Deteronom 4 - BIBLE MBAÏ 1980

Moij ad køj ngan Israelg

¹ Tajigla Israel, oo dø mberkïndag kï tagkïgang'n m'ndï m'ndoosï. I høn ðagoot kïtakad i ndïn ne kï døsï dõ kad andïn, i taan døning'n Bïraþe Luwah losï ad bøwsïg nyakagþet.

² Ot lan ta mad dø tat'n m'ndasï mbera, ke ørrïn ta mad kamt kø kïtakad i ngomïn go mberkïndag lo Bïraþe Luwah losï'n m'ndï m'adsï.

³ Oon kï kumsï nya'n Bïraþe ða Baal Peort, Bïraþe Luwah loi nuj deg tube kï ngékaw go yo Baal Peor,

⁴ na îgïn i tînyàn na kï Bïraþe Luwah losï ye, in tube i ndïn kï døsï dõ þone.

⁵ Oon, m'ndoosï mberkïndag kï tagkïgang tit'n Bïraþe Luwah lom ndamïn mbera kïtakad i høn ðagoot kam døningt'n a andïnt kad i taan nyakagþet.

⁶ A i ngomïn go na i høn ðagoot kïta a i terr losï kï nyager losï takum degt'n a oon dø ta lo mberkïndag tube na a elïn anan: Rota, girrdeg kïbobe'n ðan i girrdeg kï ngéeterr kï goosï.

⁷ Kïtø girrdeg kïbo kï ðah hã aw kï Luwah lon nderrbe tit'n Bïraþe Luwah loj'in sej nderrbe ndø kïðen'n kï kon kïdøat a?

⁸ Girrdeg kïbo kïðah hã aw kï mberkïndag kï tagkïgang kïdenesew tit mberkïndag tube'n m'ndad nõsït þone a?

Luwah ad girrdeg lon gerïnïn

⁹ Nya kïða laten: Oo go roi maj, i ngom roi maj tø ho, na þeta kami oi dø nyag tube'n oo kï kumi kad goton ngarkamit al. I ndoo ngani kï ngan nganig.

¹⁰ I ga kami dø ndøt'n i ðàn nõ Bïraþe Luwah loi dø mbalbo Horebt lon Bïraþe elïm an: I kaw deg kïnomt. M'ndïg kad oon dø tag lom kïtakad ndoon þoolïm kï kaglo kïðen kï ndïn ne kï død dõ, døningt na kad ndoon ngandg tø.

¹¹ Kaglot'non la i ndøtïn, na i ðan dõ kad mbalbot. Mbalbo õ horr na ndõ horr aw mbã kï ngawden rãt. Til diw, kilndii kï lo kïdiw kïrir.

¹² Kamla Bïraþe elsï ta ngawden horrt, i oon dø ndï tag, na oon þakumtanya mad al, i oon dø ndï ta koon.

¹³ Bïraþe tee dø kunkø lon adsï, elsï kad i ngomïn go mberkïndag kïkïlah na ja dø bar mbalgt kïjoo.

¹⁴ Kaglot'non Bïraþe ndam mbera kad m'ndoosï mberkïndag kï tagkïgang kïtakad i høn ðagoot kam døningt a andïnt kad i taan nyakagþet.

Luwah ndáng ngan Israelg dø yot kï ða

¹⁵ Oon go rosï maj kïta oon þakumtanya mad al dø ndøt'n Bïraþe elsïn ta ngawden horrt dø mbalbo Horebt,

¹⁶ na þeta i tujïn rosï kïlo tøsï þakumtanya mad, ad i þakumta dekïdïngã ke dekïdë,

¹⁷ ke þakumta dã mad kïdøningt ne, ke þakumta yel mad kï ngekørbøgïn dõ,

¹⁸ ke þakumta dã mad kï ngekørrkødber, ke þakumta kanj mad kïkam mant girr døningt.

¹⁹ Oo go roi maj, na þeta i un kumi kïdõ oon kad kï nah kï kïmëg, koosïg tube kïdørãt, na nyag'n non awïn sei ad i øsï døi ber nõdt, i ða þer lod kïta Bïraþe Luwah loi ndahd ad girrdeg tube kï girr dørãt.

²⁰ Na în ta Bïraþe øisï, tee sesï kam horrt kï ngenyë hand, ad i døning Ejipt't kïtakad în girrdeg nyakagþe loa tit'n în ne þone.

²¹ Na Bïraþe þa sem wong kïtatøsï, nda yo kad m'gang bah Jurrdë m'aw kam døningt kïmaj'n Bïraþe Luwah loi adi nyakagþet al.

²² Mî taa m'a m'oi kam døningt'n ðan, m'a m'gang bah Jurrdë al. Na în a i gangïn bah, a i taan døning kïmaj nyakagþet.

²³ Oon go rosï maj, na þeta kamsï oi dø kunkøt'n Bïraþe Luwah losï un sesï, na þeta i ðan þakumtanya mad kïtasï în Bïraþe Luwah loi øgi dø,

²⁴ kïta Bïraþe Luwah loi i horr kï ngekõ mugj i Luwah kï ngejang.

