elta nõ ngart an: Oo nya mad þaitø, kag'n Haman ðago woi kïta Mardoke'n ta loa aj ngar, ða þe lo Haman nõ, ngala kï dõ i metïr døjoo gidaimi. Ngar el an: I gana døt.

¹⁰ Titbe la gan Haman dø kagt'n ða kïta Mardoke. Kamla ngar nya ta wong lon.