Daniel 8 - BIBLE MBAÏ 1980

Nyakookamndilt'n Daniel oo dø tat lo bal bat kï bal bîya

¹ Kam þalt kïkõmïta lo kõþe lo ngar Belsasar ye, mî Daniel m'oo nya kam ndilïmt, go nyakookamndilt'n m'oo kete.

² Nya'n m'oo kam ndilmt la ten: Mî kamþet kï Sust, þebo lo ngar kïkam nusï døningt kï Elam. Kam niit ye, m'oo tit mî nderrbe kad baht kï tøa i Ulai.

³ M'un kumm kïdõ m'oo bal bat kï gaja i jooo ða ta baht. Gaj bat kïjoo'n non ngal asïn nõ al, na kïkïða ngal tøi kïmad; gaj bat mad þa gog ngal tøi kï mad.

⁴ M'oo bal bat'n non tit ða øsï nya ko loþakàdt kï ko lokïdøø kï ko lokïþodo. Dã mad kï asï gua goto. De kï kug de mad kørr jiat goto tø. Ðà nya'n kama ndig, na tøga þai kï dø madt kïdøtdøt.

⁵ Lon m'ðá m'ga ta dø nyagt m'oo þaitø ye, m'oo bal bîya mad þai ko lokudkàdt, aw kïngød kam døningt kïtaagbe kïkanj kad nja ød ning. Bal bîya'n non, aw kï gaj mad kïbo ngãi, gaj'n non ða mbïna kumagt.

⁶ Ðe kïdø bal bat'tn gaja i joo'n m'ooa ða kad baht nõ, na ãi kïdøat kï tøgïn tube.

⁷ M'ooa ðe nderrbe kïro bal bat'n non, kuma il kïrir kï wong kï tïnga bil, øsï bal bat kï tøg kï ngãi, tet gaja kïjoo, na tøg bal bat asï kad ðøøn sia goto. Bal bïnya laa bal bat ber ningt, þaa mbujmbuj kïber kï njant. De kï asï kad ðe ug ørra jiat goto.

⁸ Kamla bal bïnya tel kïbo kïdøtdøt, na lon ngah tøg ngãi ye, gaja kïbo'n non tet kø; kamla koot't gaj madg kïbobo søø þant, na þan tad kï døkum duniat kïsøø.

⁹ Got gog gaj kïdu mad þa kokam kïkïða kudt, na bo kïdøtdøt ko lokï þodot, ko þakàdt kï ko døning kïmaj ngãi ad i døning Israel.

¹⁰ Tel kïbo kïdøtdøt ngãi kï tøi mbã kï koosïg kï dørãt dõ, tøsï kïmadg ku koosïgt kï dørãt tïlad ningt nat kï kïmë madg, na þad mbujmbuj kï njant kï ber.

¹¹ Gaj'n non tel kïbo kïdøt kï tøi mbã ndoor Ngar Ngekoosïg in i Luwah, øg dø la kadkari kïlahorrt kïndøgndøg kad Luwah, na yerr kï lo kïjaþat lo Luwah tø.

¹² Na kïlaðag kï majal ða ad kadkari kïlahorrt kï la kïndogndøg tel girr tøg loa. Gaj'n non tuj kadkam Luwah kï jeje lo deg. Na nyag tube'n ða ye, maj urra kamt.

¹³ Kamla m'oo dø ndï malaika el an: Nyag'n oo kam kamndilt'n non dø tat lo kadkari kïlahorrt kïndøgndøg kï øgïn dø la, kï tøidøta lo Luwah, kï yerr kï lo kïjaþat lo Luwah, nat kï koosï ngéðøøg kï tetðøø ho þad mbuj mbuj kïber kï njan ye, nyag 'nten ðingãt a goton a?

¹⁴ Na malaika kïdasa turïm an: A to mbã lokïsøleg kï lokïsîg ad i ndø dub joo kï þumïta asï, kamla a arïn lo kïjaþat'n non ye.

Kørr girr nyakookamndilt kïkõjoo

¹⁵ Lon mî Daniel m'oo nyag'n non kam ndilmt ye, m'sah ger girra, na malaika mad ða nomt, i þakumta de.

¹⁶ M'oo dø ndi de mad mbïna kongïr bah Ulait, ko an: Gabriel, ad de'n non ger girr nyakookamndilt'n non.

¹⁷ Titbe la Gabriel ndøt nderrbe lot kï m'ðat, na lon m'oo ðe ye, þool ðam adïm m'so kïber kï takumm. Na elïm an: Ngon de, maj kad i ger, nyakookamndilt'n non i kïta kaglo kïdøboit.

¹⁸ Lon ða elta sem þaitø ye, þi tølïm søkïr, na takumm i ningt; na la jin ødmïn, unïn ndam dõ lot'n m'ðat kete.

¹⁹ Kamla elïm an: Oo. M'a m'adi i ger nyag kï a ðan nya kaglo døboit'n Luwah øj woi, lon Luwah ndan ngong wong lon kïtalsøkïr.

²⁰ Bal bat'n ooa gaja i joo ye, øj go kõþe lo Medeg kï Perseg.

²¹ Bal bïnya'n oo ye, øj go kõþe lo Grekg. Gaj kïbo kï ða mbïna kumat ye, i ngar kïdasa.

²² Na ta lo gaj kïtet'n non in gaj kïsøø þan gootat ye i titbe: Kõþeg søø a þain kokam girrdegt'n non, na tøgd a asï kï kïdasa nõ al.

²³ Na døboi kaglo kõþe lod, lon ngétøidøtag ðan majal ngãi kï tøi dø ye, ngar mad kï ngeger girr terrtag kï takuma ot þool ngãi a þai.

²⁴ A aw kï tøg ngãi, na a i tøg loa kï køsïdøa al; a tuj lo ngãi kï tøi; a ða nya ngãi, na maj a ura døt; a nuj deg kïngangg kï deg kïjaþat kø.

²⁵ Kïtakul kumtøg loa, a ad maj urr nyaðaa kïgo lo gool degt, døa a sïr ad a tøi ron kï dõ. Ngar'n non a tøl deg ngãibe'n oon anan i kaglo ndï lomt. A þai ndoor Ngar lo ngarg'n i Luwah. Kaglot'n non la Ngar lo ngarg a nuja kø kïkanj de mad ðasia.

²⁶ Nyakookamndilt dø lokïsølegt kï lokïsîg'n tit'n oo ye, i ta kï jeje. Na î, i ngom nyakokam ndilt'n oo nõ kïta i ta dø ndøgt kïsãi þaitø.

²⁷ Na mî Daniel, kaglot'n non, kumm ilïm, kamla mõi ðam ndø asï tat kamla m'þai dõ ye, na lon m'yoot taa ne, m'oo go kïlag lo ngar gog. Na nyakokamndilt'n m'oo nõ otïm þool ngãi, na de mad kï ger girra goto.