Daniel 10 - BIBLE MBAÏ 1980

Nyakokamndilt in Daniel oo ta bah Tigret

¹ Kam þalt kïkõmïta lo kõþe lo Sirus ngar lo Persg ye, takïmund mad i kï tee dø kad Daniel'n tøa i Beltisasar. Ta'n non i ta kïjeje, na i ta dø ðøøt kïbo. Daniel ger girr ta'n non, na aw kï goosï ger girr nyakookamndilt'n non tø ho.

² Kaglot'n non, mî Daniel m'høndo ndø døjoo gidaikïða.

³ M'sanya kïmaj al, m'ød dã ke kasïnduu tamt al, m'wur rom kï yib al tø, mbã ndø døjoo gidaikïða'n non tïgan tube.

⁴ Kam ndøt kï kõdøjoo gidaisø lo nah kïdasa ye, m'ða dø kongïr baht kïbo ad i bah kï tøa i Tigïr.

⁵ M'un kumm kïdõ, na m'oo de mad kï la kub lë ront, dø þon kï nyadøþo l'ør kï døning Upaj.

⁶ Roa i tit medkosï mbal krisolit be, takuma unj tit telndii kï tel yolong be, kuma i tit ndõhorr be, jia kï njaa în tit ningakasï kï kusï kï ndulo ngëingëi be, na ndi takela i tit ndï bahkad koosï deg be tø.

⁷ Mî Daniel kïkïðambe m'oo nya'n non kam ndilmt; deg kï i în nat sem ye, oon nya'n non al. Kïngasa gad ad ãin na yan rod.

⁸ Titbe la m'nãi kïkïðambe kad m'oo nya kïkootþool'n m'oo kam ndilïmt. Tøg tee romt tube al, na takumm þa ndà ad rom oi yelel.

⁹ Kamla m'oo dø ndi de mad elïm an, na lon m'oo dø ndia ye, m'so ber kï takumm ad þi tølïm søkïr, na m'nda nom ningt.

¹⁰ Taa ne, ji mad ødïm, unïm udïm dõ, adïm m'ða dø gojïmt, na nda jim ber, na rom ndad ngãi.

¹¹ De'n non elïm an: Î Daniel, î de kï Luwah tari ngãi, i høtøgi ba i nelïn mbii kad oon dø tagt ke ger girr tag'n m'a m'eli nõ. I þai i ða dõ kïta Luwah lam kïroit tajigla. Lon ða elïm ta þaitø ye, m'þai m'ðá dõ kï rondad.

¹² Elïm tø an: Daniel, ot þool. Kïtø dø ndøt kïdasa nu, lon i nda kamit kad i ger girr nya'n ða nya non. Kïtø 'nten i sølïn døi nõ Luwaht loi ye, Luwah oo dø tag lo'n el sia nõ, na mî m'ðe ta kï tur kï m'adi oo ye.

¹³ Na mbaiþe kï ngékõþe dø døningt kï Perst taam ðøø ndø døjoo gidaikïða, kamla Mikael, kïkïða ku bïra malaikagt, ðe ða sem. Kïtø 'nten la m'nãin gog ro ngargt kï Persï.

¹⁴ Na m'ðe tajigla kïtakad m'adi i ger girr nyag'n a teen dø girrdegt loi kam ndøgt kïdøboit, kïta nyakookamndilt'n non i ta dø ndøgt kïsãi þaitø.

¹⁵ Lon ða elïm tag 'nten þaitø ye, m'tur ta kumm kïber, na m'asï kel ta mad al ad m'ndï tam mbo.

¹⁶ Taa ne, kïkïða kï i tit kï ngan deg ød ndartam, kamla m'tee tam, m'elïn ta ye. M'elta ngeðà nomt m'an: A. Bïraþe lom, nyakookamndilt'n non ad kamm gang man, na rom oi yelel.

¹⁷ Titbãi mî þer lo Bïraþe lom, m'a m'asï kelta sei al, i Bïraþe lom. Tajigla kaa ne, tøgïm kïða kaa ne goto, ye titbãi m'a m'asï kel sei ta a?

¹⁸ Kamla kïkïða'n non kï i tit kï de, ødïm gog þaitø, na adïm tøg kad m'ngang.

¹⁹ Elïm an: Î de kï Luwah tari ngãi, ot þool. Kï i ndï kï lapia. Ire kami, ire kami. Lon ða elïm ta þaitø ye, rom ngang kongkong, ad m'el m'an: Kï Bïraþe lom elïm ta kïta i ad tøg adïm m'ngang woi.

²⁰ Kamla ndïjem an: I ger kïtøði m'ðen roit e? Tajigla m'a m'tel kïgog kïtakad m'ðøø kï mbaiþe nge kõþe dø Perst, na lon m'a m'tee m'aw ye, oo mbaiþe ngekõþe dø Grekgt a ðe.

²¹ Na m'a m'eli ta'n i kïndang kam maktub kï rotat: De mad kïða kï ngeðasem kad ðøø'n kï mbaiþeg'n non goto, na Mikael bïrangekõþe losï koon.