Deteronom 13 - BIBLE MBAÏ 1980

A tølïn ngékelta kïngom kø

¹ Oon maj kad i høn ðago nyag tube'n m'ndasï mbera, ot lan nya mad døt ke ørrïn nya mad kø.

² Îla ngekelta kïta Luwaht ke ngekoonyakamndilt mad þai kusït adi nyakøj mad ke nyakïya.

Maj kad ngan Israelg ndulon go yog kï ngom al

³ Na tølïn ta nyakøj'n non ke nyakïya'n eli taa kamla el an: ad j'awïn go yogt, îgïn i gerd al, ad kï ðan kïlaþer lod.

⁴ Ot koo dø ta lo ngekelta kïta luwaht'n ðan ke ngekoonyakamndilt kïta Bïraþe Luwah losï la ndï nãsi kï n'oo ke i tarïn Bïraþe Luwah losï kï ngarkamsï tube kï rosï tube a?

⁵ A i ndulon go Bïraþe Luwah losï, a i þoolïna, a i ngomïn go mberkïndag loa, a i oon dø ndia, a i ðan þer adïna, a i tïnyan'na sia.

⁶ A i tølïn ngekelta kïta Luwaht ka nõ, ke ngekoonyakamndilt kø kïta elsï kad i taan ðøø Bïraþe Luwah losï'n tee sesï kam døning Ejipt't kïtïga na badøsï kam þe þert. De kï titbe ndig lai mut kad i nya ðob'n Bïraþe Luwah loi ndai mbera kad i ndiat Titbe a i ørr majal roit kø.

⁷ Îla ngonkõi kïdïngã, ad i ngonkooj kõi, ke ngoni kï dïngã ke kïdë, ke nëi'n to kadt, ke nami kï i tara tit roi be silai lo yarot an: Ad j'aw kï ða þer lo luwahg kïðang, luwahg'n î ke bøwig gerïnd al.

⁸ Ku luwahgt lo deg'n ndïn gugïn døsï, nderrbe sei ke sãi sei, ko døngoi døningt mbã kï døngoit mad,

⁹ ot ndig sia, ot koo dø ta loa, ot kookumtondo loa, ot kaja, ot ya dø ðagootal loa.

¹⁰ Na i tøla, a i nda jii døat dasabang kad i tølan, kamla ji deg tube ye.

¹¹ A i tïla kï mbal kad oi kïta sah kad i nya Bïraþe Luwah loi kø, în tee sei døning Ejipt't kam þe þert.

¹² Israel kïtaagbe a oon na þool a ðad kad ðan majal kï titbe kusït gog al. Þebo, londï ngeða nyakïyerr, a tujïna kø.

¹³ Îla i oo hoita dø þebot kïða ku þebogt'n Bïraþe Luwah loi adi kï i ndït anan:

¹⁴ Deg kïpapa þain kusït goolïn deg kï þebo lod anan: Ad j'awïn kï ðan þer lo luwahg kïðen luwahg kï i gerd al,

¹⁵ a i sah kad i ger girra, a i ndïje taa kï rotîi. Îla ta 'nten i rota, i ta kïjeje, îla ðan nya kïyerr kï titbe kusït a ne,

¹⁶ rota a i tøl ngendï þebot'n ðan kï kiyaðøø, a i nuj þebo'n non kï nyag kïkamt tube na i tøl nya kulg kï kiyaðøø.

¹⁷ A i kaw nyag kï kamt tube kam natlot kï þebot, a i lahorr þebo nõ kï nyag kïkamt tube tit kadkari kïlahorrt nõ Bïraþe Luwaht loi, a tel gootþe mbãkïnõt, a ðana gog al bat.

¹⁸ Ot kad nya kïða ku nyagt kïndøl 'nten nãi jiit kïtakad wong lo Bïraþe kïtïngabil nya tan kad øj kamkë kï kookumtondo, ad i bïla kïdøt døt tit'n ndan yo ad bøwig,

¹⁹ îla i tel roi go ndï Bïraþe Luwaht loi, i ngomgo mberkïndag loa tube'n m'ndai mbera þone kad i ða nya kïgoðobat takum Bïraþe Luwaht loi.