Ester 5 - BIBLE MBAÏ 1980

Ester ða mburnam kïta ngar kï Haman

¹ Ndø kïkõmïta Ester la kub ngar kïdë ront na aw ða natlot kïkeme kam kujt lo ngar sumba nan kï londï ngar sew. Ngar ndï dø pong ngart kam kujkõþet lon sumba nan kï tabi kand kam kujt sew.

² Lon ngar oo Ester ngar kïdë ða dõ nat lot ye, Ester ngah maj takumat na ngar la kagkõþe kï ða kï nar ør kï hø jint kïdøat. Ester ndøt nderrbe, ød ta kag kõþe.

³ Ngar ela an: I gee ði Ester ngar kïdë? I ndïje ði a? Ke neni i ndïje nusï kõþe kaa a adin.

⁴ Ester tur an: Îla ngar oo maj a ne, kï ngar ðe þone nat kï Haman lo mburnamt kï m'ða kïta ngar.

⁵ Kamla ngar el an: Adïn Haman ðe kanangbe kad kï ða nya'n Ester ndig. Titbe tø ngar kï Haman awïn lo mburnamt'n Ester ða.

⁶ Lon ndï ãin kasïnduu ye, ngar ndïje Ester an: Nya'n i ndig, a adin nya'n non. I ndig ði a? Ke i nusï kõþe kaa, a i ngah.

⁷ Ester tur an: Oo, nyakø lom kï nyandig lom laten:

⁸ Îla m'ngah maj takum ngart, na îla nel ngar kad adïm nyakø lom na tølkon ndig lom a ne, kï ngar ðe gog þaitø nat kï Haman lo mburnamt'n m'a m'ða m'ad'd na loti la m'a m'turta ngar tit'n elïn ye.

Haman ða kag kïta tøl Mardoke

⁹ Ndøt'n non Haman tee tïga kï ronel kï kamnda na lon oo Mardoke ta ndogt lo ngar þai dõ al, na roa ndad nõat al tø ye, wong ðoosï kama dø Mardoket.

¹⁰ Ke i titbe kaa ne Haman hø kamïn ngang, aw þe na la kïla go namïngt kï nën Jeres.

¹¹ Haman eld ta dø nyamajgt lon kïbobo, da kør nganïn kïdïngã kï nyag tube'n ngar ða sen kad'n telïn kïbo, kï ðob'n ngar tøia'n ad tel kïbo dø mbaiþegt kï þerg lo ngar.

¹² Haman el tø an: Rota, mî kïkïðambe la Ester ngar kïdë kunïm kad m'aw nat kï ngar lo mburnamt'n ða, na tel kunïm þaitø nat kï ngar þe lon loti.

¹³ Na nyag'n non tube ðan sem nya mad al bat lon m'ndï m'oo Mardoke kï Juip'n non ta ndogt lo ngar.

¹⁴ Kamla nëa Jeres kï namag tube elïna anan: Ad ðan kag kï ngala kïdõ i metïr døjoo gidaimi na loti kïsî, i el ngar kad gan Mardoke døt. Ta ne, aw kï ronel lo mburnamt nat kï ngar ye. Ta 'nten nel Haman ad udïn kag'n non.