Deteronom 9 - BIBLE MBAÏ 1980

Israel a ga kaglo kïgog

¹ Oo dø, Israel, þone a i gang bah Jurrdë kad i ta lo lo girrdeg kïbobo kï tøgd tøii kï þebog kïngang kï ndogbørrag ngalïn puwuw.

² Deg kïbobo kï kïngalg, in ngaka Anakiag, îgïn i gerd, îgïn elïn ta lod anan: Nõ asï ðà nõ Anakiagt a?

³ Maj kad i ger þone, Bïraþe Luwah loi'n a ndia nõit i horr kï ngekõ mugj, îla a nujd, a la død girr tøgit, a i tuþad, a i nujd kanangbe tit'n Bïraþe unïn køn adi.

⁴ Lon Bïraþe Luwah loi a tuþad kø nõit a ne, ot kel kamit kan: Kïtø nyaðam kïdenesew la Bïraþe andïn sem døning kõndubat ye. Kïtø i kïtø majal lo girrdeg kïdangdang'n non la Bïraþe tuþadïn kø nõit.

⁵ I kïta nyaðai kïdenesew ke nyaða kïgoðobat hã andïn kam døningt lod al, na i kïtø majal kï ða lo girrdeg'n non la Bïraþe Luwah loi tuþadïn kø nõit, na i kïta tøl ta ta kï Bïraþe ndan yo ad bøwi Abraham, Isaak kï Jakob.

⁶ Maj kad i ger, i kïta nyaðai kïdenesew hã Bïraþe Luwah loi adi'n døning kïmaj'n non al, kïta in girrdeg ngédøngang.

Ngan Israelag ðan yo ngon mang

⁷ I ga kami døt, ot kad kami oi dø søkt'n i søkï wong lo Bïraþe Luwah loi kam dïlalot. I mba girra ndøt'n i teen kø døning Ejipt't mbã i teen lot'n ðan, na i taan ðøø Bïraþe.

⁸ Nja mbalbot kï Horeb i søkïn Bïraþe ad Bïraþe þawong ad gee nujsï kø.

⁹ Lon m'aw dø mbalbot kïta taa bar mbalg ad i bar kunkø kï Bïraþe un nat sesï, m'ndï dø mbalbot kad døsøø kï ndø døsøø kanj sanya ke kãi man.

¹⁰ Bïraþe adïm bar mbalg joo in Luwah ndang kï ngonjin, ad i tag tube'n Bïraþe elsï ngawden horrt dø mbalbot dø ndø kawnat.

¹¹ Go kàdt kï døsøø kï ndø døsøø la Bïraþe adïm bar mbalg kïjoo, ad i bar kunkø.

¹² Kamla Bïraþe el an: I þai nëbe, i ðisï kanangbe, aw kïta deg loi'n i tee sed kø Ejipt't ye, tujïn rod, tøøn ðob kï m'øjd kï mberkïnda kø, kanangbe pelïn nya þakumta yo kïta rod.

¹³ Bïraþe elïm an: M'oo deg'n ðan na oo în deg kï døngang.

¹⁴ I nyam ad m'nujd na m'tøl tød kø girr dørãt. M'a m'ða sei kad i tel girrdeg kïtag kï kïbo tøid.

¹⁵ M'ðisï dø mbalbot, na mbalbo õ horr, bar mbal kunkø kïjoo in kam jimt kïjoo.

¹⁶ M'nøl na m'oo i ðan majal i ndoorïn ne Bïraþe Luwah losï, i pelïn nya þakumta ngon mang, tentenbe i tøn ðob'n Bïraþe ndasï mbera.

¹⁷ Kïtø 'nten m'hø bar mbal kïjoo jimt kïjoo, m'la m'tød takumsït.

Moij kø kï rotîn kïta ngan Israelg

¹⁸ Kamla m'so ber kïnõ Bïraþet tit kïkete, m'ða kàd døsøø kï ndø døsøø kanj sanya, kanj kãi man kïtø majal kïbobe'n i ðan lon i ðan kïla kïmajal'n non nõ Bïraþet kïta i søkïn wong loa.

¹⁹ Kïtø m'þool wong kïtïngabil lo Bïraþe'n þa sesï kad nujsï, na Bïraþe oo dø kø lom kaglot'non tø.

²⁰ Bïraþe þawong ngãibe kï Aarõ, ndig kad kï n'nuja, na m'kø kïta Aarõ kaglot'non tø.

²¹ M'un ngon mang'n i ðàn nõ, ad i kïlaðasï kï majal, m'laa horro, m'tøa køsïkøsï, na m'usa mbã m'ada tel bu, kamla m'ü bua kam man baht'n ðisï ko dø mbalbot.

²² I søkïn Bïraþe ad þawong kam logt kï Tabera kï Masa kï Kibrot Hataaba.

²³ Ko Kades Barnëa lon Bïraþe lasï, el an: Awïn, i taan døning'n m'ndï m'adsï nyakagþet, na i taan ðøø mberkïnda lo Bïraþe Luwah losï, i adïna kamsï al, i telïn rosï go ndï tat loa al tø.

²⁴ Ndø'n m'gersïn kete nu nõ, in ngétaaðoø Bïraþe,

²⁵ M'so ningt nõ Bïraþet kad døsøø ndoo døsøø kïta Bïraþe el an: N'a nujsï kø.

²⁶ M'kø Bïraþe m'an: Bïraþe Luwah, ot nuj deg loi, nyakagþe loi'n i badøa kïtakul tøgi kïbobe, in i tee sed kø Ejipt't kï jii kïtag,

²⁷ I gah dø þergt loi: Abraham, Isaak kï Jakob, Ot koo dø ngang lo deg'n ðan kï ðagootal lod ke majal lod,

²⁸ na þeta deg kï døningt kï i tee sej ko tit elïn anan: Bïraþe asï kaw sed døningt unïn køn ad'd al, kïta 'nten mbetd na tee sed kad tøld kam dïlalot.

²⁹ Na in deg loi kï nyakagþe loi'n i tee sed kø Ejipt't kïtakul tøgi kïbobe kï jii kïla kïdõ.