Deteronom 14 - BIBLE MBAÏ 1980

Nyag'n Israelag a san al

¹ În ngan Bïraþe Luwah losï. A i jan rosï ke ngïsen bisïdøsï kïta ngekoi al.

² Kïtø in girrdeg kïjaþat lo Bïraþe Luwah loi, na Bïraþe køt ku girrdegt tube'n ndïn døningt ne kïtakad in girrdeg loa kïkøsï døa.

Dã kïta sa kï dã'n kï Luwah øg dø kïta sa

³ A i sanya mad kïyerr al bat.

⁴ Oon, dãg kï a i sand laten: Mang, bat, binya,

⁵ kal, wal, tow, bîya kïmut, jal, døg kï kol.

⁶ A i san dã kïðen'n kïngotinjaa tø joo, na sanya na tel øsï sa gog.

⁷ Na îgïn san nya na tel øsï san gog koon ke kïngotinjad tø joo koon, a i san al. Titbe a i san lukum al, ke døgdøgum, ke yeg dømbalg'n a san nya na tel øsï san gog na kïngotinjad tø joo al. A i oond tit nya kïyerr.

⁸ A i san børr al kï tø kïngotinjaa ta joo na sanya øsï sa gog al. A oona tit nya kïyerr. A i san dãd al, a i ødïn nind al tø ho.

⁹ Nyag kïkam mant'n a i sand laten: A i san nya kïðen'n aw kï mbirïn gidïnt kï ngøn.

¹⁰ Na nya'n aw kï ninga gidn kï ngon al, a i san al. A i oona tit nya kïyerr.

¹¹ A i san yel kïðen'n i kïkar

¹² na îgïn a i sand al laten: Kurro, girra, kï kørko,

¹³ kïsoli kï wara kïdangdang,

¹⁴ kagã kïðen,

¹⁵ bukoi, derbah, ndulogidþe kïdangdang kïðen,

¹⁶ køiyamyo kï køibo, ngakon,

¹⁷ ngadî, mal kï yelman

¹⁸ gõkïmana kï gõkadndø kïdangdang kï lawdari.

¹⁹ Na nyakørrkød ber kïðen kï þai kïbøgïn a i nya kïyerr rosït, a i sand al.

²⁰ A i san nya kïkar kïðen kï þai kïbøgïn.

²¹ A i san dã mad kïkoi al. A ada mbah kï ndï þe loi kad sa ke i ðaw kø ro mbaht kïta in girrdeg kïjaþat kïta Bïraþe Luwah losï.

Ta dø gáj kïða ku kïkïlaht

²² Þal kïðen a ørr gáj kïða ku kïkïlaht kam kand nyakot loi kï tee kam ndøøt,

²³ nõ Bïraþe Luwaht loi, kam lot'n a kø ad ndah tø tit la, a i sa gáj kïða ku kïkïlaht lo nyako loi kï man nduu loi kï yib loi kï nganderr dãg loi kïbo kï kïdu, kïtakad i ndoo'n þool Bïraþe Luwah loi kïndøgndøg.

²⁴ Îla ðob wo ngãi asï kad aw kï gáj kïða ku kïkïlaht loi al, kïta lo'n Bïraþe Luwah loi køt kad ndah tøn tit i sai sei a ne, lon Bïraþe Luwah loi ad maj urri

²⁵ a i ðaw gaj kïða ku kïlaht loi nõ kø i taan, nar, ndøm jii døt awïn lot'n Bïraþe Luwah køt,

²⁶ a i ndugo nya kïðen kï kami ndig kï nar'n non, ke mang, ke bat, ke kasïnduu, ke nyakãi kïwong, nya kïðen kï kami gee, a i sa nu nõ Bïraþe Luwuaht loi, a i ða ronel'n kï ngékïþe loi.

²⁷ Ot nya Lebia'n ndï kam þegt loi kïnõbe, kïta gáj loa ke nyanduba loa goto nat sei.

²⁸ Døboi þal kïmïta kïðen a i ørr gáj kïða ku kïkïlaht lo ndawnya loi, i ndaa tadang kam þalt kïkõmïta'n non, na i ndaa ta þegt loi.

²⁹ Kamla Lebia in gáj loa kï nyanduba loa goto nat sei, ke mbah, ke ngonhal, ke ngengawkoi'n ndïn kam þegt a san, a ndenïn, kïtakad Bïraþe Luwah loi ad maj urri kam kïlagt tube kï jii ða.