Deteronom 5 - BIBLE MBAÏ 1980

Mberkïndag kïkïlah

¹ Moij kun Israelag tube na eld an: Israel, oo dø mberkïndag kï tagkïgang'n m'ndï m'eltaa m'adi oo þone. I ndoon na, oon maj kad i høn ðagoot.

² Bïraþe Luwah loj un køn sej mbalbo Horebt.

³ Kunkø 'nten Bïraþe un kï bøwjg al na un sej jî tube, jîgïn kï ndï kï døj dõ þone.

⁴ Bïraþe elta sesï kum kï kum dø mbalbot ko ngawden horrt.

⁵ Ndøt'n non m'ða mbïnasït kï Bïraþe kad m'elsï ta lo Bïraþe kïta i þoolïn horr, na alïn dø mbalbot al. Bïraþe el an:

⁶ Mî Bïraþe Luwah loi ngetee sei kam døning Ejipt't kïtïga kokam þe þert.

⁷ A i aw kï luwah madg kïðang nomt al.

⁸ A tøsï þakumtanya mad kïta roi al, ke nya kï taana kï nya mad kïkam dørãt dõ, ke kïkam døningt ber, ke kïkam mant girr døningt.

⁹ A øsï døi ningt nõdt al, a i ða þer lod al tø kïta mî Bïraþe Luwah loi, mî Luwah kï ngejang, m'a m'ad køjkum kïta nyaða kïgootal lo bøwg so dø ngan'gt mbã kïdø ngakat kïkõmïta kï kïkõsøø lo ngékøsïm ta,

¹⁰ na m'a m'øj kamkë mbã ngaka kïdub lo deg'n ndï tarmïn na ndï ngomïn go mberkïndag lom.

¹¹ A i kun tø Bïraþe Luwah loi kari pãbe al, kïta de'n kun tøa kari pãbe a ne, Bïraþe a ørr ta døat al.

¹² I ngomgo ndø taakò kad i kïjaþat tit'n Bïraþe Luwah loi ndain mbera.

¹³ A i ða kïla ndø kïbojidet, a i ða kïla loi tube kamt,

¹⁴ na ndø kïkõtanãmïta i ndø taakò lo Bïraþe Luwah loi. A i ða kïla mad kïða kamt al bat, ke î ke ngoni kïdïngã ke kïdë, ke þer loi kïdïngã ke kïdë ke mang loi, ke korro loi, ke nyakul loi mad, ke mbah kïkam kujt loi, kïtakad þer loi kïdïngã, ke kïdë ngah'n lo taakò tit î be.

¹⁵ A i ga kami døt, kïta maði î þer kam døning Ejipt't, na Bïraþe Luwah loi tee sei kø kamt kï tøg jin kï ji kï la kïdõ. Kïtø 'nten la Bïraþe Luwah loi ndain mber kad i ngomgo ndø taakò ye.

¹⁶ Øsïgon bøwi kï kõi tit'n Bïraþe Luwah loi ndai mbera kïtakad ndøig bïlan, na i ngah majkurr kam døningt'n Bïraþe Luwah loi ndï adi.

¹⁷ A i tøl de al.

¹⁸ A i sah dekïdë kïðang al ho, ke a i ða ngaw kïðang al ho.

¹⁹ A i boog al.

²⁰ A i manaj kïngom dø madþeit al.

²¹ A i ða kumndà nya lo madþei al. A i ða kumndà kuj lo madþei al, ke ndøø loa, ke þer loa kïdïngã ke kïdë, ke mang loa, ke korro loa, ke nya kï ði lo madþei.

²² Îgïn ten la în tag'n Bïraþe el kï ngékawna losï tube ko dø mbalbot ngawden horrt kï kilndii kï lo kï diw kïrir kï ndï ta kïtag na la ta mad døt al. Ja tag'n non dø bar mbalt kïjoo adïm.

Luwah kï Moij dø Sinait

²³ Lon oon dø ndi ta'n tee kokam lo kïdiw kïrirt lon mbal ndï õ horr ye, bïradøg lo girrdeg losï kï kïbog losï tube ndøtïn kïromt

²⁴ elïn anan: Oo, Bïraþe Luwah loj øj'j kunjïn kïðangereng kïbo lon ngawden horrt. J'oo þone, Luwah elta kï de, na de'n non ndï kï døn dõ þaitø.

²⁵ J'a j'oi tajigla kïtøði a? Kïtø horr kï bobe 'nten a õj. Îla kï ndï taakò dø ndi Bïraþe Luwah loj þaitø a ne, j'a j'oi,

²⁶ kïta de kïðah ku degt'n oo dø ndi Luwah Ngekumkajir'n ndï elta ngawden horrt tit'n j'oon na ndï kï døn dõ a?

²⁷ I ndøt nderrbe, oo dø nya kï ði'n Bïraþe Luwah loj a eli kamla i tel elj ta nyag'n Bïraþe Luwah loj a eli nõ. J'a kï J'oo dø, na j'a kï ðagoot.

²⁸ Bïraþe oo dø ndi ta losï lon i ndï elmïn ta na Bïraþe elïm an: M'oo tag'n deg'n ðan elin, nyag tube kï elïn ye, elïn maj.

²⁹ Ã, kan ngarkamd i titbe kïndøgndøg kad þoolmïn kï ngomïn ne go mberkïndag lom kïtakad maj urrd mbãkïnõt, in kï ngandg.

³⁰ Aw, eld an: I telïn kïkam kujkubgt losï,

³¹ na î, i ða la be romt, m'a m'eli mberkïnda tube kï mberkïndag kï tagkïgang kad i ndood kïtakad a høn ðagoot kam døning'n m'ndï m'ad'd nyakagþet.

³² I ngomïn go kad i høn ða nya kï Bïraþe Luwah losï ndasï mbera, ot kawïn kokõ ke kogel.

³³ A i ndian kïgo ðobg tube'n Bïraþe Luwah losï ndasï mbera kïtakad i ndïn ne kï døsï dõ, kad maj urrsï na kad ndøsï în ngãi kam døningt'n a i taan nyakagþet.