Ester 4 - BIBLE MBAÏ 1980

Mardoke kï Ester sahn kaj Juipg

¹ Lon Mardoke oo nyag tube'n ðan ye, hø kub lon til, na la kub høndo, øi buhorr kï dønt, ndia kam þet, ko kï ndïn kïbo, na nõ, nõ kïtïngabil.

² Aw mbã tee ta ndogt lo ngar kïta øgïn kad de and kam ndogt lo ngar kï kub høndo ront.

³ Kam døningt kïðen ke lo kïðen'n ndikun lo ngar kï ta loa teet ye, Juipg ngãibe høn ndo. Øgïn rod nyasa kamla nõn, gan gud na ngãibe kudt ton kï kub høndo rodt dø buhorr tø.

⁴ Þerg kïdë kï kùj dekïdïngãg lo Ester ðe ørrïna hoia, na ro ngar kïdë oi siw. La kï kub ad Mardoke kad ørrïn kub høndo kø ront, na Mardoke mbet.

⁵ Kamla Ester kun Hatak kïkïða ku kùj dekïdïngãgt lo ngar'n ndad kad ðan kï Ester na laa kï aw ro Mardoket kad oo ke i ði ða nya kamtã Mardoke ðan nya kïtitbe a?

⁶ Hatak tee tïga ro Mardoket natlo kïbo kï þebot ta ndogt lo ngar.

⁷ Mardoke ørra hoi nyag tube kï ðan sen na øja kør nar'n Haman un køn kad'n nü kam kuj ngom nyamajgt lo ngar kad n'tølïn Juipg.

⁸ Mardoke ad Hatak maktub ndikun lo ngar'n lan mber kam Sust kïta kad'n tølïn Juipg. Hatak øj Ester na ørra girra. Kamla ndamber Ester kad aw ro ngart, hø njaa, køa kïta girrdeg lon.

⁹ Hatak tel kï ro Estert ela ta lo Mardoke.

¹⁰ Ester elta kï Hatak kad el Mardoke an:

¹¹ Ngékïlaþerg tube lo ngar kï deg kï nusï døninggt lo ngar gerïn kad, dekïdïngã ke dekïdë kï aw ro ngart natþet kïkeme kanj kad ngar kuna a ne, mberkïnda i kïðabe, a tølïna koon. De'n ngar a la kag kõþe kï ða kï nar ør kïdøat koon la de'n non a aj ye. Na oo, asï ndø dømïta la ngar kunïm kïront al.

¹² Elïn Mardoke ta lo Ester.

¹³ Mardoke turta kad elïn Ester anan: Ot koo kan î kïkïðaibe a aj ku Juipgt tube, kïta î kam kujt lo ngar,

¹⁴ kïta îla i ndï goi mbo tajigla ad Ngeðased kï Ngekugkørd teen kï ta ðob kïðang kïta Juipg a ne, î kï ngékïþe lo bøwi a i nujïn. Nõ ger kad i tel në ngar kïta kaglo kï titbe a?

¹⁵ Kamla Ester la el Mardoke an:

¹⁶ Aw i kaw Juipg tube kï ndïn Sus kïnat na øgïn rosï nyasa kïtatøm. Ot san nya ke ãin nya ndø ho kàda ho mbã ndø mïta. Mî kï þerg lom kïdë j'a j'øg roj nyasa titïn i ðan be ho, ta ne m'a m'aw ro ngart ke i kïgo mberkïndat al, îla sumba koi a ne, m'a ka m'oi.

¹⁷ Mardoke aw na ða nyag tube'n Ester ndaa mbera.