HLAZY 82 - Mara Bible RV (BSI)

Chiehleipa nata phahlapazy pachhana

Asâpha Hla

¹ Khazohpa ta vâ pakhypi rônahpa chhihtha ta, Khazohzy hry liata ryureina siekhei ta, Hetana heta pachiana bie a phuah:

² “Khati taih ma â doleipa ta ryureih aw ei chi ta, Moleipazy nama khokhei via chy aw? Selah

³ Chiehleipa nata paw hnei leipazy a duakhei u la, Pasataopa nata dyhchhiepazy adona pabohsa muh vy.

⁴ Chiehleipa nata phahlapazy pachha u la, Moleipazy ku tawhta âmo cha thaoh teh u.

⁵ “Pahnona hnei leipa ei ta, Novâhna hnei hra veih ei; Zohna liata charei ei ta, Leilô abôna zydua â chalyu haw.

⁶ “Khazohzy hawhta cha vaw pachâ ei na ta, Nama zydua ta Chônôchaipa sawzy hawhta ei cha pachâ ei.

⁷ Châhrasala chyhsapa hawhta thi hra aw ei chi ta, Ryureituhpazy hawhta nama pao hra aw.”

⁸ Râh zydua he na ryuto châ ta, Chavâta Hy Khazohpa, thyu la, Khizaw liata ryureih mah y!