HLAZY 87 - Mara Bible RV (BSI)

Zaio hla

Kôrâ Sawchapawzy Hla

¹ Tlâh pathaihpa liata a khihpi padua ta,

² Abeipa ta Zaio hawkazy cha pasô ta, Zakaw pahrâna zydua hlâta a pasô via.

³ Hy Khazohpa khihpi, Nâma hmo rônahpazy ama reih. Selah

⁴ Nâ pahnopazy hry liata a hlao hrapa, Rahâbi nata Babylaw kyh reih aw na ta, Pachâ teh, Philistia nata Tyre kyh reipa ta, Kusi kyh chhao reih aw na ta, “He chyhsa he Zaio liata a pihpa a châ,” ama tah aw.

⁵ Zaio kyh liata hetana heta ama tah aw: “He chyhsa nata hao chyhsa hao Zaio liata a pihpa châ ei ta, Chônôchaipa tlai ta Zaio cha a padua aw.”

⁶ Abeipa ta phopizy moh a roh tita, “He chyhsa he cha Zaio liata a pihpa a châ,” a tah aw. Selah

⁷ Hlasathaipazy nata lâhthaipazy ta â lyupa ta, “Ei byhnâ hnawh zydua Zaio liata a y,” ama tah aw.