Daniel 12 - BIBLE MBAÏ 1980

Kaglo kamkøl tøi, na kaglo majkurr ðe

¹ Kaglot'n non la Mikael, bïrangekõþe kïbo'n non, in ndï ngomdø girrdeg loi, a þai. Kaglo'n non a i kaglo kamkøl kïbobe; kïtit sia goto bat maði lon girrdeg ndïn ne døningt mbã kaglot'n non; na kaglot'n non ye, a ugïn girrdeg loi ørrïnd ad i dekïðen, in ngahn tøa i kïndang kam maktubt.

² Koosï deg ngãibe ku îgïntïn to þin kam buningt ye, a ndoolïn, kïmadg kïta kumkajir kï mbãkïnõt, na kïmadg kïta rosøl kï kid kïmbãkïnõt.

³ Na ngényager kïmaj a unjïn ðang tit nyenr kunj dørã be, na îgïn ndoon deg ngãibe nyaða kïdenesew a unjïn kïndøgndøg tit kïmeg be mbãkïnõt.

⁴ Na î Daniel, i ngom tag 'nten kï lomundt, ut maktub'n non, na uta taa kï nyatïnya ta maktub mbã kaglo kïdøboit. Deg ngãibe a awïn ho a telïn ho, na nyager a bïla kïdøtdøt.

Kaglo kïdøboit i nya kïmund

⁵ Kamla mî Daniel m'nøl lo, na m'oo deg joo tee ðan dõ, kïkïða ða dø kongïr baht kïkïða, na kïmad ða dø kongïr baht kïmad.

⁶ Na kïkïða kudt el de'n aw kï kub lë ront, in i dõ dø man baht'n non, an: Ðingãt nyag'n non a tølïn kond a?

⁷ De'n aw kï kub lë ront, in i dõ dø manbaht ka nõ, la jikõn kï jigelïn kï dørãt dõ, na m'ooa dø ta'n el an: Kï yo nda kam tø Luwaht kï Ngéndï kïnõt nyag'n non a ðan nya þal mïta kï nusï, na a tølïn kon nyag'n non tube, lon tøg girrdeg kïjaþat lo Luwah tïgan.

⁸ Mî Daniel m'oo dø tag'n non, na m'ger girra al. Kamla m'el ma'n: Bïraþe lom, døboi nyag'n non ye, a i titibãi a?

⁹ El an: Daniel, i aw lo loi, kïta tag'n non în kï yadø, în kï kut kï nyatîya ta maktub, a to mbã kaglo kïdøboit.

¹⁰ Deg ngãibe a arïn rod, telïn kïnda ngü kïta nánd kam nya nágt, na ngéðamajalg a asï ger girr nya 'nten al, a ðan kïgo majalt lod'n ndï ðan nõ. De kïða ku ngéðamajalgt kï a ger gira goto, na ngenyager kïmaj la a gerïn gira ye.

¹¹ Na þai dø kaglot'n non a øgïn dø kadkari kïlahorrt kïndøgndøg, na a udïn nya kïyerr kï ngenujþe ad ða dõ ye, a i ndø dubkïða kï þujoo kï døjikïða.

¹² Ngéronelg la in deg'n a ðan bijir mbã teen ne ndøgt kïdubkïða kï þumïta kïdømïta gidaimi ye.

¹³ Na î Daniel, i høtøgi bá mbã døboit. A i taakò, na a i ða dõ kïtakad i taa nyabaji loi kaglot kï døboit.