Daniel 7 - BIBLE MBAÏ 1980

Nyakookamndilt'n Daniel oo

¹ Kam þalt kïdasa bang lo kõþe lo Belsasar, ngar kï Babilon ye. Daniel nii, na oo nyag kïkam ndilnt, lon ton dø tïraþit. Kamla ndang nii'n non, na ørr hoi dagïro ta nyag'n non.

² Daniel el an: M'oo nyag kam ndilmt ndø, na m'oo nélg kïsøø kï dørãt lan kï tøgd kïdø bahbot.

³ Dãg kïbo søø þain, teen kokam bahbokat't, in dangdang, titïn kï na al.

⁴ Kïdasa i tit kï tubo be, na aw kï bøgïn kï tit kï bøg yel kuro be; kamla lon m'to m'oo nyag nõ þaitø ye, tørrïn bøgag kø, unïn na døningt kïdõ, adïna ða dõ dø njant tit de be. Na adïna goosï lo de tø.

⁵ Kamla m'oo dã mad kïðang, i dã kïkõjoo, tit dã urs be. Þai ða dõ kadïnt køtkokïða, na aw kïkïnga dã mïta kam tant dõ ngangïnt. Elïna anan: I þai dõ, i sa dã ngãibe.

⁶ Go nyat'n non a ne, m'nøl lo, na m'oo dã mad kïðang tø, tit kï kag be, aw kï bøgïn søø gidïnt tit yel be. Dã'n non døa i søø, na adïna tøg kõþe kïkootþool.

⁷ Go nyagt'n non ye, m'oo nyag kam ndilïmt ndø. M'oo dã kïkõsøø, i kïtootþool ngãi, ngah wong kïdum, na aw kï tøg ngãi kï tøi. Nganga i hand kïbobe, a la nyag nõnt yalïm, a tød køsïkøsï, a þa ndeg nyag kï nãin mbujmbuj kïber kï njant. Na i ngankodang, tit kï dãg kïkete nõat nõ al, gaja i kïlah.

⁸ M'nøl gaj dãg kïkïlah'n non, na m'oo gaj dã mad kïdu þa kudt; ða ad gaj dãg mïta. Na gaj dã'n non kuma i tit kum de be. Na taa ndï elta kï døsïr.

Takïgang lo Luwah

⁹ Lon m'nda kum m'ða m'nølïn nyag þaitø ye, ndan pongg kõþeg, na. Ngendï maði nõ ndøgt ðe ndït døt ber. Kub loa ndà ngü tit neij be, bisïdøa ar nyang tit bî bat kïjanjoi be. Pong gangta loa i tit ndõhorrg kï kõ giling'giling, nja pong kõþe'n non loa i tit horr kï kõ mugj be.

¹⁰ Horr kï tit bah be tee ko kïnõat, nü nõ Ngendï maði nõ ndøgt. Deg dub nja dub dub ða ðan kïlaþer adïna, kïdub dub kïlahg ðan nõat. Ngégangtag ndïn ber, teen maktubg.

¹¹ Kamla m'nda kum m'nølïn lo þaitø, kïta gaj dã kï du'n kah ko ngãi. Na ndï elta kï døsïr ye. Lon m'ndï m'nøl lo þaitø ye, tølïn dã kïkõsøø, tujïn dãroa, na lana kam horrt kï õ giling giling.

¹² Na ndeg dãg taa ne, taan tøg kõþe lod, na nyand kï død dõ kaglo sî þaitø. Na døboia i kï køj woi.

¹³ M'oo nyag kam ndilmt ndø taa ne, m'oo nya nda kï titïn na kï ngon de be, ðe kam kilndiigt kï dørãt, ndøt kïro Ngendï maði nõ ndøgt, na adïna ndøt kï nõat

¹⁴ Na adïna tøg kõþe kï tøko kï kõþe, kïtakad deg tube kï girrdeg kïdangdang, kï deg kï ta þe lod i dangdang ðan kïlaþer adïna. Tøg kõþe loa tokïnõt, na kõþe loa to lotont kohgt lo kohg, kõþe loa a nuj al.

Kørr girr nyakookamndilt kïdasa

¹⁵ Na mî Daniel kamm dam ta paa kïta nyag'n m'oo kam ndilt, ad kamm gang man.

¹⁶ M'ndøt kïro kïkïðat ku îgïntïn ðan lot'n non, na m'ndïjea kad elïm rota dø nyagt 'nten tube m'an: Nyag 'nten tube ye, girra jeje ye i ði a?

¹⁷ Dãg kïbo kïsøø'n non ye, în ngarg søø kï a þain døningt.

¹⁸ Godt, deg kïjaþat lo Luwah kï Ngetøitøi a taan kõþe; kõþe a i lod mbãkïnõt, kï kohgt lo kohg.

¹⁹ Kamla m'sah kï'm ger girr ta lo dã kï kõsøø'n i dang kï dãg kïmïta nõ. I kïtootþool ngãi, aw kï ngang kï hand, kïmunrî njaa i kï ningakasï, la nyag tube nõnt yalïm, tøød køsïkøsï, na þa ndeg nyag kï njan mbujmbuj kïber.

²⁰ M'ndïg kï'm ger girr gaj dãg kïkïlah'n i dø dãt'n non, kï gaj kïmad'n non in þa, in gaj kïmïta son nõat, gaj dã'n non aw kï kumïn ho kï tan kïta kelta ndï elta kï døsïr kï tøi lo ndeg namïng.

²¹ Na lon m'ndï m'oo lo þaitø ye, gaj dã'n non mbagirr ðøø kï deg kïjaþat, na ða kï'n tetd ðøø,

²² mbã kad Ngendï maði nõ ndøgt ðe gangta ad deg kïjaþat lo Luwah kï Ngetøitøi, na kaglo asï woi ye, girrdeg lo Luwah ngahn kõþe.

²³ De'n m'ndïjea ta ye, ørrïm girrta ye titbe elïm an: Dã kïkõsøø øj go: Kõþe kï kõsøø'n a õþe døningt, kõþe loa a i ngankodang, a i tit kï ndeg kõþeg al, a taa lo kï døningt kïtaagbe, a þa madngétaang mbujmbuj kïber girr njant, a tød køsïkøsï tø.

²⁴ Ta lo gajg kïkïlah i titbe: In ngarg kïkïlah kï a þain kam kõþet'n non, na ngar mad a þai godt, a i ngankodang, a i tit kï ngarg kïkete nõat al, a øsï ngarg kïmïta lad kø, na a taa kõþe jid.

²⁵ Na a eltag ndoorïn Luwah kï Ngetøitøi, a da kum girrdeg lo Luwah ndo, køjtaða loa i kad'n mbel kaglo ða nahg kï mberkïndag'n deg lo Luwah ndï telïn rod got. A õþe dø girrdegt lo Luwah asï þal mïta kï nusï.

²⁶ Kamla ta kï gang lo Luwah a so døat, a taan tøg kõþe jiat, na a nujïna kø mbãkïnõt.

²⁷ Na kõþe, kï tøg kõþe, kï tako lo kõþe kï girr dørãt kïtaagbe a adïn degt kïjaþat lo Luwah kï Ngetøitøi. Kõþe lod a i kõþe kï a tokïnõt, kõþeg kïdangdang tube a ðan kïlaþer adïnd, a telïn rod go tat lod.

²⁸ Girr ta 'nten tïga nëbe. Na mî Daniel ta a ne, kamm gang man ngalang, ad takumm þa ndà, na m'ngom nyag'n non kammt.