²⁵ Lon a ooj ngan'g, na ngani oojïn ngan'g tø ad i ndïn døningt'n non kaglo ngãi, îla i yerrïn kï rosï, i tøsïn þakumtanyag kï taan na kï nya mad, îla i ðan nya'n i kïmajal takum Bïraþe Luwaht losï kad i søkïn ne wong loa a ne,

²⁶ m'a m'kun dørã kï døning kad în ngémanaj døsït þone kad i nujïn kø tentenbe kam døningt'n a i taan gid bah Jurrdët. A i ðan ndøg ngãi al, na a nujïn kïtaagbe.

²⁷ Bïraþe a tïnda tîsï ku degt, ndegsï a nãi tëbe ku girrdegt kïdangdang'n Bïraþe a aw sesï dandt.

²⁸ Nu la a i ðan þer lo yog'n kag kï mbal'n de tøsï kï jin, îgïn asïn ko lo, ke koo dø ta, ke sanya, ke koot nya al.

²⁹ Kam lot'non tø la a i sah go Bïraþe Luwah loi na a i ngaah îla i saha kï ngarkami tube kï roi tube.

³⁰ Ndø kamkølt loi lon nyag'n non teen døit kam kaglot kïdøboit, a i tel kï ro Bïraþe Luwaht loi, a oo dø ndia,

³¹ kïta Bïraþe Luwah loi i Luwah kï ngekõkam a nyài kø al, a nuji al, kama a oi dø kunkøt'n un kï yokïnda ad bøwig al tø.

Majkurrr lo Bïraþe kïta Israel

³² Tajigla i ndïje ta døkaglot kï tøi kete nõit mbã ndø'n Luwah ndan de døningt ne, i ndïje ta ko døngoi dørãt mad mbã kïmadt oo ke nya mad kïbo kï titbe ða nya nja kïða a?

³³ Ndø kïða girrde mad oo dø ndi Luwah ela ta dan horrt tit'n oon dø ndia, na ndï kï dø dõ kari a?

³⁴ Ke Luwah mad i nõ'n køt girrdeg kïta ðøøn ku girrdegt kïðang kïtakul nyaná kï nyakøj kï nyag kïyaya kï ðøø kï ji kïngang kï tøg ji kï la kï dõ kï kïlag kïbobo kïtootþool tit'n Bïraþe Luwah ðan kïtai Ejipt't takumit a?

³⁵ Îla adïn kï oo nyag 'nten tube kïtakad i ger Bïraþe i Luwah, kïmad goto.

³⁶ Ko dõ dørãt adi oo dø ndia kad ndooi, kï døningt tø adi oo horr loa kïbobe, kokam horrt'n non to i oo dø tag loa.

³⁷ Kïtø tar bøwig na køt ngakad kïgodt. Î kïdøn tee sesï ko Ejipt't kï tøgïn kïbobe,

³⁸ tuþa girrdeg kïdangdang nõit, girrdeg kïbo kï tøgd tøi'i, kad and sei kam døningt lod na adi nyakagþet tit'n i ndï oon þone.

³⁹ Kïtø 'nten, þone i ger nya 'nten na i ngoma kamit: Bïraþe i Luwah kam dørãt dõ kï dø døningt kïber, kïmad goto.

⁴⁰ I ngom mberkïndag loa kï tag loa'n m'ndai mbera þone kïtakad i ngahn ronel, în kï ngani, kad ndøig bïlan kïdøtdøt kïnõt kam døningt'n Bïraþe Luwah ndï adi.

Moij køt þebog mïta kïtakad în longomro

⁴¹ Kamla Moij køt þebog mïta gid bah Jurrdët ko loþakàdt,

⁴² kad în longomro kïta ngetølde'n tøl madþen kï kamndig al, na i madngetaa kete al tø. A ãin kïkam kïkïðat ku þebogt'n non kïta kaj ron,

⁴³ ad i Beser kam dïlalot kïta Rubeniag, Ramot kam døning Galaadt kïta Gadiag kï Golan kam døning Basant kïta Manasiag.

Døning lo Israel gid Jurrdë

⁴⁴ 'Nten la i mberkïnda'n Moij nda nõ Israelagt.

⁴⁵ Îgïn ten la în najkïmag kï mberkïndag kï tagkïgang'n Moij eltaa Israelag go teed Ejipt't kïtïga,

⁴⁶ ko gid bah Jurrdë kam hoollot kï sumba nõ Bet Peor kam døningt lo Sihõ ngar lo Amoriag'n ndï Hesbon în Moij kï Israelag tetïn ðøø go teed Ejipt't kï tïga.

⁴⁷ Taan døning loa kï kïlo Og, ngar kï Basan, ngarg kïjoo lo Amoriag'n ndï gid bah Jurrdët ko loþakàd.

⁴⁸ Døning lod mbagirr Aroer kad bah Arnõnt mbã mbalbo Sirion, ad i Hermõ,

⁴⁹ nat kï dïla mbo tube kï gid bah Jurrdët ko loþakàd mbã bahbo kï dïlambo kï kad isgat.