Deteronom 7 - BIBLE MBAÏ 1980

Israel kï girrdeg kïdangdang

¹ Lon Bïraþe Luwah loi aw sei kam døningt'n i ndï andt, kad i taa nyakagþet, a tuþa girrdeg ngãibe kø, ad i Hetiag, Girgasiag, Amoriag, Kananiag, Perejiag, Hebiag kï Jebusiag, girrdeg kï tanãmïta'n kørd kï tøgd in ngãi tøii.

² Lon Bïraþe Luwah loi lad jiit, na lon i teetd ðøø a ne, a i tøld tube ad goton. Ot kun køi sed, ot kookumtondo lod.

³ Ot la køi nat sed dø taanat. A ad ngani kïdë a taan ngand kïdïngã al, ngand kïdë a taan ngani kïdïngã al tø.

⁴ Kïtø a telïn dø ngani kïdïngã kad nyan ta ndulo gom, kad ðan þer lo yog kïdangdang ad wong kïtïngabil lo Luwah so døsït, nujsï tentenbe.

⁵ Na a i ðan sed titbe. A i tøøn dïngïr kadkarig lod kïber, a i tïndan yo mbalg lod i tetïn, a i gan kag yo Akerag lod kø, na a i lan horr þakumtanyag lod kïpel.

⁶ Kïtø 'nten, a în girrdeg kïjaþat kïta Bïraþe Luwah loi. Bïraþe Luwah loi køti kïtakad in girrdeg loa kïkøsïdøa ku girrdegt tube kï ndïn døningt kïtaagbe.

Bïraþe i ngengom go kunkø lon kïndøgndøg

⁷ Kïtø kørsï kïngãi tøi girrdeg tube hã Bïraþe køtsïn al, na kïta kørsï kïdu tøi kïlo girrdeg tube.

⁸ Kïtø Bïraþe ndï tarsï, na ndï ngomgo kunkø'n un ad bøwsïg kï yokïnda. Kïtø 'nten la Bïraþe teen sesï kï ji kïtag, na ban døsï kam þe þert ji Paraõt ngar kï Ejipt't.

⁹ Maj kad i ger, Bïraþe Luwah loi la i Luwah kïrota ye, i Luwah kï ngeðanya kïro, kï ngengom go kunkø lon kï nyaðakïro lon mbã kïdø ngaka kïdubgt'n tarïna na ngomïn go mberkïndag loa.

¹⁰ Na deg kï ngékøsa ta, a bajid takumdt, a nujd. A ndïdøt kï ngekøsa ta al, a baji de'n non takumat.

¹¹ I ngomgo ndikung kï mberkïndag kï tagkïgang'n m'ndai mbera þone, a i hø ðagoot,

¹² Îla oon dø tagkïgang'n non, i ngomïn god, na i høn ðagoot tø a ne, Bïraþe Luwah loi a ngomgo kunkø kï nyaðakïro'n unïn køn kï yokïnda ad bøwig.

¹³ A tari, a njang døi na a adi bïla kïdøtdøt, a ad maj urr ngan kami kï kand døning loi kï nyako loi kï man nduu loi kï yib loi kï kooj nyakulg loi kïbog kï kïdug kï kamkïsokïber kam døning'n ndan yo ad bøwig kï n'adi.

¹⁴ A i ngah majkurr tøi girrdeg tube. Kùj dekïdïngã ke kïdë a goto kusït, kùj dã a goto ku þut nyakulgt loi.

¹⁵ Bïraþe a ørr mõi kïdangdang kïðen roit kø, a la mõig kïmajal kï Ejipt'tn i gerd roit al, na a lad dø degt tube'n øsïsïn ta.

¹⁶ A i tuj deg tube'n Bïraþe Luwah loi a lad jiit, a i oo kumtondo lod al bat, a i ða kïlaþer ad yog lod kïta a i gum kïtai.

Bïraþe i ngengom girrdeg lon

¹⁷ Maj a ne, a i el kamit an: Girrdeg'n non în koosïg tøimïn ye, titbãi, m'a m'asï tuþad a?

¹⁸ Ot þoold, i ga kami dø nyat'n Bïraþe Luwah ða kï Paraõ kï døning Ejipt't kïkïðen taagbe,

¹⁹ nyanág kïbobe'n i ood kï kumi kï nyakøjg kï nyag kïyaya kï ji kïtag kï ji kïla kïdõ lon Bïraþe Luwah loi teen sei.

²⁰ Titbe la Bïraþe Luwah loi a la kï birmbîg dødt mbã kad nujïn ndegd kïnãi, kï îgïn yan rod nõit.

²¹ Ot kad þool ðai kïtatød kïta Bïraþe Luwah loi i kusït, i Luwah kïbo kïtootþool,

²² Bïraþe Luwah loi a tuþa girrdeg'n non jënjënbe nõit. A i asï tøld kanangbe al, na þeta dãg kïmut bilan døit.

²³ Na Bïraþe Luwah loi a lad jiit, a tïnda tîd kï log mbã nujd kø.

²⁴ A la ngarg lod jiit, a tøl tød kø girr dørãt, de mad kï a asï ða nõit goto mbã kad i nujd kø.

²⁵ A i lan horr þakumta yog lod kïpel, A i ða kumndà nar arjã ke nar ør kïdødt al ke un kïta roi, na þeta nyag'n non telïn gum kï ho'i kïta i nya kïyerr ro Bïraþe Luwaht loi.

²⁶ A i ðe kï nya kïyerr mad kam kujt loi al, na þeta a i tel nya kïndøl kï tita tø ho. A i mbet nya'n non parkïnõt kïta i nya kïndøl.