HLAZY 91 - Mara Bible RV (BSI)

Abohna Khazohpa

¹ Chônôchaipa pahrâna o liata a chhaipa chyhsa cha, Atotaotheipa nohdi liata â pahâ aw.

² Abeipa hnohta, “Ei chhaina nata ei thokhy châ chi ta, Ei ngâpa ei Khazohpa na châ,” ei tah awh.

³ Khoheih a chôh thaipazy khoheih tawhta cha pachha aw ta, Potlana chichhihpa tawhta a cha pachha aw.

⁴ A mathlaw hmi ta cha khu aw ta, A mathlaw ry liata achhaina na hmô aw; A ngâchhihna cha vyhphao nata thokhy a châ.

⁵ Zâ chichhihna chi leipa aw chi ta, Nohchhô ta châtai a zawpa chi aw va chi.

⁶ Zohna liata potlana a chareipa chi leipa aw chi ta, Nohchhô ta pahleipadiatuhpa chhao chi aw va chi.

⁷ Na kâ lâta sâh kha pao aw ei ta, Na chachâh lâta thy kha ama pao aw; Nâ deikua châ hnia aw veih ei.

⁸ Na mo ta moh aw chi ta, Moleipa viarithôpa a châpa na hmô aw.

⁹ Abeipa cha na pahrâna châta hmâh chi ta, Chônôchaipa cha nâ chhaina ta na hmâpa vâta,

¹⁰ Chhiena ta cha tla thlu leipa aw ta, Potlana ta na poh o a hnia aw vei.

¹¹ Na siena lia maihta châ vaih awpa ta, Nâma kyh liata a vâlyuhchâpazy bie a pie aw ei.

¹² Alô liata na phei nâ pachhi lei nawpa ta, Ama ku ta ama cha chalo ha aw.

¹³ Chakeibarôhneipa nata vâzi zy tlypâ aw chi ta, Chakeibarôhneipa lochopa nata parihpi chhao, Phei ta na tlysao aw ei.

¹⁴ Abeipa ta hetana heta a tah: “Kyh khâchâ nâ pachâpa cha pachha aw na ta, Ei moh a pahnopa cha ei pabohsa aw.

¹⁵ Eina pado tita a chhy aw na ta, Nôpona daihti liata a hnohta ypa ta, Pachha aw na ta ei palyupalih aw.

¹⁶ Hro pasina ta a palôh patlâh aw na ta, Ei pachhana ei pahmôsa aw.”