HLAZY 74 - Mara Bible RV (BSI)

Phopi a boh nawpa ta thlahchhâna

Asâpha Maskili

¹ Hy Khazohpa, khazia chhâzaw ta miah thy chi ta, Khazia na sibiepa su liata mietakuzy cha, Na hiehâhna meikhuh ta na pa-uh khai ha ei tly?

² Na phopi he a thei mah y; Hlâno tawhta na chaleipazy châ pi ta, Na ryuto chipho châ awpa ta na chatlaipazy eima châ! Na pahrâ tyhna Zaio Tlâh chhao a thei mah y.

³ Chhâzaw ta a rao hapa su lâ he na phei vaw pahei tua, Chariahpa ta su pathaihpa liata hmo to a parao khai haw.

⁴ Na phopi apakhyna liata na khakhaipazy rahao ei ta, Âmo ngianazy ama taw thlu.

⁵ Ahrei chalopa ta, Râhmâhpa tho a thlupazy ama lyu.

⁶ Râhmâhpa tho liata nothlahpa khiepa zydua cha, Ahrei nata syulôzy ta ama thlu khai haw.

⁷ Na supathaihpa mei ta rao ei ta, Na moh yna ama papuapalei.

⁸ Ama palôh ta, “Parao khai ha ei suh u,” tah ei ta, Râh liata Khazohpa achhyna o zydua ama rao khai haw.

⁹ Ngiana nata hmonoâhpazy hmô khao leipa pi ta, Hrohsopa rai y khao leipa ei ta; Khati taih ma he hawhta a sie aw tahpa a pahnopa chhao, Eima hry liata y veih ei.

¹⁰ Hy Khazohpa, khati taih ma khakhaipa ta a cha pahneisao aw? Chariahpa ta chhâzaw ta na moh a reipachhie aw ma?

¹¹ Khazia na ku nâ dao ha tly, Khazia na ku chachâh lâ nâ dao ha tly? Na chysia byh tawhta na ku phia la, Âmo cha pahleipadia ha mah y.

¹² Hy Khazohpa, nâ cha hlâno tawhta ei Beipa châ chi ta, Alei chô zydua liata pachhana a taotuhpa na châ.

¹³ Na thatlôna ta tilaipi pachhaih chi ta, Tilaipi sa lai ngaitapazy luh na pakei haw.

¹⁴ Leviathâ luhzy pakei chi ta, Râhchawhpa sazy nie awpa ta Leviathâ cha na pie ei.

¹⁵ Tihnawhzy a papuatuhpa nata vahtiezy a palosatuhpa châ chi ta, Vahtly tipi a pakuatuhpa na châ.

¹⁶ Chhô he na eih châ ta, Zâ chhao na eih a châ; Avâ liata khaihpazy soh chi ta, Noh chhao khi nâma sopa a châ.

¹⁷ Alei liata râhrizy pakhâh chi ta, Nopi nata chasipaw zy na tao.

¹⁸ Hy Abeipa, he he a thei mah y; Chariahpa ta cha pahneisao ta, Phopi hrupa ta na moh a reipachhie.

¹⁹ Na vachhuh hrona cha, Sahrâhpazy hlâ leipa la; Na chyhsa dyhchhiepazy hrona chhao, Chhâzaw ta my khah y.

²⁰ Lei su zohpazy cha thachahra hmâna ta a bie hapa vâta, Na biehrai pachâ tyh mah y.

²¹ Tlybaipazy cha nozapa ta pakuasa leipa la, Dyhchhiepa nata phahlapa zy ta na moh cha reithai mawh ei sy.

²² Hy Khazohpa, thyu la, na bie a duakhei la, Ahrupa ta noh y ta a cha reipachhiezie he a thei mah y!

²³ Na khakhaipazy palopasahpa my leipa la, Châ thyuhnaopazy achiaburâhna paru via lymâpa chhao my khah y!