Deteronom 23 - BIBLE MBAÏ 1980

Deg'n a andïn dan ngékawnat lo Israel al

¹ De a taa në bøwïn al, a ørr kub ro në bøwïnt al tø.

² De'n ørrïn ndoma ngah dó ad nuj kø ke gangïn møta a ne, a and kam ngékawnat lo Bïraþe al.

³ Ngon kï bøw goto a and kam ngékawnat lo Bïraþe al, ke ngakaa kïkõkïlah a andïn kam ngékawnat lo Bïraþe al.

⁴ Amonia ke Moabia kïða kaa a and kam ngékawnat lo Bïraþe al bat mbã ngakaa kïkõkïlah, a and kam ngékawnat lo Bïraþe al mbãkïnõt,

⁵ kïta ðen kï nyasa kï man kãi lan ne tai dø ðobt lon i teen kø Ejipt't al, na ban ji Balam ngon Beor kï þe loa i Petor kam døning Mesopotamit kad nda ndøl døit.

⁶ Na Bïraþe Luwah loi ndig koo dø ta lo Balam al. Bïraþe Luwah loi mbel ndøl ad tel majkurr kïdøit kïta Bïraþe Luwah loi tari.

⁷ A i sah kamkïsokïber lod ke majkurr lod al bat kaglo ndii kïdødõ mbãkïnõt.

⁸ Ot ko de kï Edom nya kïyerrt kïta i ngonkõi. Ot ko de kï Ejipt't nya kïyerrt kïta maði in mbah kam døningt loa.

⁹ Ngankad kïkõmïta'n oojïnd a andïn kam ngékawnat lo Bïraþe.

Kar ro kam lo høndït

¹⁰ Lon i tee aw kïta ðøø kï madngétaig a ne, i ngom roi maj dø nyat kïðen kïmajal.

¹¹ Îla de mad kusït i kïkar al kïtakul ngon roa kï tet ndø a ne, a tee kam gongt kø, a tel andt gog al

¹² mbã døji losølt lon a ndog man na lon kad ud a ne, a tel and kam gongt gog,

¹³ A i ða lo mad tïga gid gongt, lot'non la a aw nja þe tit ye.

¹⁴ A i ngom køsï kam nyagt loi, na lon a aw nja þe a urïn þe, na i tel i tiw ning dø nyat'n tee kamit

¹⁵ kïta Bïraþe Luwah loi a ndia kam gongt loi kïta ngomi kï n'la madngétai jiit. Kari na gong loi a i kï kar nyang, na þeta Bïraþe oo nya kïyerr roit ad tur gidïn adi.

¹⁶ Þer'n ãi ko ro ngeent aw roit a ne, ot tel sia kïro ngeeat gog,

Ngom dø þer'n ãi ngeen

¹⁷ A ndï nat sei, a ndï kusït kam lot'n a køt kam kïkïða ku þebogt loi in oo i kïmaj. A i ða ngétøg døat al.

¹⁸ Sumba kad ngahn kaya dekïdë ku ngan kïdëgt lo Israel al, titbe tø kad ngahn dekïdïngã kï tel ron kïdët þi kï dekïdïngãg ku dekïdïngãgt lo Israel al.

Luwah øg dø la kadkari nar'n i nar kaya dekïdë

¹⁹ Ot ðe kï nar baji lo kaya dekïdë, ke nar ndugo bisï kam kujt lo Bïraþe Luwah loi kïta tøl ta kunkø kïðen kïta tujoo'n nyag kïyerr ða Bïraþe Luwaht loi.

²⁰ Ot kad ngonkõi nyatîna kï mana døt, ke nar, ke nyasa, ke nya mad kïtîna kï mana døt.

Tïna nya kï mana døt i goot al

²¹ A i ad mbah nyatîna kï mana døt na a i ad ngonkõi nyakïðen tîna kï mana døt al kïtakad Bïraþe Luwah loi ad maj urri kam nyat kïðen kï jiit kam døning'n i ndï andt kad i taa nyakagþet.

²² Îla i un køi kï yokïnda ad Bïraþe Luwah loi a ne, ot ndï køkï dø tøl konat kïta rota, Bïraþe Luwah loi a ndïje taa roit, a în kï ta døit.

Kunkøg

²³ Îla i un køi kï yokïnda al a ne, i majal al.

²⁴ Nya'n tee tait i hø go sem na i tølkon ta kï tee tait, ad i kunkø kï un ad Bïraþe Luwah loi kï kamndig.

²⁵ Îla i aw kam ndøø nduut lo madþei a ne, i sa kanda tit'n kami gee ad tøl þooi, na ot kü kam keht lo,

²⁶ Îla i aw kam ndøø nyakot lo madþei a ne, i teet dø nyako kï jii na ot jako lo madþei kï kiya. Îla and kam ndøø gemt lo madþei a i tet singa gem kï jii, na a ja gem lo madþei kï ngorong al.