HLAZY 54 - Mara Bible RV (BSI)

Abohna châta thlahchhâna

Hla chhituhpa châta: Pyungiapa ri chhaopa nata patla awpa. Zipha mo ta Sawla hnohta, “Dâvi cha eima hry liata â nyu,” tahpa ta ama chho nota a phipa Dâvi Maskili

¹ Hy Khazohpa, na moh ta na pachha la, Na thatlôna ta thai na pachâsa mah y.

² Hy Khazohpa, ei thlahchhâna thei la, Ei pakah biezy lâta na nah pachôh mah y.

³ Chihropazy ta na thyuhnaopa ta, Chyhsa nôchhiepazy ta ei hrona tei ei ta, Ama hmiakô liata Khazohpa soh veih ei. Selah

⁴ Pachâ teh u, Khazohpa cha nâ baotuhpa châ ta, Abeipa cha ei hro nâ deichhytuhpa a châ.

⁵ Ei chariahpazy cha chhiena ta viarithô aw ta, Na ngâchhihna vâta âmo cha pahleipadia mah y.

⁶ Lôhthai hlâna ta nâ lâ atheihna hlâ aw na ta, Hy Abeipa, na moh ei reithai aw, Cha cha hmo phapa châ tlôh ta.

⁷ Ei nôpona zydua liata na pachha ta, Ei chariahpazy ama nawhpa ei mo ta a hmô haw.