HLAZY 93 - Mara Bible RV (BSI)

Abeipa ryureina

¹ Abeipa ta ryureih ta, Abei poh ama pabu; Abeipa cha abei poh pabu ei ta, Thatlôna ta a chai â saih. Khizaw he pa-ipa châ ha ta, A chalyu beih aw vei.

² Na beidyuchhai cha hlâno tawhta pa-ipa châ ta, Nâ cha tlyzaw tawhtapa na châ.

³ Hy Abeipa, tisaihzy tlô ta, Tisaihzy ta a aoh ei ta, Tisaihzy ta thata amâ rôh.

⁴ Vâ chô sâhpa liata Abeipa cha thatlôpa châ ta, Tisaih a aoh ngâpa hlâta a thatlô via ta, Tilaipi chatlaopa hlâta a thatlô via.

⁵ Na bieraopazy a i ta, Hy Abeipa, pathaihna cha, Na o nata chhâzaw ta a hmiepa a châ.