Deteronom 2 - BIBLE MBAÏ 1980

Israelag ndian kam dïlalot

¹ Kamla kï tel j'un ðob kam dïlalot kï kaw bahbot kïkïre tit'n Bïraþe elmïm, kï ndia gug dø mbalbo Seir ndøg ngãibe.

Israel tøi døning Edom, Moab kï Amon

² Na Bïraþe elïm an:

³ I gugïn dø mbalbo'n ðan asï. I telïn, awïn ko þodo.

⁴ I ndamber Israelag an: A i gangïn døning lo ngankõsï, ngan Esawg'n ndïn Seirt, a þoolsïn, oon go rosï maj,

⁵ ot ðøøn sed kïta m'a m'adsï døningt lod al, ke kï asï nda danja kaa goto. M'ad Esaw mbalbo Seir nyakagþet loa.

⁶ A i ndugon sed nyasa kï nar la a i san ye, a i ndugon sed man kãi kï nar la a ãin ye,

⁷ kïta Bïraþe Luwah loi ad maj urri kam kïlaða jiit tube na oo go ndia loi kam dïlalot kïbobe'n ðan. Oo, þal døsøø Bïraþe loi i nat sei, i nal nya mad al.

⁸ Jî tø kï tøi sãi kad døningt lo ngankõjg, ngan Esawg'n ndïn Seirt kï sãi ðob kï kaw dïlambot, Elat kï Esion Gewber, kamla kï tel j'un ðob kaw dø dïlalot kï Moab,

⁹ Bïraþe elïm an: Ot søkï Moab, ot ðøø sed kïta m'a m'adi nya døningt lod nyakagþet al kïta mad Ar ngan Lot nyakagþet.

¹⁰ (Emiag ndïnt kete. I girrdeg kïbo, în koosïg ngalïn tit Anakiag be.

¹¹ Deg oond tit Repayag, ad i sikïm deg kï tit'n kï Anakiag, na Moabiag kunïnd Emiag.

¹² Maði Horiag ndïn Seirt, na ngan Esaw tuþand, tølïnd na ndïn gotdt tit'n Israelag ðan ne kï døning'n Bïraþe ad'd nyakagþet).

¹³ Tajigla i þain, i gangïn bah Jered, taa kï þai kï gang bah Jered.

¹⁴ Kaglo'n kï þain ko Kades Barnëa mbã kï gangïn bah Jered i þal dømïta gidai jijoo mbã kad girr ngéðøøg'n ðan tube goton dan ngékawnat tit'n Bïraþe ndan yo ad'd.

¹⁵ Rota ji Bïraþe ndoord na nujd kø dan ngékawnat mbã goton tube.

¹⁶ Titbe, lon deg ngéðøø tube nujïn, oin kø dan ngékawnat

¹⁷ Bïraþe elïm an:

¹⁸ Þone a i tøi ðobnin døning Moab lot kï Ar.

¹⁹ Lon i teen nderrbe ro Amoniagt a ne, ot sokïd, ot ðøø sed kïta m'a m'adi nya døningt lo Amoniag nyakagþet al, kïta m'ad ngan Lot døning'n non nyakagþet,

²⁰ (Deg oon døning i døning lo Rapayimg to kïta Rapayimg ndïnt maði na Amoniag kunïnd Jamjumiag.

²¹ I girrdeg kïbo, în koosïg na ngalïn tit Anakiag be, Bïraþe nujd nõ Amoniagt ad tuþand na ndïn gotdt,

²² tit'n Bïraþe ðan kï ngan Esawg'n ndïn mbalbot kï Seir lon tølïn Horiag nõdt ad taan døning lod na ndïnt mbã þone.

²³ Ta lo girr Abiag ngendï kam ngan þegt mbã kï døning Gaja taa, deg'n þain Kaptort ðe nujïnd na ndïn gotdt).

²⁴ I þain dõ, i gangïn bah Arnõn. Oon, m'la Sihõ Amoria, ngar kï Hesbon kï døning loa jiit. I mbagirr taa døning loa, i ðøø sia.

²⁵ Þone m'mbagirr la þooli kï rondad ku girrdegt kïdangdang'n ndïn girr dørãt. Lon a oon hoii a ne, rod a ndad, rod a atd kãrïr kïtatøi.

Ngan Israelag taan døning kï Hesbon ji ngar Sihõt

²⁶ M'la kï ngombangkïlag kam dïlalot kï Kedemot't kï dø Sihõ ngar kï Hesbon kï ta lapia, m'ela m'an:

²⁷ I nya adïm m'tøi kï ðob kï døningt loi, m'a m'un ðob kïbo kanj kad m'tø kokõ ke ko gel.

²⁸ M'a m'ndugo sei nyasa kï nar la m'sa ye, m'a m'ndugo sei mankãi kï nar tø la kad m'ãi ho ye, m'a m'tøi kï njam dõ koon,

²⁹ tit'n ngan Esawg'n ndïn Seirt kï Moabiag ngendï Ar ðan ne sem, mbã m'gang bah Jurrdë kad m'aw kam døningt'n Bïraþe Luwah loj ndï adj.

³⁰ Na Sihõ ngar kï Hesbon ndig kad kï tøi ront al kïta Bïraþe ad døa ngang, ad kama kongkong, kïtakad n'laa jiit tit'n i ooan þone.

³¹ Bïraþe elïm an: Oo, tajigla m'ndï m'la Sihõ kï døning loa jiit. Kïtø 'nten aw, i mbagirr taa døning loa kad i ndït.

³² Sihõ tee kï deg lon tube, ndødj kïta ðøø sej þebot kï Jahas.

³³ Bïraþe Luwah loj laa jijt ad kï tetaðøø, ngana kï deg loa tube.

³⁴ Kaglot'non kï taa þebog loa tube kï nuj þebo kïðen kï dekïdïngãg kï dekïdëg kï ngan'g kanj nya de kïða kï dø dõ.

³⁵ Kï hø nyakulg kïtaj koon, na j'øi nyamajg'n høn taðøøt kam þebogt'n kï taad tø.

³⁶ Ko Aroer'n i ta bah arnõt kï þebo'n i kam hoollot mbã Galaad þebo mad kï tøga tøij goto. Bïraþe Luwah loj lad jijt tube.

³⁷ Na døning lo Amoniag la i aw nderrbe kadt al, ke kad bah Jabokt, ke þebog kïkam døning mbalt, kï log tube'n Bïraþe Luwah øgj kad j'awt.